'WagonR  ਤੋਂ ਪ੍ਰਾਈਵੇਟ ਜੈੱਟ ਤਕ ਦਾ ਬਦਲਾਅ...', ਪ੍ਰਤਾਪ ਬਾਜਵਾ ਨੇ ਕੇਜਰੀਵਾਲ ਤੇ ਭਗਵੰਤ ਮਾਨ 'ਤੇ ਵਿੰਨ੍ਹਿਆ ਨਿਸ਼ਾਨ

ਚੰਡੀਗੜ੍ਹ: ਪੰਜਾਬ ਵਿਧਾਨ ਸਭਾ ਵਿਚ ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਨੇ ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਅਤੇ ਮੁੱਖ ਮੰਤਰੀ ਭਗਵੰਤ ਮਾਨ 'ਤੇ ਸਿਆਸੀ ਨਿਸ਼ਾਨਾ ਸਾਧਿਆ ਹੈ। ਬਾਜਵਾ ਨੇ ਅਰਵਿੰਦ ਕੇਜਰੀਵਾਲ ਦੇ ਬਦਲਦੇ ਰਹਿਣ-ਸਹਿਣ 'ਤੇ ਤੰਜ ਕਸਦਿਆਂ ਕਿਹਾ ਕਿ ਇਕ ਸਮਾਂ ਸੀ ਜਦੋਂ ਕੇਜਰੀਵਾਲ ਮਾਮੂਲੀ ਨੀਲੇ ਰੰਗ ਦੀ 'ਵੈਗਨ-ਆਰ' (WagonR) ਕਾਰ ਵਿਚ ਸਫ਼ਰ ਕਰਦੇ ਸਨ, ਜੋ ਉਨ੍ਹਾਂ ਦੀ ਸਾਦਗੀ ਅਤੇ 'ਆਮ ਆਦਮੀ' ਹੋਣ ਦਾ ਪ੍ਰਤੀਕ ਮੰਨੀ ਜਾਂਦੀ ਸੀ। ਪਰ ਅੱਜ ਉਹੀ 'ਆਮ ਆਦਮੀ' 20,000 ਫੁੱਟ ਦੀ ਉਚਾਈ 'ਤੇ ਪ੍ਰਾਈਵੇਟ ਚਾਰਟਰ ਜੈੱਟਾਂ ਵਿਚ ਸਫ਼ਰ ਕਰ ਰਿਹਾ ਹੈ।

Once upon a time, @ArvindKejriwal traversed the streets in a modest blue WagonR, an emblem of austerity and the self-styled champion of the “common man.”

Today, that carefully curated modesty seems to have ascended to the rarefied comfort of private charter jets — the “aam… pic.twitter.com/RAh5uqSKC7

— Partap Singh Bajwa (@Partap_Sbajwa) March 25, 2026

ਬਾਜਵਾ ਨੇ ਦੋਸ਼ ਲਾਇਆ ਕਿ ਕੇਜਰੀਵਾਲ ਦੀ ਇਸ ਆਲੀਸ਼ਾਨ ਜੀਵਨ ਸ਼ੈਲੀ ਅਤੇ ਹਵਾਈ ਸਫ਼ਰਾਂ ਦਾ ਖ਼ਰਚਾ ਪੰਜਾਬ ਦੇ ਸਰਕਾਰੀ ਖ਼ਜ਼ਾਨੇ ਵਿਚੋਂ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਨੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਭੂਮਿਕਾ 'ਤੇ ਵੀ ਸਵਾਲ ਚੁੱਕਦਿਆਂ ਕਿਹਾ ਕਿ ਮਾਨ ਇਕ ਕਰਜ਼ੇ ਹੇਠ ਦੱਬੇ ਸੂਬੇ ਦੇ ਮੁੱਖ ਮੰਤਰੀ ਵਜੋਂ ਕੰਮ ਕਰਨ ਦੀ ਬਜਾਏ ਕੇਜਰੀਵਾਲ ਦੇ ਸਿਰਫ਼ ਇਕ 'ਲੌਜਿਸਟਿਕਲ ਸਹਾਇਕ' ਵਾਂਗ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ 'ਵੈਗਨ-ਆਰ' ਤੋਂ 'ਪ੍ਰਾਈਵੇਟ ਜੈੱਟ' ਤੱਕ ਦਾ ਇਹ ਬਦਲਾਅ ਸਪੱਸ਼ਟ ਕਰਦਾ ਹੈ ਕਿ ਹੁਣ ਇਹ 'ਆਮ ਆਦਮੀ' ਪਹਿਲਾਂ ਵਾਂਗ ਆਮ ਨਹੀਂ ਰਿਹਾ।