ਸਵਿਸ ਓਪਨ ਤੋਂ ਬਾਅਦ ਦੀਕਸ਼ਾ ਡਾਗਰ LET ਰੈਂਕਿੰਗ ਵਿੱਚ ਇੱਕ ਸਥਾਨ ਖਿਸਕੀ

ਨਵੀਂ ਦਿੱਲੀ- ਭਾਰਤੀ ਗੋਲਫਰ ਦੀਕਸ਼ਾ ਡਾਗਰ ਇਸ ਹਫ਼ਤੇ VP ਬੈਂਕ ਸਵਿਸ ਲੇਡੀਜ਼ ਓਪਨ ਵਿੱਚ ਕੱਟ ਤੋਂ ਖੁੰਝਣ ਤੋਂ ਬਾਅਦ LET ਆਰਡਰ ਆਫ਼ ਮੈਰਿਟ ਵਿੱਚ ਚੋਟੀ ਦੇ 10 ਵਿੱਚੋਂ ਬਾਹਰ ਹੋ ਗਈ। ਦੀਕਸ਼ਾ, ਜੋ ਇੱਕ ਵਾਰ ਚੋਟੀ ਦੇ ਛੇ ਵਿੱਚ ਸੀ, ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ ਦਸਵੇਂ ਸਥਾਨ 'ਤੇ ਸੀ ਪਰ ਹੁਣ 11ਵੇਂ ਸਥਾਨ 'ਤੇ ਖਿਸਕ ਗਈ ਹੈ। 

ਹੋਰ ਭਾਰਤੀ ਖਿਡਾਰਨਾਂ ਵਿੱਚ ਪ੍ਰਣਵੀ ਉਰਸ 46ਵੇਂ, ਅਵਨੀ ਪ੍ਰਸ਼ਾਂਤ 53ਵੇਂ, ਅਦਿਤੀ ਅਸ਼ੋਕ 55ਵੇਂ, ਹਿਤਾਸ਼ੀ ਬਖਸ਼ੀ 133ਵੇਂ, ਤਵੇਸਾ ਮਲਿਕ 117ਵੇਂ ਅਤੇ ਵਾਣੀ ਕਪੂਰ 181ਵੇਂ ਸਥਾਨ 'ਤੇ ਹਨ। ਦੱਖਣੀ ਅਫਰੀਕਾ ਦੀ ਕੈਸੈਂਡਰਾ ਅਲੈਗਜ਼ੈਂਡਰ 1,899.98 ਅੰਕਾਂ ਨਾਲ ਸਿਖਰ 'ਤੇ ਬਣੀ ਹੋਈ ਹੈ।