ਗੋਕੁਲਮ ਕੇਰਲ ਨੇ ਸਪੋਰਟਸ ਓਡੀਸ਼ਾ ਨੂੰ 8-1 ਨਾਲ ਹਰਾਇਆ
Sunday, Apr 30, 2023 - 08:34 PM (IST)
ਅਹਿਮਦਾਬਾਦ : ਮੌਜੂਦਾ ਚੈਂਪੀਅਨ ਗੋਕੁਲਮ ਕੇਰਲ ਨੇ ਸ਼ਨੀਵਾਰ ਨੂੰ ਇੱਥੇ ਇੰਡੀਅਨ ਮਹਿਲਾ ਲੀਗ (ਆਈਡਬਲਿਊਐੱਲ) ਫੁੱਟਬਾਲ ਮੁਕਾਬਲੇ ਦੇ ਆਪਣੇ ਦੂਜੇ ਗਰੁੱਪ ਏ ਮੈਚ ਵਿੱਚ ਸਪੋਰਟਸ ਓਡੀਸ਼ਾ ਨੂੰ 8-1 ਨਾਲ ਹਰਾ ਕੇ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਿਆ। ਗੋਕੁਲਮ ਨੇ ਲੀਗ ਦੇ ਆਪਣੇ ਪਹਿਲੇ ਮੈਚ ਵਿੱਚ ਕੋਲਕਾਤਾ ਦੀ ਈਸਟ ਬੰਗਾਲ ਐਫਸੀ ਖ਼ਿਲਾਫ਼ 8-2 ਨਾਲ ਜਿੱਤ ਦਰਜ ਕੀਤੀ ਸੀ।
ਪਿਛਲੇ ਮੈਚ ਵਿੱਚ ਪੰਜ ਗੋਲ ਕਰਨ ਵਾਲੀ ਨੇਪਾਲ ਦੀ ਫਾਰਵਰਡ ਸਵਿਤ੍ਰਾ ਭੰਡਾਰੀ ਨੇ ਆਪਣੀ ਚੰਗੀ ਫਾਰਮ ਨੂੰ ਜਾਰੀ ਰੱਖਦੇ ਹੋਏ ਇਸ ਮੈਚ ਵਿੱਚ ਚਾਰ ਗੋਲ ਕੀਤੇ। ਇਸ ਦੌਰਾਨ ਈਸਟ ਬੰਗਾਲ ਐਫਸੀ ਨੇ ਕਾਹਾਨੀ ਐਫਸੀ ਨੂੰ 1-0 ਨਾਲ ਹਰਾ ਕੇ ਮੁਕਾਬਲੇ ਵਿੱਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ। ਈਸਟ ਬੰਗਾਲ ਪਹਿਲੀ ਵਾਰ ਇਸ ਟੂਰਨਾਮੈਂਟ ਵਿੱਚ ਹਿੱਸਾ ਲੈ ਰਿਹਾ ਹੈ।
