ਬਰੂਨੋ ਵਿਸ਼ਵ ਕੱਪ ਕੁਆਲੀਫਾਇਰ ਲਈ ਬ੍ਰਾਜ਼ੀਲ ਦੀ ਟੀਮ ''ਚ ਸ਼ਾਮਲ

ਰੀਓ ਡੀ ਜਨੇਰੀਓ- ਫਲੇਮੇਂਗੋ ਦੇ ਡਿਫੈਂਡਰ ਫੈਬਰੀਸਿਓ ਬਰੂਨੋ ਨੂੰ ਚਿਲੀ ਅਤੇ ਪੇਰੂ ਖਿਲਾਫ ਵਿਸ਼ਵ ਕੱਪ ਕੁਆਲੀਫਾਇਰ ਲਈ ਬ੍ਰਾਜ਼ੀਲ ਦੀ ਟੀਮ 'ਚ ਸ਼ਾਮਲ ਕੀਤਾ ਗਿਆ ਹੈ। ਬ੍ਰਾਜ਼ੀਲ ਫੁਟਬਾਲ ਕਨਫੈਡਰੇਸ਼ਨ (ਸੀਬੀਐਫ) ਨੇ ਕਿਹਾ ਕਿ 28 ਸਾਲਾ ਖਿਡਾਰੀ ਰੀਅਲ ਮੈਡ੍ਰਿਡ ਦੇ ਸੈਂਟਰ ਬੈਕ ਏਡਰ ਮਿਲਿਤਾਓ ਦੀ ਥਾਂ ਲਵੇਗਾ, ਜੋ ਹੈਮਸਟ੍ਰਿੰਗ ਦੀ ਸੱਟ ਕਾਰਨ ਮੈਚਾਂ ਤੋਂ ਬਾਹਰ ਹੋ ਗਿਆ ਹੈ। ਮਿਲਿਤਾਓ ਸੱਟ ਕਾਰਨ ਬ੍ਰਾਜ਼ੀਲ ਟੀਮ ਤੋਂ ਬਾਹਰ ਹੋਣ ਵਾਲਾ ਪੰਜਵਾਂ ਖਿਡਾਰੀ ਹੈ।

ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਸੀਬੀਐਫ ਨੇ ਘੋਸ਼ਣਾ ਕੀਤੀ ਸੀ ਕਿ ਗਰਦਨ ਦੀ ਸਮੱਸਿਆ ਕਾਰਨ ਰੀਅਲ ਮੈਡ੍ਰਿਡ ਦੇ ਫਾਰਵਰਡ ਵਿਨੀਸੀਅਸ ਜੂਨੀਅਰ ਦੇ ਹਟਣ ਤੋਂ ਬਾਅਦ ਫੁਲਹੈਮ ਮਿਡਫੀਲਡਰ ਆਂਦਰੇਅਸ ਪਰੇਰਾ ਨੂੰ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਹਾਲ ਹੀ ਦੇ ਦਿਨਾਂ ਵਿੱਚ ਟੀਮ ਤੋਂ ਬਾਹਰ ਕੀਤੇ ਗਏ ਹੋਰ ਖਿਡਾਰੀਆਂ ਵਿੱਚ ਜੁਵੇਂਟਸ ਦੇ ਕੇਂਦਰੀ ਡਿਫੈਂਡਰ ਬ੍ਰੇਮਨਰ, ਐਟਲੇਟਿਕੋ ਮਿਨੇਰੋ ਲੈਫਟ ਬੈਕ ਗਿਲਹਰਮੇ ਅਰਾਨਾ ਅਤੇ ਲਿਵਰਪੂਲ ਗੋਲਕੀਪਰ ਐਲਿਸਨ ਸ਼ਾਮਲ ਹਨ। ਬ੍ਰਾਜ਼ੀਲ 10 ਅਕਤੂਬਰ ਨੂੰ ਸੈਂਟੀਆਗੋ ਵਿੱਚ ਚਿਲੀ ਅਤੇ ਪੰਜ ਦਿਨ ਬਾਅਦ ਬ੍ਰਾਸੀਲੀਆ ਵਿੱਚ ਪੇਰੂ ਨਾਲ ਭਿੜੇਗਾ। ਪੰਜ ਵਾਰ ਦੀ ਵਿਸ਼ਵ ਚੈਂਪੀਅਨ ਬ੍ਰਾਜ਼ੀਲ ਇਸ ਵੇਲੇ ਦੱਖਣੀ ਅਮਰੀਕੀ ਕੁਆਲੀਫਾਇੰਗ ਗਰੁੱਪ ਵਿੱਚ ਪੰਜਵੇਂ ਸਥਾਨ ’ਤੇ ਹੈ ਅਤੇ ਉਸ ਨੇ ਆਪਣੇ ਪਹਿਲੇ ਅੱਠ ਮੈਚਾਂ ਵਿੱਚੋਂ ਸਿਰਫ਼ ਤਿੰਨ ਵਿੱਚ ਜਿੱਤ ਦਰਜ ਕੀਤੀ ਹੈ। ਚਿਲੀ ਅਤੇ ਪੇਰੂ ਕ੍ਰਮਵਾਰ ਨੌਵੇਂ ਅਤੇ 10ਵੇਂ ਸਥਾਨ 'ਤੇ ਹਨ।