ਜਰਮਨੀ, ਆਸਟ੍ਰੇਲੀਆ, ਕੈਨੇਡਾ ਤੇ ਬੈਲਜੀਅਮ ਡੇਵਿਸ ਕੱਪ ਦੇ ਪਹਿਲੇ ਦੌਰ ''ਚ ਜਿੱਤੇ

ਵੈਲੇਂਸੀਆ- ਜਰਮਨੀ ਨੇ ਵਿਸ਼ਵ ਦੇ ਦੂਜੇ ਨੰਬਰ ਦੇ ਖਿਡਾਰੀ ਅਲੈਗਜ਼ੈਂਡਰ ਜ਼ਵੇਰੇਵ ਦੇ ਬਿਨਾਂ ਸਲੋਵਾਕੀਆ ਨੂੰ 3. 0 ਨਾਲ ਹਰਾਇਆ ਜਦਕਿ 2023 ਦੀ ਉਪ ਜੇਤੂ ਆਸਟ੍ਰੇਲੀਆ ਨੇ ਫਰਾਂਸ ਨੂੰ ਡੇਵਿਸ ਕੱਪ ਫਾਈਨਲਜ਼ ਦੇ ਪਹਿਲੇ ਮੁਕਾਬਲੇ ਵਿੱਚ ਮਾਤ ਦਿੱਤੀ। ਚਾਰੇ ਗਰੁੱਪਾਂ ਦੇ ਮੁਕਾਬਲੇ ਚਾਰ ਵੱਖ-ਵੱਖ ਸ਼ਹਿਰਾਂ ਵਿੱਚ ਸ਼ੁਰੂ ਹੋਏ। ਆਖਰੀ ਅੱਠ ਪੜਾਅ ਦੇ ਮੈਚ ਨਵੰਬਰ ਵਿੱਚ ਸਪੇਨ ਦੇ ਮਾਲਾਗਾ ਵਿੱਚ ਖੇਡੇ ਜਾਣਗੇ। ਹਰੇਕ ਗਰੁੱਪ ਵਿੱਚੋਂ ਚੋਟੀ ਦੀਆਂ ਦੋ ਟੀਮਾਂ ਕੁਆਲੀਫਾਈ ਕਰਨਗੀਆਂ।

ਗਰੁੱਪ ਸੀ ਵਿੱਚ ਜਰਮਨੀ ਨੇ ਸਲੋਵਾਕੀਆ ਨੂੰ ਹਰਾਇਆ। ਅਮਰੀਕਾ ਅਤੇ ਚਿਲੀ ਵੀ ਇਸ ਗਰੁੱਪ ਵਿੱਚ ਹਨ। ਜਦੋਂ ਕਿ ਗਰੁੱਪ ਬੀ ਵਿੱਚ ਆਸਟ੍ਰੇਲੀਆ ਨੇ ਫਰਾਂਸ ਨੂੰ 2.1 ਨਾਲ ਮਾਤ ਦਿੱਤੀ। ਗਰੁੱਪ ਡੀ ਵਿੱਚ ਕੈਨੇਡਾ ਨੇ ਅਰਜਨਟੀਨਾ ਨੂੰ 2.1 ਨਾਲ ਹਰਾਇਆ ਜਦੋਂਕਿ ਗਰੁੱਪ ਏ ਵਿੱਚ ਬੈਲਜੀਅਮ ਨੇ ਨੀਦਰਲੈਂਡ ਨੂੰ ਉਸੇ ਫਰਕ ਨਾਲ ਹਰਾਇਆ।