ਇਮਾਮ-ਉਲ-ਹਕ 'ਅਫੇਅਰ ਵਿਵਾਦ' ਨੂੰ ਲੈ ਕੇ PCB ਨੇ ਤੋੜੀ ਚੁੱਪੀ, ਕਿਹਾ...
07/27/2019 12:17:10 PM
ਨਵੀਂ ਦਿੱਲੀ— ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਸਲਾਮੀ ਬੱਲੇਬਾਜ਼ ਇਮਾਮ-ਉਲ-ਹੱਕ ਨੂੰ ਲੈ ਕੇ ਉਠੇ ਨਵੇਂ ਵਿਵਾਦ ਨੂੰ ਉਨ੍ਹਾਂ ਦਾ ਨਿੱਜੀ ਮਾਮਲਾ ਕਰਾਰ ਦਿੱਤਾ ਅਤੇ ਸੋਸ਼ਲ ਮੀਡੀਆ ਰਾਹੀਂ ਪਾਕਿਸਤਾਨੀ ਕ੍ਰਿਕਟਰ ਦੇ ਖਿਲਾਫ ਲਗਾਏ ਗਏ ਦੋਸ਼ਾਂ 'ਤੇ ਕੋਈ ਪ੍ਰਤਿਕਿਰਿਆ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਪਾਕਿਸਤਾਨੀ ਕ੍ਰਿਕਟਰ ਦੇ ਖਿਲਾਫ ਕਥਿਤ ਤੌਰ 'ਤੇ 7 ਤੋਂ 8 ਲੜਕੀਆਂ ਦੇ ਨਾਲ ਅਫੇਅਰ ਕਾਂਡ ਰਾਤੋ-ਰਾਤ ਵਾਇਰਲ ਹੋ ਗਿਆ ਸੀ। ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ ਜਦੋਂ ਇਕ ਟਵਿੱਟਰ ਯੂਜ਼ਰ ਨੇ ਚਾਰ ਲੜਕੀਆਂ ਦੇ ਨਾਲ ਇਮਾਮ ਦੀ ਚੈਟ ਦੇ ਸਕ੍ਰੀਨਸ਼ਾਟ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰ ਦਿੱਤੇ।
ਦਰਅਸਲ ਯੂਜ਼ਰ ਨੇ ਸਕ੍ਰੀਨ ਸ਼ਾਟ ਜਾਰੀ ਕਰਦੇ ਹੋਏ ਦਾਅਵਾ ਕੀਤਾ ਹੈ ਕਿ ਇਹ ਉਨ੍ਹਾਂ ਚਾਰ ਲੜਕੀਆਂ ਨਾਲ ਉਨ੍ਹਾਂ ਦੇ ਚੈਟ ਦੇ ਸਕ੍ਰੀਨਸ਼ਾਟ ਹਨ, ਜਿਨ੍ਹਾਂ ਦਾ ਇਮਾਮ ਨਾਲ ਅਫੇਅਰ ਚਲ ਰਿਹਾ ਹੈ। ਇਸ ਤੋਂ ਬਾਅਦ ਇਮਾਮ ਨੂੰ ਸੋਸ਼ਲ ਮੀਡੀਆ 'ਤੇ ਟਰੋਲ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਬਾਅਦ ਅਜਿਹਾ ਲਗ ਰਿਹਾ ਸੀ ਕਿ ਇਮਾਮ ਲਈ ਅੱਗੇ ਦੀ ਰਾਹ ਮੁਸ਼ਕਲ ਹੋਵੇਗੀ ਪਰ ਪੀ.ਸੀ.ਬੀ. ਨੇ ਇਸ 'ਤੇ ਕੋਈ ਵੀ ਪ੍ਰਤੀਕਰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ।
ਜ਼ਿਕਰਯੋਗ ਹੈ ਕਿ ਇਕ ਟਵਿੱਟਰ ਯੂਜ਼ਰ ਨੇ ਇਮਾਮ 'ਤੇ ਦੋਸ਼ ਲਗਾਉਂਦੇ ਹੋਏ ਲਿਖਿਆ ਸੀ, ''ਤਾਂ ਜ਼ਾਹਰ ਹੈ ਕਿ ਇਮਾਮ ਉਲ ਹੱਕ 7 ਤੋਂ 8 (ਜੋ ਕਿ ਅਸੀਂ ਜਾਣਦੇ ਹਾਂ) ਮਹਿਲਾਵਾਂ ਨੂੰ ਡੇਟ ਕਰ ਰਹੇ ਹਨ ਅਤੇ ਉਹ ਉਨ੍ਹਾਂ ਦਾ ਇਸਤੇਮਾਲ ਕਰਦੇ ਹਨ ਅਤੇ ਉਨ੍ਹਾਂ ਦੇ ਜਜ਼ਬਾਤਾਂ ਨਾਲ ਖੇਡਦੇ ਰਹੇ। ਸਕ੍ਰੀਨਸ਼ਾਟਸ ਮੁਤਾਬਕ, ਇਮਾਮ ਉਨ੍ਹਾਂ ਨੂੰ ਪੂਰੇ ਸਮੇਂ ਇਹੋ ਦਸਣ ਦੀ ਕੋਸ਼ਿਸ਼ ਕਰਦੇ ਰਹੇ ਨ ਕਿ ਉਹ ਸਿੰਗਲ ਹਨ।''
