IND vs ENG: 1st Test, Day 2: ਦੂਜੇ ਦਿਨ ਦੀ ਖੇਡ ਖ਼ਤਮ, ਇੰਗਲੈਂਡ ਨੇ 3 ਵਿਕਟਾਂ ਗੁਆ ਕੇ ਬਣਾਈਆਂ 209 ਦੌੜਾਂ

ਸਪੋਰਟਸ ਡੈਸਕ : ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ 20 ਜੂਨ (ਸ਼ੁੱਕਰਵਾਰ) ਤੋਂ ਲੀਡਜ਼ ਦੇ ਹੈਡਿੰਗਲੇ ਕ੍ਰਿਕਟ ਗਰਾਊਂਡ 'ਤੇ ਖੇਡਿਆ ਜਾ ਰਿਹਾ ਹੈ। ਸ਼ਨੀਵਾਰ (21 ਜੂਨ) ਨੂੰ ਇਸ ਮੈਚ ਦੇ ਦੂਜੇ ਦਿਨ ਟੀਮ ਇੰਡੀਆ ਦੀ ਪਹਿਲੀ ਪਾਰੀ 471 ਦੇ ਸਕੋਰ 'ਤੇ ਸਿਮਟ ਗਈ। ਜਵਾਬ ਵਿੱਚ ਇੰਗਲੈਂਡ ਨੇ 3 ਵਿਕਟਾਂ ਦੇ ਨੁਕਸਾਨ 'ਤੇ 209 ਦੌੜਾਂ ਬਣਾਈਆਂ। ਬੁਮਰਾਹ ਨੂੰ ਤਿੰਨੋਂ ਸਫਲਤਾਵਾਂ ਮਿਲੀਆਂ। ਭਾਰਤ ਇਸ ਸਮੇਂ 262 ਦੌੜਾਂ ਨਾਲ ਅੱਗੇ ਹੈ। ਓਲੀ ਪੋਪ ਸੈਂਕੜਾ ਲਗਾਉਣ ਤੋਂ ਬਾਅਦ ਖੇਡ ਰਿਹਾ ਹੈ। ਇਸ ਦੇ ਨਾਲ ਹੀ ਭਾਰਤ ਲਈ ਸ਼ੁਭਮਨ ਗਿੱਲ, ਯਸ਼ਸਵੀ ਜਾਇਸਵਾਲ ਅਤੇ ਪੰਤ ਨੇ ਸੈਂਕੜੇ ਲਗਾਏ ਅਤੇ ਇੰਗਲੈਂਡ ਲਈ ਸਟੋਕਸ ਅਤੇ ਟੰਗ ਨੇ 4-4 ਵਿਕਟਾਂ ਲਈਆਂ।

ਭਾਰਤੀ ਟੀਮ ਨੇ ਆਪਣੀ ਪਹਿਲੀ ਪਾਰੀ ਵਿੱਚ 471 ਦੌੜਾਂ ਬਣਾਈਆਂ। ਇਸ ਪਾਰੀ ਦੀ ਖਾਸ ਗੱਲ ਇਹ ਸੀ ਕਿ ਸ਼ੁਭਮਨ ਗਿੱਲ ਅਤੇ ਪੰਤ ਵਿਚਕਾਰ 200 ਤੋਂ ਵੱਧ ਦੌੜਾਂ ਦੀ ਸਾਂਝੇਦਾਰੀ ਹੋਈ।

ਇਸ ਤਰ੍ਹਾਂ ਰਹੀ ਇੰਗਲੈਂਡ ਦੀ ਬੱਲੇਬਾਜ਼ੀ
ਭਾਰਤ ਦੀਆਂ 471 ਦੌੜਾਂ ਦੇ ਜਵਾਬ ਵਿੱਚ ਇੰਗਲੈਂਡ ਦੀ ਸ਼ੁਰੂਆਤ ਚੰਗੀ ਨਹੀਂ ਸੀ। ਬੁਮਰਾਹ ਨੇ ਪਹਿਲੇ ਹੀ ਓਵਰ ਵਿੱਚ 4 ਦੌੜਾਂ ਦੇ ਸਕੋਰ 'ਤੇ ਕਰੌਲੀ ਨੂੰ ਬਾਹਰ ਦਾ ਰਸਤਾ ਦਿਖਾ ਦਿੱਤਾ। ਇਸ ਤੋਂ ਬਾਅਦ ਡਕੇਟ ਅਤੇ ਪੋਪ ਵਿਚਕਾਰ ਇੱਕ ਚੰਗੀ ਸਾਂਝੇਦਾਰੀ ਵਿਕਸਤ ਹੋਈ। ਦੋਵਾਂ ਨੇ 122 ਦੌੜਾਂ ਜੋੜੀਆਂ। ਪਰ ਇੰਗਲੈਂਡ ਨੂੰ 126 ਦੇ ਸਕੋਰ 'ਤੇ ਇੱਕ ਹੋਰ ਝਟਕਾ ਲੱਗਾ। ਜਦੋਂ ਬੁਮਰਾਹ ਨੇ ਡਕੇਟ ਨੂੰ ਆਊਟ ਕੀਤਾ। ਡਕੇਟ 62 ਦੌੜਾਂ ਬਣਾ ਸਕਿਆ ਪਰ ਪੋਪ ਇੱਕ ਸਿਰੇ 'ਤੇ ਰਿਹਾ। ਉਸ ਨੇ ਰੂਟ ਨਾਲ ਚੰਗੀ ਸਾਂਝੇਦਾਰੀ ਕੀਤੀ। ਪੋਪ ਨੇ ਵੀ ਸੈਂਕੜਾ ਲਗਾਇਆ ਪਰ ਦਿਨ ਦੀ ਖੇਡ ਖਤਮ ਹੋਣ ਤੋਂ ਪਹਿਲਾਂ ਬੁਮਰਾਹ ਨੇ ਇੰਗਲੈਂਡ ਨੂੰ ਇੱਕ ਹੋਰ ਝਟਕਾ ਦਿੱਤਾ ਅਤੇ ਰੂਟ ਨੂੰ ਆਊਟ ਕੀਤਾ। ਰੂਟ ਦੇ ਬੱਲੇ ਤੋਂ 28 ਦੌੜਾਂ ਆਈਆਂ। ਭਾਰਤ ਅਜੇ ਵੀ 262 ਦੌੜਾਂ ਅੱਗੇ ਹੈ।

ਇਹ ਵੀ ਪੜ੍ਹੋ : ਅਨੁਸ਼ਕਾ ਨਾਲ ਵਿਆਹ ਤੋਂ ਪਹਿਲਾਂ ਇਸ ਅਦਾਕਾਰਾ ਦੇ ਪਿਆਰ 'ਚ ਪਾਗਲ ਸਨ ਵਿਰਾਟ ਕੋਹਲੀ

ਭਾਰਤ ਦੀ ਪਹਿਲੀ ਪਾਰੀ ਦਾ ਸਕੋਰ ਕਾਰਡ

ਬੱਲੇਬਾਜ਼                          ਵਿਕਟਾਂ                                ਦੌੜਾਂ
ਯਸ਼ਸਵੀ ਜਾਇਸਵਾਲ          ਬ ਬੇਨ ਸਟੋਕਸ                      101
ਕੇਐਲ ਰਾਹੁਲ                  ਕੈ ਜੋ ਰੂਟ, ਬ ਬ੍ਰਾਇਡਨ ਕਾਰਸੇ     42
ਬੀ ਸਾਈ ਸੁਦਰਸ਼ਨ            ਕੈ ਜੈਮੀ ਸਮਿਥ, ਬ ਬੇਨ ਸਟੋਕਸ    0
ਸ਼ੁਭਮਨ ਗਿੱਲ                  ਕੈ ਟੰਗ, ਬ ਬਸ਼ੀਰ                    147
ਰਿਸ਼ਭ ਪੰਤ                      ਐਲਬੀਡਬਲਯੂ ਜੋਸ਼ ਟੰਗ          134
ਕਰੁਣ ਨਾਇਰ                  ਕੈਟ ਪੋਪ, ਬ ਸਟੋਕਸ                 0
ਰਵਿੰਦਰ ਜਡੇਜਾ                ਕੈਟ ਟੰਗ                               11
ਸ਼ਾਰਦੁਲ ਠਾਕੁਰ              ਕੈਟ ਸਮਿਥ, ਬ ਸਟੋਕਸ                1
ਪ੍ਰਸਿਧ ਕ੍ਰਿਸ਼ਨਾ                ਕੈਟ ਜੋਸ ਟੰਗ                           1
ਬੁਮਰਾਹ                        ਕੈਟ ਜੋਸ ਟੰਗ                           0

ਵਿਕਟਾਂ ਦਾ ਪਤਨ: 91-1 (ਕੇਐਲ ਰਾਹੁਲ, 24.5 ਓਵਰ), 92-2 (ਸਾਈ ਸੁਦਰਸ਼ਨ, 25.4 ਓਵਰ), 221-3 (ਯਸ਼ਸਵੀ ਜਾਇਸਵਾਲ, 52.3 ਓਵਰ), 430-4 (ਸ਼ੁਭਮਨ ਗਿੱਲ, 101.5 ਓਵਰ), 447-5 (ਕਰੁਣ ਨਾਇਰ, 104.6 ਓਵਰ), 453-6 (ਰਿਸ਼ਭ ਪੰਤ, 107.2 ਓਵਰ), 454-7 (ਸ਼ਾਰਦੁਲ ਠਾਕੁਰ, 108.4), 471-10 (ਪ੍ਰਸਿਧ ਕ੍ਰਿਸ਼ਨ-113)

ਇੰਗਲੈਂਡ ਦੀ ਪਲੇਇੰਗ 11: ਜੈਕ ਕਰਾਊਲੀ, ਬੇਨ ਡਕੇਟ, ਓਲੀ ਪੋਪ, ਜੋ ਰੂਟ, ਹੈਰੀ ਬਰੂਕ, ਬੇਨ ਸਟੋਕਸ (ਕਪਤਾਨ), ਜੈਮੀ ਸਮਿਥ (ਵਿਕਟਕੀਪਰ), ਕ੍ਰਿਸ ਵੋਕਸ, ਬ੍ਰਾਈਡਨ ਕਾਰਸੇ, ਜੋਸ਼ ਟੰਗ, ਸ਼ੋਏਬ ਬਸ਼ੀਰ।

ਭਾਰਤੀ ਟੀਮ ਦੀ ਪਲੇਇੰਗ 11: ਕੇਐਲ ਰਾਹੁਲ, ਯਸ਼ਸਵੀ ਜਾਇਸਵਾਲ, ਸਾਈ ਸੁਦਰਸ਼ਨ, ਸ਼ੁਭਮਨ ਗਿੱਲ (ਕਪਤਾਨ), ਰਿਸ਼ਭ ਪੰਤ (ਉਪ-ਕਪਤਾਨ/ਵਿਕਟਕੀਪਰ), ਕਰੁਣ ਨਾਇਰ, ਰਵਿੰਦਰ ਜਡੇਜਾ, ਸ਼ਾਰਦੁਲ ਠਾਕੁਰ, ਮੁਹੰਮਦ ਸਿਰਾਜ, ਜਸਪ੍ਰੀਤ ਬੁਮਰਾਹ, ਪ੍ਰਸਿਧ ਕ੍ਰਿਸ਼ਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8