ਡੇਵਿਡ ਵਾਰਨਰ ਨੇ ਆਪਣੀ ਤੇਲਗੂ ਫਿਲਮ ਰੌਬਿਨਹੁੱਡ ਦੇ ਗਾਣੇ ''Wherever you go...'' ''ਤੇ ਧੀਆਂ ਨਾਲ ਕੀਤਾ ਡਾਂਸ
Saturday, Mar 29, 2025 - 06:19 PM (IST)
ਚੇਨਈ (ਏਜੰਸੀ)- ਆਸਟ੍ਰੇਲੀਆਈ ਕ੍ਰਿਕਟਰ ਡੇਵਿਡ ਵਾਰਨਰ ਇਕ ਵਾਰ ਫਿਰ ਉਹੀ ਕੀਤਾ ਹੈ, ਜਿਸ ਵਿਚ ਉਨ੍ਹਾਂ ਨੂੰ ਮਹਾਰਤ ਹਾਸਲ ਹੈ- ਉਹ ਹੈ ਕ੍ਰਿਕਟ ਦੇ ਮੈਦਾਨ 'ਤੇ ਅਤੇ ਬਾਹਰ ਪ੍ਰਸ਼ੰਸਕਾਂ ਦਾ ਮਨੋਰੰਜਨ ਕਰਨਾ। ਸਟਾਰ ਬੱਲੇਬਾਜ਼, ਜਿਸਨੇ ਹਾਲ ਹੀ ਵਿੱਚ ਨਿਰਦੇਸ਼ਕ ਵੈਂਕੀ ਕੁਡੂਮੁਲਾ ਦੀ ਹੁਣੇ ਰਿਲੀਜ਼ ਹੋਈ ਤੇਲਗੂ ਐਕਸ਼ਨ ਮਨੋਰੰਜਨ ਫਿਲਮ 'ਰੌਬਿਨਹੁੱਡ' ਵਿੱਚ ਇੱਕ ਕੈਮਿਓ ਭੂਮਿਕਾ ਨਿਭਾ ਕੇ ਭਾਰਤੀ ਸਿਨੇਮਾ ਵਿੱਚ ਆਪਣੀ ਸ਼ੁਰੂਆਤ ਕੀਤੀ, ਨੇ ਹੁਣ ਇੱਕ ਵੀਡੀਓ ਕਲਿੱਪ ਜਾਰੀ ਕੀਤੀ ਹੈ, ਜਿਸ ਵਿਚ ਉਹ ਅਤੇ ਉਸਦੀਆਂ ਧੀਆਂ ਫਿਲਮ ਦੇ ਹਿੱਟ ਨੰਬਰ 'Wherever you go' 'ਤੇ ਡਾਂਸ ਕਰ ਰਹੇ ਹਨ।
ਉਸਨੇ ਆਪਣੇ ਡਾਂਸ ਦੀ ਵੀਡੀਓ ਕਲਿੱਪ ਔਨਲਾਈਨ ਪੋਸਟ ਕਰਨ ਤੋਂ ਬਾਅਦ ਲਿਖਿਆ, "The #robinhood @mythriofficial @actor_nithiin @sreeleela14 @thewarner.sisters ਨੂੰ ਇਹ ਡਾਂਸ ਬਹੁਤ ਪਸੰਦ ਆਇਆ।" ਯਾਦ ਰਹੇ ਕਿ ਵਾਰਨਰ ਨੇ ਰੌਬਿਨਹੁੱਡ ਦੇ ਨਿਰਮਾਤਾਵਾਂ ਦੁਆਰਾ ਆਯੋਜਿਤ ਇੱਕ ਪ੍ਰੀ-ਰਿਲੀਜ਼ ਪ੍ਰੋਗਰਾਮ ਵਿੱਚ ਆਪਣੇ ਭਾਸ਼ਣ ਦੌਰਾਨ ਤੇਲਗੂ ਵਿੱਚ ਇੱਕ ਸ਼ਬਦ ਬੋਲ ਕੇ ਦਰਸ਼ਕਾਂ ਨੂੰ ਰੋਮਾਂਚਿਤ ਕੀਤਾ ਸੀ।
