ਮੈਨੂੰ ਡੇਲ ਸਟੇਨ ਦੀ ਹਮਲਾਵਰਤਾ ਬਹੁਤ ਪਸੰਦ ਹੈ : ਹੇਨਿਲ

ਬੁਲਾਵਾਯੋ: ਅੰਡਰ-19 ਵਿਸ਼ਵ ਕੱਪ ਦੇ ਆਪਣੇ ਪਹਿਲੇ ਮੈਚ ਵਿੱਚ ਪੰਜ ਵਾਰ ਦੀ ਚੈਂਪੀਅਨ ਭਾਰਤੀ ਟੀਮ ਨੇ ਅਮਰੀਕਾ ਨੂੰ 6 ਵਿਕਟਾਂ ਨਾਲ ਹਰਾ ਕੇ ਆਪਣੇ ਅਭਿਆਨ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ ਹੈ। ਇਸ ਜਿੱਤ ਦੇ ਮੁੱਖ ਸੂਤਰਧਾਰ ਤੇਜ਼ ਗੇਂਦਬਾਜ਼ ਹੇਨਿਲ ਪਟੇਲ ਰਹੇ, ਜਿਨ੍ਹਾਂ ਨੇ ਮਹਿਜ਼ 16 ਦੌੜਾਂ ਦੇ ਕੇ 5 ਵਿਕਟਾਂ ਹਾਸਲ ਕੀਤੀਆਂ।

ਹੇਨਿਲ ਪਟੇਲ ਦਾ ਇਹ ਪ੍ਰਦਰਸ਼ਨ ਪੁਰਸ਼ਾਂ ਦੇ ਅੰਡਰ-19 ਵਿਸ਼ਵ ਕੱਪ ਵਿੱਚ ਕਿਸੇ ਵੀ ਭਾਰਤੀ ਗੇਂਦਬਾਜ਼ ਦਾ ਤੀਜਾ ਸਭ ਤੋਂ ਵਧੀਆ ਪ੍ਰਦਰਸ਼ਨ ਹੈ। ਇਸ ਤੋਂ ਪਹਿਲਾਂ ਸਿਰਫ ਕਮਲ ਪਾਸੀ (2012 ਵਿੱਚ 23 ਰਨ ਦੇ ਕੇ 6 ਵਿਕਟਾਂ) ਅਤੇ ਅਨੁਕੂਲ ਰੌਏ (2018 ਵਿੱਚ 14 ਰਨ ਦੇ ਕੇ 5 ਵਿਕਟਾਂ) ਹੀ ਉਨ੍ਹਾਂ ਤੋਂ ਅੱਗੇ ਹਨ। ਹੇਨਿਲ ਨੇ ਦੱਸਿਆ ਕਿ ਉਹ ਦੱਖਣੀ ਅਫਰੀਕਾ ਦੇ ਦਿੱਗਜ ਗੇਂਦਬਾਜ਼ ਡੇਲ ਸਟੇਨ ਦੀ ਮੈਦਾਨੀ ਹਮਲਾਵਰਤਾ  ਤੋਂ ਬਹੁਤ ਪ੍ਰਭਾਵਿਤ ਹਨ ਅਤੇ ਉਨ੍ਹਾਂ ਨੂੰ ਆਪਣੀ ਪ੍ਰੇਰਨਾ ਮੰਨਦੇ ਹਨ।

ਆਪਣੀ ਸਫਲਤਾ ਬਾਰੇ ਗੱਲ ਕਰਦਿਆਂ 18 ਸਾਲਾ ਹੇਨਿਲ ਨੇ ਖੁਲਾਸਾ ਕੀਤਾ ਕਿ ਉਨ੍ਹਾਂ ਦੀ ਰਣਨੀਤੀ ਹਮੇਸ਼ਾ ਵਿਕਟਾਂ ਨੂੰ ਨਿਸ਼ਾਨਾ ਬਣਾਉਣ ਦੀ ਹੁੰਦੀ ਹੈ। ਉਨ੍ਹਾਂ ਕਿਹਾ, "ਮੈਂ ਹਮੇਸ਼ਾ ਬੱਲੇਬਾਜ਼ ਨੂੰ ਤਿੰਨ ਤੋਂ ਚਾਰ ਗੇਂਦਾਂ ਦੇ ਅੰਦਰ ਆਊਟ ਕਰਨ ਬਾਰੇ ਸੋਚਦਾ ਹਾਂ। ਮੇਰਾ ਮਕਸਦ ਜਲਦੀ ਵਿਕਟਾਂ ਲੈਣਾ ਹੈ ਅਤੇ ਮੈਂ ਇਸੇ ਸਕਾਰਾਤਮਕ ਮਾਨਸਿਕਤਾ ਨਾਲ ਅਭਿਆਸ ਅਤੇ ਮੈਚ ਵਿੱਚ ਉਤਰਦਾ ਹਾਂ"।