ਭਾਰਤੀ ਗੋਲਫਰ ਰੇਹਾਨ ਇੰਟਰਨੈਸ਼ਨਲ ਸੀਰੀਜ਼ ਬੈਂਕਾਕ ''ਚ ਸੰਯੁਕਤ ਦੂਜੇ ਸਥਾਨ ''ਤੇ

ਬੈਂਕਾਕ, (ਭਾਸ਼ਾ) ਭਾਰਤੀ ਗੋਲਫਰ ਰੇਹਾਨ ਥਾਮਸ ਨੇ ਦੂਜੇ ਰਾਊਂਡ (63) ਤੋਂ ਬਾਅਦ ਤੀਜੇ ਦੌਰ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸ਼ਨੀਵਾਰ ਨੂੰ ਇੱਥੇ ਛੇ ਅੰਡਰ 64 ਦਾ ਕਾਰਡ ਖੇਡਿਆ ਅਤੇ ਅੰਤਰਰਾਸ਼ਟਰੀ ਸੀਰੀਜ਼ ਬੈਂਕਾਕ ਗੋਲਫ ਟੂਰਨਾਮੈਂਟ ਵਿਚ ਖਿਤਾਬ ਦੀ ਦੌੜ ਵਿਚ ਖੁਦ ਨੂੰ ਬਰਕਰਾਰ ਰੱਖਿਆ। ਯੂਏਈ ਦੇ ਇਸ ਭਾਰਤੀ ਖਿਡਾਰੀ ਦਾ ਤਿੰਨ ਰਾਊਂਡਾਂ ਤੋਂ ਬਾਅਦ ਕੁੱਲ ਸਕੋਰ 14 ਅੰਡਰ ਹੈ ਅਤੇ ਉਹ ਪੰਜ ਹੋਰ ਖਿਡਾਰੀਆਂ ਨਾਲ ਸਾਂਝੇ ਤੌਰ 'ਤੇ ਦੂਜੇ ਸਥਾਨ 'ਤੇ ਹੈ। ਥਾਮਸ ਇਸ ਟੂਰਨਾਮੈਂਟ ਲਈ ਕਟ 'ਚ ਜਗ੍ਹਾ ਬਣਾਉਣ ਵਾਲੇ ਤਿੰਨ ਭਾਰਤੀ ਖਿਡਾਰੀਆਂ ਵਿੱਚੋਂ ਇੱਕ ਸੀ। ਹੋਰ ਭਾਰਤੀ ਖਿਡਾਰੀਆਂ ਵਿੱਚ ਗਗਨਜੀਤ ਭੁੱਲਰ (65-66-68) 11 ਅੰਡਰ ਨਾਲ 17ਵੇਂ ਸਥਾਨ 'ਤੇ ਹਨ ਜਦਕਿ ਕਰਨਦੀਪ ਕੋਚਰ (66-69-65) 10 ਅੰਡਰ ਨਾਲ 24ਵੇਂ ਸਥਾਨ 'ਤੇ ਹਨ। ਅਮਰੀਕਾ ਦੇ ਪੀਟਰ ਉਈਹਲੀਨ ਨੇ (64-62-67) 17 ਅੰਡਰ ਦੇ ਕੁੱਲ ਸਕੋਰ ਨਾਲ ਤਿੰਨ ਸ਼ਾਟ ਦੀ ਬੜ੍ਹਤ ਹਾਸਲ ਕਰ ਲਈ ਹੈ।