IND vs AUS 3rd Test Day 4 Stumps : ਬੁਮਰਾਹ-ਆਕਾਸ਼ਦੀਪ ਨੇ ਫਾਲੋਆਨ ਤੋਂ ਬਚਾਇਆ, ਭਾਰਤ 252/9

ਸਪੋਰਟਸ ਡੈਸਕ— ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ 'ਚ ਪਹੁੰਚਣ ਦੇ ਰਾਹ 'ਤੇ ਅੱਗੇ ਵਧਣ ਲਈ ਭਾਰਤ ਅਤੇ ਆਸਟ੍ਰੇਲੀਆ ਦੀਆਂ ਟੀਮਾਂ ਗਾਬਾ ਮੈਦਾਨ 'ਤੇ ਆਹਮੋ-ਸਾਹਮਣੇ ਹੋ ਗਈਆਂ ਹਨ। ਦੋਵਾਂ ਟੀਮਾਂ 'ਚ ਇਕ-ਇਕ ਬਦਲਾਅ ਕੀਤਾ ਗਿਆ ਹੈ। ਆਸਟਰੇਲਿਆਈ ਟੀਮ ਵਿੱਚ ਫਾਰਮ ਵਿੱਚ ਚੱਲ ਰਹੇ ਜੋਸ਼ ਹੇਜ਼ਲਵੁੱਡ ਦੀ ਵਾਪਸੀ ਹੋਈ ਹੈ, ਉਥੇ ਹੀ ਅਸ਼ਵਿਨ ਦੀ ਥਾਂ ਰਵਿੰਦਰ ਜਡੇਜਾ ਨੂੰ ਮੌਕਾ ਦਿੱਤਾ ਗਿਆ ਹੈ।

ਚੌਥੇ ਦਿਨ ਭਾਰਤ ਨੇ 51/4 ਤੋਂ ਖੇਡਣਾ ਸ਼ੁਰੂ ਕੀਤਾ ਅਤੇ ਕੇਐਲ ਰਾਹੁਲ (84) ਅਤੇ ਰਵਿੰਦਰ ਜਡੇਜਾ ਦੇ ਅਰਧ ਸੈਂਕੜਿਆਂ ਦੀ ਬਦੌਲਤ 252/9 ਦਾ ਸਕੋਰ ਬਣਾਇਆ। ਜਸਪ੍ਰੀਤ ਬੁਮਰਾਹ ਅਤੇ ਆਕਾਸ਼ਦੀਪ ਨੇ ਲਗਾਤਾਰ ਪਾਰੀ ਖੇਡ ਕੇ ਭਾਰਤ ਨੂੰ ਫਾਲੋਆਨ ਤੋਂ ਬਚਾਇਆ ਪਰ ਟੀਮ ਅਜੇ ਵੀ 193 ਦੌੜਾਂ ਪਿੱਛੇ ਹੈ। ਖਰਾਬ ਰੋਸ਼ਨੀ ਕਾਰਨ ਮੈਚ ਰੋਕਣ ਤੋਂ ਬਾਅਦ ਦਿਨ ਦੀ ਖੇਡ ਖਤਮ ਕਰਨ ਦਾ ਫੈਸਲਾ ਕੀਤਾ ਗਿਆ। ਜਡੇਜਾ (109 ਗੇਂਦਾਂ ਵਿੱਚ ਅਜੇਤੂ 65 ਦੌੜਾਂ) ਨੇ ਸੱਤਵੇਂ ਵਿਕਟ ਲਈ ਨਿਤੀਸ਼ ਕੁਮਾਰ ਰੈੱਡੀ (61 ਗੇਂਦਾਂ ਵਿੱਚ 16 ਦੌੜਾਂ) ਨਾਲ 53 ਦੌੜਾਂ ਜੋੜੀਆਂ। ਇਸ ਤੋਂ ਪਹਿਲਾਂ ਕੇਐੱਲ ਰਾਹੁਲ ਸੈਂਕੜਾ ਬਣਾਉਣ ਤੋਂ ਖੁੰਝ ਗਏ ਅਤੇ 84 ਦੇ ਸਕੋਰ 'ਤੇ ਨਾਥਨ ਲਿਓਨ ਦੀ ਗੇਂਦ 'ਤੇ ਸਟੀਵ ਸਮਿਥ ਦੇ ਹੱਥੋਂ ਕੈਚ ਆਊਟ ਹੋ ਗਏ।

ਆਰ ਅਸ਼ਵਿਨ ਅਤੇ ਵਾਸ਼ਿੰਗਟਨ ਸੁੰਦਰ ਤੋਂ ਜਡੇਜਾ ਨੂੰ ਤਰਜੀਹ ਦਿੱਤੇ ਜਾਣ 'ਤੇ ਕਈਆਂ ਨੇ ਸਵਾਲ ਉਠਾਏ ਸਨ ਪਰ ਇਸ ਆਲਰਾਊਂਡਰ ਨੇ ਆਪਣੀ ਉਪਯੋਗਤਾ ਸਾਬਤ ਕੀਤੀ। ਆਸਟ੍ਰੇਲੀਆ 'ਚ ਜਡੇਜਾ ਦੀ ਔਸਤ ਹੁਣ 54 ਹੈ ਅਤੇ ਇੱਥੇ ਪਿਛਲੀਆਂ ਚਾਰ ਪਾਰੀਆਂ 'ਚ ਉਸ ਨੇ ਨਾਬਾਦ 65, ਨਾਬਾਦ 28, 57 ਅਤੇ 81 ਦੌੜਾਂ ਬਣਾਈਆਂ ਹਨ। ਉਸ ਨੇ 89 ਗੇਂਦਾਂ ਵਿੱਚ ਟੈਸਟ ਕ੍ਰਿਕਟ ਵਿੱਚ ਆਪਣਾ 22ਵਾਂ ਅਰਧ ਸੈਂਕੜਾ ਪੂਰਾ ਕੀਤਾ। ਨਿਤੀਸ਼ ਨੇ ਉਸ ਦਾ ਖੂਬ ਸਾਥ ਦਿੱਤਾ ਪਰ ਜ਼ਿਆਦਾ ਦੇਰ ਤੱਕ ਆਪਣੀ ਵਿਕਟ ਨਹੀਂ ਬਚਾ ਸਕੇ ਅਤੇ ਪੈਟ ਕਮਿੰਸ ਦੀ ਉਛਾਲਦੀ ਗੇਂਦ ਉਸ ਦੇ ਸਟੰਪ ਨਾਲ ਟਕਰਾ ਗਈ।