ਵਿਸ਼ਵ ਦੇ ਨੰਬਰ-1 ਖਿਡਾਰੀ ਬਣਨ ਤੋਂ ਪਹਿਲਾਂ ਅਲੈਗਜ਼ੈਂਡਰ ਜ਼ਵੇਰੇਵ ਨੂੰ ਮਿਲੀ ਹਾਰ

ਵੀਏਨਾ : ਜਰਮਨੀ ਦੇ ਟੈਨਿਸ ਖਿਡਾਰੀ ਅਲੈਗਜ਼ੈਂਡਰ ਜ਼ਵੇਰੇਵ ਨੂੰ ਪਹਿਲੀ ਵਾਰ ਵਿਸ਼ਵ ਦੇ ਨੰਬਰ ਇੱਕ ਪੁਰਸ਼ ਟੈਨਿਸ ਖਿਡਾਰੀ ਦਾ ਤਾਜ ਪਹਿਨਣ ਤੋਂ ਠੀਕ ਪਹਿਲਾਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਐਰਸਟੇ ਬੈਂਕ ਓਪਨ ਦੇ ਸੈਮੀਫਾਈਨਲ ਮੁਕਾਬਲੇ ਵਿੱਚ ਜ਼ਵੇਰੇਵ ਐਲੇਕਸ ਡੀ ਮਿਨੌਰ ਤੋਂ ਹਾਰ ਕੇ ਆਪਣੀ ਇਸ ਉਪਲਬਧੀ ਨੂੰ ਯਾਦਗਾਰ ਬਣਾਉਣ ਤੋਂ ਖੁੰਝ ਗਏ। ਡੀ ਮਿਨੌਰ ਨੇ ਨਿਰਣਾਇਕ ਟਾਈਬ੍ਰੇਕ ਵਿੱਚ ਸ਼ੁਰੂਆਤੀ 3-0 ਦੀ ਬੜ੍ਹਤ ਬਣਾਉਣ ਤੋਂ ਬਾਅਦ ਇਹ ਮੈਚ 6-4, 1-6, 7-6 (4) ਨਾਲ ਆਪਣੇ ਨਾਂ ਕੀਤਾ। ਇਸ ਜਿੱਤ ਨਾਲ ਡੀ ਮਿਨੌਰ ਦੀ ਸਾਲ ਦੇ ਆਖ਼ਰੀ ਟੂਰਨਾਮੈਂਟ ਏ.ਟੀ.ਪੀ. ਫਾਈਨਲਜ਼ ਲਈ ਕੁਆਲੀਫ਼ਾਈ ਕਰਨ ਦੀ ਸੰਭਾਵਨਾ ਕਾਫ਼ੀ ਵਧ ਗਈ ਹੈ।