ਨਵਾਂਸ਼ਹਿਰ ਜ਼ਿਲ੍ਹੇ ''ਚ ਵੋਟਿੰਗ ''ਚ ਔਰਤਾਂ ਦੀ ਜਿੱਤ, ਮਰਦਾਂ ਦੇ ਮੁਕਾਬਲੇ ਔਰਤਾਂ ਦੀ ਰਹੀ 65.13 ਫ਼ੀਸਦੀ ਵੋਟਿੰਗ

ਨਵਾਂਸ਼ਹਿਰ (ਤ੍ਰਿਪਾਠੀ)- ਲੋਕ ਸਭਾ ਚੋਣਾਂ 2024 ਲਈ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਤਿੰਨੋਂ ਵਿਧਾਨ ਸਭਾ ਹਲਕਿਆਂ ਵਿੱਚ ਵੋਟਾਂ ਪਾਉਣ ਵਿੱਚ ਔਰਤਾਂ ਮਰਦਾਂ ਨਾਲੋਂ ਅੱਗੇ ਰਹੀਆਂ ਹਨ। ਵਿਧਾਨ ਸਭਾ ਹਲਕਾ ਬੰਗਾ ਵਿੱਚ ਕੁੱਲ 1,65,976 ਵੋਟਰਾਂ ਵਿੱਚੋਂ 85,713 ਮਰਦ ਅਤੇ 80,259 ਔਰਤਾਂ ਸਨ, ਜਿਨ੍ਹਾਂ ਵਿੱਚੋਂ 48,938 ਮਰਦ ਅਤੇ 51,644 ਔਰਤਾਂ ਨੇ ਵੋਟਾਂ ਪਾਈਆਂ ਅਤੇ ਇਸ ਤਰ੍ਹਾਂ 57.10 ਮਰਦਾਂ ਦੇ ਮੁਕਾਬਲੇ ਔਰਤਾਂ ਦੀ ਗਿਣਤੀ 64.35 ਫ਼ੀਸਦੀ ਰਹੀ। ਜਦਕਿ ਹਲਕੇ ਦੇ 4 ਥਰਡ ਜੈਂਡਰ ਵਿੱਚੋਂ 3 ਵੱਲੋਂ ਵੋਟਿੰਗ ਕੀਤੀ ਗਈ।

ਹਲਕਾ ਨਵਾਂਸ਼ਹਿਰ ਵਿੱਚ ਕੁੱਲ 1,74,643 ਵੋਟਰਾਂ ਵਿੱਚੋਂ 89,817 ਮਰਦ ਅਤੇ 84,817 ਔਰਤ ਵੋਟਰ ਸਨ, ਜਿਨ੍ਹਾਂ ਵਿੱਚ 51,899 ਮਰਦ ਅਤੇ 53,749 ਇਸਤਰੀ ਵੋਟਰਾਂ ਨੇ ਵੋਟ ਪਾਈ ਅਤੇ ਇਸ ਤਰ੍ਹਾਂ ਮਰਦਾਂ ਦੀ 57.78 ਫ਼ੀਸਦੀ ਦੇ ਮੁਕਾਬਲੇ ਔਰਤਾਂ ਦੀ 63.37 ਫ਼ੀਸਦੀ ਰਹੀ। ਜਦਕਿ 9 ਵਿੱਚੋਂ 5 ਤਿੰਨ ਥਰਡ ਜੈਂਡਰ ਨੇ ਵੋਟ ਪਾਈ। ਇਸੇ ਤਰ੍ਹਾਂ ਵਿਧਾਨ ਸਭਾ ਹਲਕਾ ਬਲਾਚੌਰ ਵਿੱਚ ਕੁੱਲ 1,54,564 ਵੋਟਰਾਂ ਵਿੱਚੋਂ 80,905 ਮਰਦ ਵੋਟਰ ਅਤੇ 73,653 ਇਸਤਰੀ ਵੋਟਰ ਸਨ, ਜਿਨ੍ਹਾਂ ਵਿੱਚੋਂ 49,354 ਮਰਦ ਵੋਟਰ ਅਤੇ 50,094 ਇਸਤਰੀ ਵੋਟਰਾਂ ਨੇ ਵੋਟਾਂ ਪਾਈਆਂ ਅਤੇ ਇਸ ਤਰ੍ਹਾਂ ਔਰਤਾਂ ਦੀ ਵੋਟ 68.11 ਦੇ ਮੁਕਾਬਲੇ 68,600 ਰਹੀ ਜਦਕਿ ਕੁੱਲ 6 ਤਿੰਨ ਥਰਡ ਜੈਂਡਰ ਵਿੱਚੋਂ ਸਿਰਫ਼ 3 ਨੇ ਹੀ ਵੋਟ ਪਾਈ।

ਇਹ ਵੀ ਪੜ੍ਹੋ- ਦਸੂਹਾ 'ਚ ਦਰਦਨਾਕ ਹਾਦਸਾ, ਟਰੱਕ ਤੇ ਸਕੂਟਰੀ ਵਿਚਾਲੇ ਜ਼ਬਰਦਸਤ ਟੱਕਰ, 28 ਸਾਲਾ ਕੁੜੀ ਦੀ ਮੌਤ

ਇਸ ਤਰ੍ਹਾਂ ਤਿੰਨਾਂ ਵਿਧਾਨ ਸਭਾ ਹਲਕਿਆਂ ਦੇ ਕੁੱਲ 4,95,183 ਵੋਟਰਾਂ ਵਿੱਚੋਂ 3,05,689 ਵੋਟਰਾਂ ਨੇ ਵੋਟ ਪਾਈ। ਇਸ ਤਰ੍ਹਾਂ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੇ ਤਿੰਨੋਂ ਵਿਧਾਨ ਸਭਾ ਹਲਕਿਆਂ ਵਿੱਚ 58.57 ਫ਼ੀਸਦੀ ਪੁਰਸ਼ ਵੋਟਰਾਂ ਅਤੇ 65.13 ਫ਼ੀਸਦੀ ਮਹਿਲਾ ਵੋਟਰਾਂ ਨੇ ਵੋਟ ਪਾਈ। ਜਦਕਿ ਜ਼ਿਲ੍ਹੇ ਵਿੱਚ ਵੋਟ ਫ਼ੀਸਦੀ ਨਵਾਂਸ਼ਹਿਰ ਵਿੱਚ 60.60, ਬੰਗਾ ਵਿੱਚ 60.50 ਅਤੇ ਬਲਾਚੌਰ ਵਿੱਚ 64.34, ਜ਼ਿਲ੍ਹੇ ਵਿੱਚ ਵੋਟ ਫ਼ੀਸਦੀ 61.73 ਫ਼ੀਸਦੀ ਰਹੀ। ਇਸ ਤਰ੍ਹਾਂ ਅੰਕੜਿਆਂ ਤੋਂ ਸਪਸ਼ਟ ਹੁੰਦਾ ਹੈ ਕਿ ਜ਼ਿਲ੍ਹੇ ਵਿੱਚ ਮਰਦ ਵੋਟਰਾਂ ਦੀ ਗਿਣਤੀ 2,56,435 ਜਦਕਿ ਔਰਤ ਵੋਟਰਾਂ ਦੀ ਗਿਣਤੀ 2,38,729 ਸੀ, ਫਿਰ ਵੀ ਔਰਤਾਂ ਦੀ ਵੋਟ ਫ਼ੀਸਦੀ ਵੱਧ ਰਹੀ।

ਇਹ ਵੀ ਪੜ੍ਹੋ- ਇਕੱਠਿਆਂ ਨਸ਼ਾ ਕਰਨ ਮਗਰੋਂ ਦੋਸਤ ਦੀ ਵਿਗੜੀ ਸਿਹਤ, ਡਾਕਟਰੀ ਇਲਾਜ ਨਾ ਮਿਲਣ 'ਤੇ ਸ਼ਮਸ਼ਾਨਘਾਟ ਦੇ ਕਮਰੇ 'ਚ ਕੀਤਾ ਕਾਰਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।