ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਏਟਕਿੰਸਨ ਦਾ ਭਾਰਤ ਖਿਲਾਫ ਪਹਿਲੇ ਟੈਸਟ ’ਚ ਖੇਡਣਾ ਸ਼ੱਕੀ

ਲੰਡਨ- ਇੰਗਲੈਂਡ ਦੇ ਤੇਜ਼ ਗੇਂਦਬਾਜ਼ ਗੁਸ ਏਟਕਿੰਸਨ ਦਾ ਹੈਮਸਟ੍ਰਿੰਗ ਸੱਟ ਕਾਰਨ ਭਾਰਤ ਖਿਲਾਫ 20 ਜੂਨ ਤੋਂ ਸ਼ੁਰੂ ਹੋ ਰਹੇ ਪਹਿਲੇ ਟੈਸਟ ’ਚ ਖੇਡਣਾ ਸ਼ੱਕੀ ਹੈ। ਭਾਰਤ ਅਤੇ ਇੰਗਲੈਂਡ 5 ਟੈਸਟ ਮੈਚਾਂ ਦੀ ਲੜੀ ਖੇਡਣਗੇ।ਮੀਡੀਆ ਰਿਪੋਰਟਸ ਅਨੁਸਾਰ ਗੇਂਦਬਾਜ਼ ਗੁਸ ਏਟਕਿੰਸਨ ਦਾ ਭਾਰਤ ਖਿਲਾਫ ਪਹਿਲੇ ਟੈਸਟ ’ਚ ਖੇਡਣਾ ਸ਼ੱਕੀ ਹੈ ਕਿਉਂਕਿ ਉਸ ਦੇ ਸੱਜੇ ਹੈਮਸਟ੍ਰਿੰਗ ’ਚ ਖਿਚਾਅ ਆ ਗਿਆ ਹੈ। 27 ਸਾਲ ਦੇ ਏਟਕਿੰਸਨ ਨੂੰ ਜ਼ਿੰਮਬਾਵੇ ’ਚ ਪਿਛਲੇ ਮਹੀਨੇ ਟੈਸਟ ਦੌਰਾਨ ਸੱਟ ਲੱਗੀ ਸੀ, ਜਿਸ ਨਾਲ ਉਹ ਵੈਸਟਇੰਡੀਜ਼ ਖਿਲਾਫ 3-9 ਨਾਲ ਜਿੱਤੀ ਲੜੀ ’ਚ ਨਹੀਂ ਖੇਡ ਸਕਿਆ ਸੀ। ਜੇਕਰ ਏਟਕਿੰਸਨ ਫਿੱਟ ਨਹੀਂ ਹੁੰਦਾ ਤਾਂ ਇਹ ਇੰਗਲੈਂਡ ਲਈ ਵੱਡਾ ਝਟਕਾ ਹੋਵੇਗਾ ਕਿਉਂਕਿ ਮਾਰਕ ਵੁੱਡ ਅਤੇ ਓਲੀ ਸਟੋਨ ਪਹਿਲਾਂ ਹੀ ਜ਼ਖਮੀ ਹਨ।