''ਦਿ ਹੰਡ੍ਰੇਡ'' ਦੀਆਂ ਟੀਮਾਂ ਲਈ ਪੰਜ ਆਈਪੀਐੱਲ ਫ੍ਰੈਂਚਾਈਜੀ ਨੇ ਲਾਈ ਬੋਲੀ

ਨਵੀਂ ਦਿੱਲੀ : ਮੁੰਬਈ ਇੰਡੀਅਨਜ਼, ਕੋਲਕਾਤਾ ਨਾਈਟ ਰਾਈਡਰਜ਼, ਰਾਜਸਥਾਨ ਰਾਇਲਜ਼, ਸਨਰਾਈਜ਼ਰਜ਼ ਹੈਦਰਾਬਾਦ ਅਤੇ ਲਖਨਊ ਸੁਪਰ ਜਾਇੰਟਸ ਆਈਪੀਐੱਲ ਦੀਆਂ ਉਨ੍ਹਾਂ ਫ੍ਰੈਂਚਾਇਜ਼ੀਜ਼ ਵਿਚ ਸ਼ਾਮਲ ਹਨ, ਜਿਨ੍ਹਾਂ ਨੇ ਇੰਗਲੈਂਡ ਅਤੇ ਵੇਲਜ਼ ਕ੍ਰਿਕਟ ਬੋਰਡ (ਈ.ਸੀ.ਬੀ.) ਦੇ ਮੁਕਾਬਲੇ 'ਦਿ ਹੰਡ੍ਰੇਡ' ਵਿਚ ਟੀਮਾਂ ਖਰੀਦਣ ਲਈ ਬੋਲੀ ਜਮ੍ਹਾਂ ਕਰਵਾਈ ਹੈ।

ਰਿਪੋਰਟ ਮੁਤਾਬਕ ਜੀਐੱਮਆਰ ਗਰੁੱਪ ਅਤੇ ਮਾਨਚੈਸਟਰ ਯੂਨਾਈਟਿਡ ਫੁੱਟਬਾਲ ਕਲੱਬ ਦੇ ਸਹਿ-ਮਾਲਕ ਅਵਰਾਮ ਗਲੇਜ਼ਰ ਨੇ ਵੀ ਟੀਮ ਨੂੰ ਖਰੀਦਣ ਲਈ ਬੋਲੀ ਜਮ੍ਹਾਂ ਕਰਵਾਈ ਹੈ। ਬੋਲੀ ਜਮ੍ਹਾਂ ਕਰਵਾਉਣ ਦੀ ਆਖਰੀ ਤਾਰੀਖ 18 ਅਕਤੂਬਰ ਸੀ। ਈਸੀਬੀ ਨੇ ਅੱਠ ਫਰੈਂਚਾਇਜ਼ੀ ਵਿੱਚੋਂ ਹਰੇਕ ਵਿਚ 49 ਫੀਸਦੀ ਹਿੱਸੇਦਾਰੀ ਲਈ ਬੋਲੀਆਂ ਦਾ ਸੱਦਾ ਦਿੱਤਾ ਸੀ। ਇਸ ਤਰ੍ਹਾਂ ਈਸੀਬੀ ਨੇ ਆਪਣੇ ਕੋਲ ਵੱਡਾ ਹਿੱਸਾ ਰੱਖਿਆ ਹੈ, ਜਿਸ ਨਾਲ ਮੁਕਾਬਲੇ 'ਤੇ ਆਪਣਾ ਕੰਟਰੋਲ ਬਰਕਰਾਰ ਰਹੇਗਾ।

ਇਹ ਵੀ ਪੜ੍ਹੋ : ਗਲਾਸਗੋ ਰਾਸ਼ਟਰਮੰਡਲ ਖੇਡਾਂ ਤੋਂ ਪਹਿਲਾਂ ਭਾਰਤ ਨੂੰ ਝਟਕਾ, ਕ੍ਰਿਕਟ-ਬੈਡਮਿੰਟਨ, ਹਾਕੀ-ਸ਼ੂਟਿੰਗ ਇਨ੍ਹਾਂ ਖੇਡਾਂ ਤੋਂ ਬਾਹਰ

ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਹਾਲਾਂਕਿ ਆਈਪੀਐੱਲ ਦੀਆਂ ਕਈ ਫਰੈਂਚਾਈਜ਼ੀਆਂ ਨੇ ਸ਼ੁਰੂਆਤ ਵਿਚ ਟੀਮ ਨੂੰ ਖਰੀਦਣ ਵਿਚ ਦਿਲਚਸਪੀ ਦਿਖਾਈ ਸੀ, ਪਰ ਉਨ੍ਹਾਂ ਸਾਰਿਆਂ ਨੇ ਬੋਲੀ ਨਹੀਂ ਲਗਾਈ। ਇਸ ਵਿਚ ਕਿਹਾ ਗਿਆ ਹੈ, "ਪੰਜਾਬ ਕਿੰਗਜ਼ ਨੇ ਚੋਣ ਨਹੀਂ ਕੀਤੀ ਜਦੋਂ ਕਿ ਇਹ ਪੁਸ਼ਟੀ ਨਹੀਂ ਕੀਤੀ ਗਈ ਹੈ ਕਿ ਕੀ ਪੰਜ ਵਾਰ ਦੀ ਆਈਪੀਐੱਲ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ ਅਤੇ ਗੁਜਰਾਤ ਟਾਈਟਨਜ਼ ਦੇ ਮਾਲਕ ਸੀਵੀਸੀ ਕੈਪੀਟਲ ਪਾਰਟਨਰਜ਼ ਨੇ ਬੋਲੀ ਜਮ੍ਹਾਂ ਕਰਵਾਈ ਹੈ।"

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8