ਗੋਲਫ : ਲਾਹਿੜੀ ਓਲੰਪਿਕ ''ਚ ਸਾਂਝੇ ਤੌਰ ''ਤੇ 42ਵੇਂ ਸਥਾਨ ''ਤੇ

ਟੋਕੀਓ- ਭਾਰਤੀ ਗੋਲਫਰ ਅਨਿਰਬਾਨ ਲਾਹਿੜੀ ਚੌਥੇ ਅਤੇ ਆਖਰੀ ਦੌਰ ਵਿਚ ਇਕ ਓਵਰ 72 ਦੇ ਸਕੋਰ ਦੇ ਨਾਲ ਐਤਵਾਰ ਨੂੰ ਇੱਥੇ ਓਲੰਪਿਕ ਪੁਰਸ਼ ਗੋਲਫ ਪ੍ਰਤੀਯੋਗਿਤਾ ਵਿਚ ਸਾਂਝੇ ਤੌਰ 'ਤੇ 42ਵੇਂ ਸਥਾਨ 'ਤੇ ਰਿਹਾ। ਦੂਜੀ ਵਾਰ ਓਲੰਪਿਕ ਵਿਚ ਹਿੱਸਾ ਲੈ ਰਿਹਾ ਲਾਹਿੜੀ ਪਹਿਲੇ ਦੌਰ ਵਿਚ 67 ਦੇ ਸਕੋਰ ਤੋਂ ਬਾਅਦ ਟਾਪ-10 ਵਿਚ ਸ਼ਾਮਲ ਸੀ ਪਰ ਇਸ ਤੋਂ ਬਾਅਦ ਅਗਲੇ ਤਿੰਨ ਦਿਨ ਵਿਚ 72, 68 ਅਤੇ 72 ਦੇ ਸਕੋਰ ਨਾਲ ਪੰਜ ਅੰਡਰ 283 ਦਾ ਹੀ ਸਕੋਰ ਬਣਾ ਸਕਿਆ। ਉਹ 2016 ਵਿਚ ਰੀਓ ਓਲੰਪਿਕ ਵਿਚ 57ਵੇਂ ਸਥਾਨ 'ਤੇ ਰਿਹਾ ਸੀ।

ਇਹ ਖ਼ਬਰ ਪੜ੍ਹੋ- ਸਿੰਧੂ ਦੇ ਕਾਂਸੀ ਤਮਗਾ ਦੀ ਜਿੱਤ 'ਤੇ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ PM ਮੋਦੀ ਨੇ ਦਿੱਤੀ ਵਧਾਈ

ਪ੍ਰਤੀਯੋਗਿਤਾ ਵਿਚ ਹਿੱਸਾ ਲੈ ਰਿਹਾ ਇਕ ਹੋਰ ਭਾਰਤੀ ਉਦਿਆਨ ਮਾਨੇ ਵੀ ਆਖਰੀ ਦੌਰ ਵਿਚ ਇਕ ਓਵਰ 72 ਦੇ ਸਕੋਰ ਨਾਲ ਕੁਲ ਤਿੰਨ ਓਵਰ ਦੇ ਸਕੋਰ ਨਾਲ 56ਵੇਂ ਸਥਾਨ 'ਤੇ ਰਿਹਾ। ਲਾਹਿੜੀ ਨੇ ਆਖਰੀ ਦੌਰ ਵਿਚ ਤਿੰਨ ਬਰਡੀਆਂ ਅਤੇ ਚਾਰ ਬੋਗੀਆਂ ਕੀਤੀਆਂ ਜਦਕਿ ਮਾਨੇ ਚਾਰ ਬਰਡੀਆਂ ਤੇ ਪੰਜ ਬੋਗੀਆਂ ਕੀਤੀਆਂ। ਸ਼ੇਂਡਰ ਸਾਫੇਲੇ ਗੋਲਫ ਦਾ ਸੋਨ ਤਮਗਾ ਜਿੱਤਣ ਵਾਲਾ ਪਹਿਲਾ ਅਮਰੀਕੀ ਖਿਡਾਰੀ ਬਣਿਆ। ਉਸ ਨੇ 68, 63, 68 ਅਤੇ 67 ਦੇ ਸਕੋਰ ਨਾਲ ਕੁਲ 18 ਅੰਡਰ 266 ਦੇ ਸਕੋਰ ਨਾਲ ਸੋਨੇ ਦਾ ਤਮਗਾ ਆਫਣੇ ਨਾਂ ਕੀਤਾ।

ਇਹ ਖ਼ਬਰ ਪੜ੍ਹੋ- ਸੁਸ਼ੀਲ ਵਿਰੁੱਧ 18 ਗੰਭੀਰ ਧਾਰਾਵਾਂ ’ਚ ਦੋਸ਼ ਪੱਤਰ ਤਿਆਰ, ਕੱਲ ਪੇਸ਼ ਕਰੇਗੀ ਪੁਲਸ

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।