ਭਾਰਤ ਦਾ ਸਭ ਤੋਂ ਮਹਿੰਗਾ Gym Trainer! ਕਰੋੜਾਂ ਦਾ ਹੈ ਮਾਲਕ, ਮਸ਼ਹੂਰ ਹਸਤੀਆਂ ਵੀ ਹਨ ਫੈਨ (ਤਸਵੀਰਾਂ)

ਸਪੋਰਟਸ ਡੈਸਕ : ਬਾਲੀਵੁੱਡ ਸਟਾਰ ਆਪਣੀ ਫਿਟਨੈੱਸ ਨੂੰ ਲੈ ਕੇ ਬੇਹੱਦ ਚੌਕਸ ਰਹਿੰਦੇ ਹਨ। ਅੱਜ ਦੇ ਬਾਲੀਵੁੱਡ ਸਟਾਰ ਆਪਣੀ ਐਕਟਿੰਗ ਤੋਂ ਵਧੇਰੇ ਆਪਣੀ ਫਿਟਨੈੱਸ 'ਤੇ ਧਿਆਨ ਦਿੰਦੇ ਹਨ। ਬਾਲੀਵੁੱਡ ਸਟਾਰ ਰਿਤਿਕ ਰੋਸ਼ਨ, ਜਾਨ ਇਬਰਾਹੀਮ,  ਡਿਨੋ ਮੋਰੀਆ, ਟਾਈਗਰ ਸ਼ਰਾਫ, ਵਿਧੁਯਤ ਜਾਮਵਾਲ ਦੀ ਜ਼ਬਰਦਸਤ ਫਿਟਨੈੱਸ ਨੂੰ ਦੇਖ ਕੇ ਫੈਨਜ਼ ਦੇ ਦਿਮਾਗ ਵਿਚ ਅਕਸਰ ਇਹੀ ਸਵਾਲ ਉੱਠਦਾ ਹੈ ਕਿ ਅਖੀਰ ਇਨ੍ਹਾਂ ਦੀ ਫਿਟਨੈੱਸ ਦੇ ਪਿੱਛੇ ਕੀ ਰਾਜ਼ ਹੈ ਤੇ ਇਨ੍ਹਾਂ ਨੂੰ ਕਿਸ ਨੇ ਟ੍ਰੇਨ ਕੀਤਾ ਹੈ। ਇਸ ਲਈ ਅੱਜ ਤੁਹਾਨੂੰ ਭਾਰਤ ਦੇ ਸਭ ਤੋਂ ਮਹਿੰਗੇ ਸੈਲੀਬ੍ਰਿਟੀ ਟ੍ਰੇਨਰ ਦੇ ਬਾਰੇ ਵਿਚ ਦੱਸਣ ਜਾ ਰਹੇ ਹਾਂ ਜੋ ਬਾਲੀਵੁੱਡ ਸਟਾਰਸ ਤੇ ਕ੍ਰਿਕਟਰਾਂ ਨੂੰ ਟ੍ਰੇਨ ਕਰ ਚੁੱਕਿਆ ਹੈ। ਤਾਂ ਆਓ ਜਾਣਦੇ ਹਾਂ ਕਿ ਇਹ ਕੌਣ ਹਨ ਤੇ ਇਨ੍ਹਾਂ ਦਾ ਨੈੱਟ ਵਰਥ ਕੀ ਹੈ ਤੇ ਇਨ੍ਹਾਂ ਦੀ ਕਮਾਈ ਕਿੰਨੀ ਹੈ।

ਜਾਣੋ ਕਿਵੇਂ ਬਣੇ ਜਿਮ ਟ੍ਰੇਨਰ
ਕ੍ਰਿਸ ਦੀ ਜ਼ਿੰਦਗੀ ਦੀ ਕਹਾਣੀ ਫਿਲਮਾਂ ਜਿਹੀ ਹੈ। ਅਸਲ ਵਿਚ ਇਕ ਐਕਸੀਡੈਂਟ ਤੋਂ ਬਾਅਦ ਡਾਕਟਰਾਂ ਨੇ ਕ੍ਰਿਸ ਨੂੰ ਕਿਹਾ ਸੀ ਕਿ ਉਨ੍ਹਾਂ ਦਾ ਸਰੀਰ ਕਦੇ ਰਿਕਵਰ ਨਹੀਂ ਕਰ ਸਕੇਗਾ ਤੇ ਉਨ੍ਹਾਂ ਨੂੰ ਅਪੰਗਤਾ ਦੇ ਨਾਲ ਹੀ ਜ਼ਿੰਦਗੀ ਗੁਜ਼ਾਰਨੀ ਪਏਗੀ। ਬੱਸ ਇਥੋਂ ਹੀ ਕ੍ਰਿਸ ਨੂੰ ਚੰਗੀ ਫਿਟਨੈੱਸ ਦਾ ਜਨੂਨ ਜਿਹਾ ਹੋ ਗਿਆ। ਹਸਪਤਾਲ ਤੋਂ ਡਿਸਚਾਰਜ ਹੋਣ ਤੋਂ ਬਾਅਦ ਉਨ੍ਹਾਂ ਨੇ ਜਿਮ ਜੁਆਇਨ ਕਰ ਲਿਆ। ਇਸ ਤੋਂ ਬਾਅਦ ਅਜਿਹਾ ਸਰੀਰ ਬਣਾਇਆ ਕਿ ਅੱਜ ਉਹ ਸਭ ਤੋਂ ਮਹਿੰਗੇ ਜਿਮ ਟ੍ਰੇਨਰ ਵਜੋਂ ਜਾਣੇ ਜਾਂਦੇ ਹਨ। ਕ੍ਰਿਸ ਗੋਥਿਨ ਅੱਜ ਦੁਨੀਆ ਦੇ ਨੰਬਰ ਇਕ ਟ੍ਰਾਂਸਫਰਮੇਸ਼ਨ ਮਾਹਰ ਹਨ। 

ਯੂਕੇ ਦੇ ਰਹਿਣ ਵਾਲੇ ਹਨ ਕ੍ਰਿਸ
ਕ੍ਰਿਸ ਗੋਥਿਨ ਮੂਲ ਰੂਪ ਨਾਲ ਯੂਕੇ ਦੇ ਰਹਿਣ ਵਾਲੇ ਹਨ ਤੇ ਹੁਣ ਭਾਰਤ ਵਿਚ ਰਹਿੰਦੇ ਹਨ। ਉਹ ਅੱਜ ਭਾਰਤ ਦੇ ਸਭ ਤੋਂ ਮਹਿੰਗੇ ਸੈਲੇਬ੍ਰਿਟੀ ਟ੍ਰੇਨਰ ਵਜੋਂ ਜਾਣੇ ਜਾਂਦੇ ਹਨ। ਕ੍ਰਿਸ ਹੁਣ ਤਕ ਰਿਤਿਕ ਰੋਸ਼ਨ, ਜਾਨ ਇਬਰਾਹੀਮ, ਰਣਵੀਰ ਸਿੰਘ ਸਣੇ ਕਈ ਬਾਲੀਵੁੱਡ ਸਿਤਾਰਿਆਂ ਨੂੰ ਟ੍ਰੇਨ ਕਰ ਚੁੱਕੇ ਹਨ। ਭਾਰਤ ਦੇ ਕਈ ਕ੍ਰਿਕਟਰ ਤੇ ਬਿਜ਼ਨੈਸਮੈਨ ਵੀ ਕ੍ਰਿਸ ਦੇ ਕਲਾਇੰਟ ਹਨ।

ਕਿੰਨੀ ਫੀਸ ਚਾਰਜ ਕਰਦੇ ਹਨ ਕ੍ਰਿਸ
ਕ੍ਰਿਸ ਗੋਥਿਨ ਬਤੌਰ ਜਿਮ ਟ੍ਰੇਨਰ ਲੱਖਾਂ ਦੀ ਫੀਸ ਚਾਰਜ ਕਰਦੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਕ੍ਰਿਸ ਕਲਾਇੰਟ ਦੇ ਹਿਸਾਬ ਨਾਲ ਮੰਥਲੀ 7 ਤੋਂ 30 ਲੱਖ ਰੁਪਏ ਦੀ ਫੀਸ ਚਾਰਜ ਕਰਦੇ ਹਨ। ਕ੍ਰਿਸ ਸਿਰਫ ਪਰਸਨਲ ਟ੍ਰੇਨਿੰਗ ਹੀ ਨਹੀਂ ਦਿੰਦੇ। ਪੂਰੀ ਦੁਨੀਆ ਵਿਚ ਉਨ੍ਹਾਂ ਦੇ ਖੁਦ ਦੇ ਕਈ ਜਿਮ ਹਨ, ਜਿਨ੍ਹਾਂ ਵਿਚੋਂ 11 ਭਾਰਤ ਵਿਚ ਹਨ। The Personage ਦੀ ਰਿਪੋਰਟ ਦੀ ਮੰਨੀਏ ਤਾਂ ਉਨ੍ਹਾਂ ਦੀ ਨੈੱਟਵਰਥ 25 ਮਿਲੀਅਨ ਡਾਲਰ ਯਾਨੀ 170 ਕਰੋੜ ਰੁਪਏ ਦੀ ਹੈ।