ਅਨਿਰਬਾਨ ਲਹਿੜੀ ਨੂੰ ਸਪੇਨ ''ਚ ਚਾਰ ਸ਼ਾਟ ਦੀ ਬੜ੍ਹਤ
Sunday, Jul 14, 2024 - 03:42 PM (IST)
![](https://static.jagbani.com/multimedia/2024_7image_15_41_492926012anirbanlahiri.jpg)
ਸੋਟੋਗਰਾਂਡੇ, (ਸਪੇਨ), (ਭਾਸ਼ਾ) ਭਾਰਤੀ ਗੋਲਫਰ ਅਨਿਰਬਾਨ ਲਹਿੜੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਇੱਥੇ ਲਿਵ ਗੋਲਫ ਐਂਡਲੁਸੀਆ ਵਿਚ ਦੂਜੇ ਦੌਰ ਵਿਚ ਪੰਜ ਅੰਡਰ 66 ਦਾ ਕਾਰਡ ਖੇਡ ਕੇ ਚਾਰ ਸ਼ਾਟ ਦੀ ਬੜ੍ਹਤ ਹਾਸਲ ਕਰ ਲਈ ਅਤੇ ਇਸ ਤਰ੍ਹਾਂ ਲਿਵ ਗੋਲਫ ਸੀਰੀਜ਼ ਵਿੱਚ ਆਪਣੇ ਪਹਿਲੇ ਖਿਤਾਬ ਵੱਲ ਇੱਕ ਮਜ਼ਬੂਤ ਕਦਮ ਚੁੱਕਿਆ। ਕ੍ਰਸ਼ਰ ਟੀਮ ਦੇ ਮੈਂਬਰ ਲਹਿੜੀ ਨੇ ਦੂਜੇ ਦੌਰ ਦੇ ਆਖਰੀ 13 ਹੋਲ 'ਚ 6 ਬਰਡੀ ਬਣਾਏ ਅਤੇ ਇਸ ਦੌਰਾਨ ਕੋਈ ਬੋਗੀ ਨਹੀਂ ਕੀਤੀ।
ਇਸ 37 ਸਾਲਾ ਖਿਡਾਰੀ ਨੇ ਪਹਿਲੇ ਦੌਰ ਵਿੱਚ ਦੋ ਅੰਡਰ 69 ਦਾ ਸਕੋਰ ਬਣਾਇਆ ਸੀ। ਦੂਜੇ ਦੌਰ ਤੋਂ ਬਾਅਦ ਲਾਹਿੜੀ ਦਾ ਸਕੋਰ ਸੱਤ ਅੰਡਰ ਹੈ। ਨਿਊਜ਼ੀਲੈਂਡ ਦੇ ਡੈਨੀ ਲੀ ਤਿੰਨ ਅੰਡਰ 'ਤੇ ਉਸ ਦੇ ਨਜ਼ਦੀਕੀ ਵਿਰੋਧੀ ਹਨ। ਇਹ ਭਾਰਤੀ ਖਿਡਾਰੀ ਪਿਛਲੇ ਨੌਂ ਸਾਲਾਂ ਤੋਂ ਕੋਈ ਵੀ ਖਿਤਾਬ ਨਹੀਂ ਜਿੱਤ ਸਕਿਆ ਹੈ। ਉਸਨੇ ਆਪਣਾ ਆਖਰੀ ਖਿਤਾਬ ਹੀਰੋ ਇੰਡੀਅਨ ਓਪਨ ਵਿੱਚ ਜਿੱਤਿਆ ਸੀ। ਲਹਿੜੀ, ਕਪਤਾਨ ਬ੍ਰਾਇਸਨ ਡੀਚੈਂਬਿਊ ਦੇ 67 ਅਤੇ ਪਾਲ ਕੇਸੀ ਦੇ 69 ਦੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਉਨ੍ਹਾਂ ਦੀ ਟੀਮ ਦਾ ਕੁੱਲ ਸਕੋਰ 11 ਅੰਡਰ ਹੋ ਗਿਆ ਹੈ ਅਤੇ ਇਹ ਟੀਮ ਚੋਟੀ 'ਤੇ ਬਣੀ ਹੋਈ ਹੈ।