ਪਿਕਲਬਾਲ ਵਿਸ਼ਵ ਚੈਂਪੀਅਨਸ਼ਿਪ : ਸਾਬਕਾ ਟੈਨਿਸ ਖਿਡਾਰਨ ਈਸ਼ਾ ਲਖਾਨੀ ਭਾਰਤੀ ਟੀਮ ''ਚ ਸ਼ਾਮਲ

ਮੁੰਬਈ : ਸਾਬਕਾ ਟੈਨਿਸ ਖਿਡਾਰੀ ਈਸ਼ਾ ਲਖਾਨੀ ਨੂੰ ਬਾਲੀ ਵਿੱਚ ਆਯੋਜਿਤ ਹੋਣ ਵਾਲੀ ਵਿਸ਼ਵ ਪਿਕਲਬਾਲ ਚੈਂਪੀਅਨਸ਼ਿਪ ਲਈ ਭਾਰਤੀ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਅਖਿਲ ਭਾਰਤੀ ਪਿਕਲਬਾਲ ਸੰਘ (ਏਆਈਪੀਏ) ਦੁਆਰਾ ਚੁਣੀ ਗਈ ਭਾਰਤੀ ਟੀਮ ਵਿੱਚ ਲਖਾਨੀ ਦੇ ਨਾਲ ਵ੍ਰਸ਼ਾਲੀ, ਵੰਸ਼ਿਕ, ਮਯੂਰ, ਕੁਲਦੀਪ ਮਹਾਜਨ ਅਤੇ ਤੇਜਸ ਮਹਾਜਨ ਵੀ ਸ਼ਾਮਲ ਹਨ।
ਏਆਈਪੀਏ ਇਸ ਤੋਂ ਇਲਾਵਾ ਵਿਯਤਨਾਮ ਵਿੱਚ ਆਯੋਜਿਤ ਹੋਣ ਵਾਲੀ ਏਸ਼ੀਆਈ ਪਿਕਲਬਾਲ ਜੂਨੀਅਰ ਚੈਂਪੀਅਨਸ਼ਿਪ ਲਈ 14 ਜੂਨੀਅਰ ਖਿਡਾਰੀਆਂ ਦਾ ਇੱਕ ਦਲ ਭੇਜ ਰਿਹਾ ਹੈ। ਪਿਕਲਬਾਲ ਟੈਨਿਸ, ਟੇਬਲ-ਟੈਨਿਸ ਅਤੇ ਬੈਡਮਿੰਟਨ ਦਾ ਮਿਲਿਆ-ਜੁਲਿਆ ਰੂਪ ਹੈ। ਇਸ ਨੂੰ ਟੈਨਿਸ ਦੀ ਤਰ੍ਹਾਂ ਖੇਡਿਆ ਜਾਂਦਾ ਹੈ ਪਰ ਇਸ ਖੇਡ ਵਿੱਚ ਖਿਡਾਰੀ ਰੈਕਟ ਦੀ ਜਗ੍ਹਾ ਪੈਡਲ ਦਾ ਇਸਤੇਮਾਲ ਕਰਦੇ ਹਨ। ਇਸ ਦੇ ਕੋਰਟ ਦਾ ਆਕਾਰ ਬੈਡਮਿੰਟਨ ਕੋਰਟ ਨਾਲੋਂ ਦੁੱਗਣਾ ਹੁੰਦਾ ਹੈ।