ਅੰਪਾਇਰ ਦੇ ਗਲਤ ਫ਼ੈਸਲੇ ’ਤੇ ਭੜਕੀ ਪ੍ਰੀਟੀ ਜ਼ਿੰਟਾ, ਦਿੱਤਾ ਵੱਡਾ ਬਿਆਨ

ਦੁਬਈ : ਆਈ.ਪੀ.ਐੱਲ. ਦੇ ਦੂਜੇ ਦਿਨ ਵਿਵਾਦ ਪੈਦਾ ਹੋ ਗਿਆ ਹੈ। ਐਤਵਾਰ ਨੂੰ ਦਿੱਲੀ ਕੈਪੀਟਲਸ ਤੇ ਕਿੰਗਜ਼ ਇਲੈਵਨ ਪੰਜਾਬ ਵਿਚਕਾਰ ਖੇਡੇ ਗਏ ਮੈਚ ਦਾ ਫ਼ੈਸਲਾ ਸੁਪਰ ਓਵਰ ਤੋਂ ਕੀਤਾ ਗਿਆ। ਟੀਚੇ ਦਾ ਪਿੱਛਾ ਕਰਦੇ ਹੋਏ ਪੰਜਾਬ ਦੇ ਬੱਲੇਬਾਜ਼ ਨਿਕੋਲਸ ਪੂਰਨ ਵਲੋਂ ਲਏ ਗਏ ਇਕ ਸਕੋਰ ਨੂੰ ਅੰਪਾਇਰ ਨਿਤਿਨ ਮੇਨਨ ਨੇ ਸ਼ਾਰਟ ਸਕੋਰ ਕਰਾਰ ਦਿੱਤਾ, ਜਿਸ ਨੂੰ ਲੈ ਕੇ ਵਿਵਾਦ ਹੋ ਰਿਹਾ ਹੈ। 
ਇਸ ਵਿਵਾਦ ’ਤੇ ਪੰਜਾਬ ਟੀਮ ਦੀ ਮਾਲਿਕਾਨਾ ਹੱਕ ਰੱਖਣ ਵਾਲੀ ਪ੍ਰੀਟੀ ਜ਼ਿੰਟਾ ਨੇ ਟਵੀਟ ਕਰਦਿਆ ਲਿਖਿਆ ਕਿ ‘ਮਹਾਮਾਰੀ ਦੌਰਾਨ ਅਸੀਂ ਕਾਫ਼ੀ ਜੋਸ਼ ਨਾਲ ਯਾਤਰਾ ਕੀਤੀ ਤੇ 6 ਦਿਨ ਕੁਆਰੰਟਾਈਨ ’ਚ ਵੀ ਬਿਤਾਏ ਤੇ 5 ਕੋਟਿਡ ਟੈਸਟ ’ਚ ਹੱਸਦਿਆਂ-ਹੱਸਦਿਆਂ ਗੁਜ਼ਾਰ ਦਿੱਤੇ ਪਰ ਇਸ ਇਕ ਸ਼ਾਰਟ ਸਕੋਰ ਨੇ ਮੈਨੂੰ ਹਿੱਲਾ ਕੇ ਰੱਖ ਦਿੱਤਾ। ਜੇਕਰ ਤਕਨੀਕ ਦਾ ਸਹੀ ਇਸਤੇਮਾਲ ਨਹੀਂ ਕੀਤਾ ਜਾ ਸਕਦਾ ਤਾਂ ਇਸ ਦੇ ਹੋਣ ਦਾ ਕੀ ਮਤਲਬ ਹੈ? ਇਹ ਸਮਾਂ ਹੈ ਬੀ.ਸੀ.ਸੀ.ਆਈ. ਨਵੇਂ ਰੂਲ ਬਣਾਏ, ਅਜਿਹਾ ਹਰ ਸਾਲ ਨਹੀਂ ਹੋਣਾ ਚਾਹੀਦਾ।’ 

I travelled enthusiastically during a pandemic,did 6 days of Quarantine & 5covid tests with a smile but that one Short Run hit me hard. What’s the point of technology if it cannot be used? It’s time @BCCI introduces new rules.This cannot happen every year. #DCvKXIP @lionsdenkxip https://t.co/uNMXFJYfpe

— Preity G Zinta (@realpreityzinta) September 21, 2020

ਫਿਰ ਉਨ੍ਹਾਂ ਨੇ ਟਵੀਟ ਕਰਦਿਆ ਲਿਖਿਆ ਕਿ ‘ਮੈਂ ਹਾਰ ਜਾਂ ਜਿੱਤ ਨੂੰ ਖੇਡ ਭਾਵਨਾ ਨਾਲ ਸਵੀਕਾਰ ਕਰਨ ’ਚ ਵਿਸ਼ਵਾਸ ਰੱਖਦੀ ਹਾਂ ਪਰ ਨੀਤੀ ’ਚ ਤਬਦੀਲੀ ਦੇ ਲਈ ਪੁੱਛਣਾ ਮਹੱਤਵਪੂਰਨ ਹੈ ਜੋ ਭਵਿੱਖ ’ਚ ਸਾਰਿਆਂ ਲਈ ਸਹੀ ਹੋਵੇਗਾ, ਜੋ ਹੋਇਆ ਸੋ ਹੋਇਆ ਹੁਣ ਅੱਗੇ ਵੱਧਣ ਦੀ ਬਾਰੀ ਹੈ। ਇਸ ਲਈ ਅੱਗੇ ਦੇਖ ਰਹੀ ਹਾਂ, ਹਮੇਸ਼ਾ ਸਕਾਰਤਮਕ ਹੂੰ।’  

I’ve always believed in being graceful in a win or loss & in the spirit of the game but it’s also important to ask for policy changes that improve the game in the future for everyone. The past has happened and it’s imp to move on. So Looking ahead & being positive as always 👍

— Preity G Zinta (@realpreityzinta) September 21, 2020