AUS ਦੌਰੇ ''ਚ ਬੰਗਲਾਦੇਸ਼ ਦੀ ਮਹਿਲਾ ਕ੍ਰਿਕਟ ਟੀਮ ਦੀ ਕਪਤਾਨ ਬਣੀ ਰਹੇਗੀ ਨਿਗਾਰ ਸੁਲਤਾਨਾ

Tuesday, Sep 29, 2026 - 02:45 PM (IST)

AUS ਦੌਰੇ ''ਚ ਬੰਗਲਾਦੇਸ਼ ਦੀ ਮਹਿਲਾ ਕ੍ਰਿਕਟ ਟੀਮ ਦੀ ਕਪਤਾਨ ਬਣੀ ਰਹੇਗੀ ਨਿਗਾਰ ਸੁਲਤਾਨਾ

ਸਪੋਰਟਸ ਡੈਸਕ- ਬੰਗਲਾਦੇਸ਼ ਕ੍ਰਿਕਟ ਬੋਰਡ (BCB) ਨੇ ਵਨਡੇ ਕਪਤਾਨ ਵਜੋਂ ਨਿਗਾਰ ਸੁਲਤਾਨਾ ਜੋਟੀ ਦੇ ਭਵਿੱਖ ਬਾਰੇ ਚੱਲ ਰਹੀਆਂ ਅਟਕਲਾਂ 'ਤੇ ਵਿਰਾਮ ਲਗਾਉਂਦਿਆਂ ਸਪੱਸ਼ਟ ਕੀਤਾ ਹੈ ਕਿ ਉਹ ਆਗਾਮੀ ਆਸਟ੍ਰੇਲੀਆ ਦੌਰੇ 'ਤੇ ਟੀਮ ਦੀ ਕਪਤਾਨੀ ਕਰੇਗੀ। ਏਸ਼ੀਆਈ ਖੇਡਾਂ ਵਿਚਾਲੇ ਟੀ-20 ਕਪਤਾਨੀ ਛੱਡਣ ਦੇ ਜੋਟੀ ਦੇ ਫੈਸਲੇ ਤੋਂ ਬਾਅਦ ਨਵੇਂ ਵਨਡੇ ਕਪਤਾਨ ਦੀ ਨਿਯੁਕਤੀ ਦੀਆਂ ਚਰਚਾਵਾਂ ਸਨ, ਪਰ ਬੀ.ਸੀ.ਬੀ. ਦੇ ਪ੍ਰਧਾਨ ਤਮੀਮ ਇਕਬਾਲ ਅਤੇ ਮਹਿਲਾ ਵਿੰਗ ਦੇ ਚੇਅਰਮੈਨ ਰਫੀਕੁਲ ਇਸਲਾਮ ਬਾਬੂ ਦੀ ਖਿਡਾਰੀਆਂ ਨਾਲ ਹੋਈ ਬੈਠਕ ਤੋਂ ਬਾਅਦ ਸਥਿਤੀ ਸਪੱਸ਼ਟ ਕਰ ਦਿੱਤੀ ਗਈ। ਸਾਲ 2021 ਤੋਂ ਵਨਡੇ ਟੀਮ ਦੀ ਅਗਵਾਈ ਕਰ ਰਹੀ ਨਿਗਾਰ ਸੁਲਤਾਨਾ ਹੁਣ ਆਸਟ੍ਰੇਲੀਆ ਵਿਰੁੱਧ ਹੋਣ ਵਾਲੀ ਤਿੰਨ ਵਨਡੇ ਮੈਚਾਂ ਦੀ ਲੜੀ ਵਿੱਚ ਬੰਗਲਾਦੇਸ਼ ਦੀ ਅਗਵਾਈ ਕਰੇਗੀ।

ਦੂਜੇ ਪਾਸੇ, ਏਸ਼ੀਆਈ ਖੇਡਾਂ ਵਿੱਚ ਬੰਗਲਾਦੇਸ਼ ਦੇ ਕਾਂਸੀ ਦੇ ਤਗਮੇ ਤੋਂ ਖੁੰਝਣ ਤੋਂ ਬਾਅਦ ਸੀਨੀਅਰ ਕੋਚ ਸਰਵਰ ਇਮਰਾਨ ਵੱਲੋਂ ਕਪਤਾਨੀ ਅਤੇ ਕੋਚਿੰਗ ਦੀ ਸਥਿਤੀ ਨੂੰ ਲੈ ਕੇ ਬੋਰਡ ਵਿਰੁੱਧ ਦਿੱਤੀ ਬਿਆਨਬਾਜ਼ੀ 'ਤੇ ਬੋਰਡ ਨੇ ਨਰਾਜ਼ਗੀ ਜਤਾਈ ਹੈ। ਬੋਰਡ ਦੇ ਚੇਅਰਮੈਨ ਰਫੀਕੁਲ ਨੇ ਕੋਚ ਦੇ ਬਿਆਨਾਂ ਨੂੰ ਅਣਉਚਿਤ ਅਤੇ ਆਚਾਰ ਸੰਹਿਤਾ ਦੀ ਉਲੰਘਣਾ ਕਰਾਰ ਦਿੱਤਾ ਹੈ। ਹਾਲਾਂਕਿ, ਬੋਰਡ ਨੇ ਅਜੇ ਤੱਕ ਕੋਚ ਨੂੰ ਕੋਈ ਕਾਰਨ ਦੱਸੋ (ਸ਼ੋਅ-ਕਾਜ਼) ਨੋਟਿਸ ਜਾਰੀ ਨਹੀਂ ਕੀਤਾ ਹੈ, ਪਰ ਉਨ੍ਹਾਂ ਦੇ ਬਿਆਨਾਂ ਨੂੰ ਇੱਕ ਗੰਭੀਰ ਗਲਤੀ ਮੰਨਿਆ ਗਿਆ ਹੈ।
 


author

Tarsem Singh

Content Editor

Related News