ਬੋਪੰਨਾ-ਏਬਡੇਨ ਦੀ ਜੋੜੀ ਪੈਰਿਸ ਮਾਸਟਰਸ ਦੇ ਕੁਆਰਟਰਫਾਈਨਲ ''ਚ

ਪੈਰਿਸ, (ਭਾਸ਼ਾ) ਭਾਰਤ ਦੇ ਸਟਾਰ ਖਿਡਾਰੀ ਰੋਹਨ ਬੋਪੰਨਾ ਅਤੇ ਉਨ੍ਹਾਂ ਦੇ ਆਸਟ੍ਰੇਲੀਆਈ ਜੋੜੀਦਾਰ ਮੈਥਿਊ ਏਬਡੇਨ ਇੱਥੇ ਸਿੱਧੇ ਸੈੱਟਾਂ ਵਿਚ ਜਿੱਤ ਦਰਜ ਕਰਕੇ ਪੈਰਿਸ ਮਾਸਟਰਸ ਟੈਨਿਸ ਟੂਰਨਾਮੈਂਟ ਦੇ ਪੁਰਸ਼ ਡਬਲਜ਼ ਦੇ ਕੁਆਰਟਰ ਫਾਈਨਲ ਵਿਚ ਪਹੁੰਚ ਗਏ ਹਨ। ਭਾਰਤ ਅਤੇ ਆਸਟਰੇਲੀਆ ਦੀ ਇਸ ਜੋੜੀ ਨੇ ਮੰਗਲਵਾਰ ਨੂੰ ਏਟੀਪੀ 1000 ਮੁਕਾਬਲੇ ਵਿੱਚ ਇੱਕ ਘੰਟੇ 16 ਮਿੰਟ ਤੱਕ ਚੱਲੇ ਮੈਚ ਵਿੱਚ ਬ੍ਰਾਜ਼ੀਲ ਦੇ ਮਾਰਸੇਲੋ ਮੇਲੋ ਅਤੇ ਜਰਮਨੀ ਦੇ ਅਲੈਗਜ਼ੈਂਡਰ ਜਵੇਰੇਵ ਨੂੰ 6-4, 7-6 ਨਾਲ ਹਰਾਇਆ। 

ਬੋਪੰਨਾ ਅਤੇ ਏਬਡੇਨ ਨੇ ਮੈਚ ਦੌਰਾਨ ਆਪਣੇ ਪਹਿਲੀ ਸਰਵਿਸ ਦਾ 91 ਪ੍ਰਤੀਸ਼ਤ ਜਿੱਤਿਆ ਅਤੇ ਚਾਰ ਏਕੇ ਲਗਾਏ। ਭਾਰਤ ਅਤੇ ਆਸਟਰੇਲੀਆ ਦੀ ਇਸ ਤੀਜਾ ਦਰਜਾ ਪ੍ਰਾਪਤ ਜੋੜੀ ਨੇ ਪਹਿਲੇ ਗੇਮ ਵਿੱਚ ਅਹਿਮ ਬ੍ਰੇਕ ਲੈ ਕੇ ਸ਼ੁਰੂਆਤੀ ਸੈੱਟ ਜਿੱਤ ਲਿਆ। ਬੋਪੰਨਾ ਅਤੇ ਏਬਡੇਨ ਦੀ ਮੌਜੂਦਾ ਆਸਟ੍ਰੇਲੀਅਨ ਓਪਨ ਚੈਂਪੀਅਨ ਜੋੜੀ ਕੋਲ ਦੂਜੇ ਸੈੱਟ ਦੀ ਪੰਜਵੀਂ ਗੇਮ ਵਿੱਚ ਸਰਵਿਸ ਤੋੜਨ ਦਾ ਮੌਕਾ ਸੀ, ਪਰ ਮੇਲੋ ਅਤੇ ਜ਼ਵੇਰੇਵ ਇਸ ਨੂੰ ਟਾਈਬ੍ਰੇਕਰ ਤੱਕ ਪਹੁੰਚਾਉਣ ਵਿੱਚ ਸਫਲ ਰਹੇ। ਬੋਪੰਨਾ ਅਤੇ ਏਬਡੇਨ ਪਹਿਲਾਂ ਹੀ ਸੀਜ਼ਨ ਦੇ ਆਖ਼ਰੀ ਟੂਰਨਾਮੈਂਟ ਏਟੀਪੀ ਫਾਈਨਲਜ਼ ਲਈ ਕੁਆਲੀਫਾਈ ਕਰ ਚੁੱਕੇ ਹਨ।