ਅਨਾਹਤ ਨੇ ਅੱਠ ਵਾਰ ਦੀ ਵਿਸ਼ਵ ਚੈਂਪੀਅਨ ਐਲ ਸ਼ੇਰਬਿਨੀ ਨੂੰ ਹਰਾਇਆ

ਨਵੀਂ ਦਿੱਲੀ- ਭਾਰਤ ਦੀ ਵਿਸ਼ਵ ਨੰਬਰ 15 ਅਨਾਹਤ ਸਿੰਘ ਨੇ ਮਿਸਰ ਦੀ ਅੱਠ ਵਾਰ ਦੀ ਵਿਸ਼ਵ ਚੈਂਪੀਅਨ ਨੂਰ ਐਲ ਸ਼ੇਰਬਿਨੀ ਨੂੰ ਸਿੱਧੇ ਗੇਮਾਂ ਵਿੱਚ ਹਰਾ ਕੇ ਅਮਰੀਕਾ ਦੇ ਰੈੱਡਵੁੱਡ ਸਿਟੀ ਵਿੱਚ ਖੇਡੇ ਜਾ ਰਹੇ ਸਿਲੀਕਾਨ ਵੈਲੀ ਓਪਨ ਸਕੁਐਸ਼ ਟੂਰਨਾਮੈਂਟ ਦੇ ਮਹਿਲਾ ਸਿੰਗਲਜ਼ ਕੁਆਰਟਰ ਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ। 

ਏਸ਼ੀਆਈ ਖੇਡਾਂ ਵਿੱਚ ਚਾਂਦੀ ਦਾ ਤਗਮਾ ਜਿੱਤਣ ਵਾਲੀ 18 ਸਾਲਾ ਭਾਰਤੀ ਖਿਡਾਰਨ ਨੇ ਦੂਜੇ ਦੌਰ ਵਿੱਚ 30 ਮਿੰਟਾਂ ਵਿੱਚ ਚੋਟੀ ਦਾ ਦਰਜਾ ਪ੍ਰਾਪਤ ਅਤੇ ਵਿਸ਼ਵ ਨੰਬਰ 3 ਸ਼ੇਰਬਿਨੀ ਨੂੰ 11-8, 11-8, 11-7 ਨਾਲ ਹਰਾਇਆ। ਇਹ ਅਨਾਹਤ ਦੇ ਕਰੀਅਰ ਦੀ ਸਭ ਤੋਂ ਵੱਡੀ ਜਿੱਤ ਹੈ। ਉਸਦਾ ਅਗਲਾ ਸਾਹਮਣਾ ਇਸ 143,500 ਅਮਰੀਕੀ ਡਾਲਰ ਦੇ ਪੀਐਸਏ ਗੋਲਡ ਟੂਰਨਾਮੈਂਟ ਵਿੱਚ ਮਿਸਰ ਦੀ ਵਿਸ਼ਵ ਨੰਬਰ 14 ਸਲਮਾ ਹਾਨੀ ਨਾਲ ਹੋਵੇਗਾ।