ਜਲੰਧਰ ਦੇ ਜੋਤੀ ਚੌਂਕ ''ਚ ਪੁਲਸ ਦੀ ਦਬਿਸ਼, ਦੁਕਾਨਦਾਰਾਂ ਨੂੰ ਪਈਆਂ ਭਾਜੜਾਂ (ਤਸਵੀਰਾਂ)
05/04/2021 2:51:28 PM
ਜਲੰਧਰ (ਪੁਨੀਤ) : ਜਲੰਧਰ ਦੇ ਜੋਤੀ ਚੌਂਕ ਬਾਜ਼ਾਰ 'ਚ ਮੰਗਲਵਾਰ ਨੂੰ ਪੁਲਸ ਵੱਲੋਂ ਅਚਾਨਕ ਦਬਿਸ਼ ਕੀਤੀ ਗਈ, ਜਿਸ ਕਾਰਨ ਦੁਕਾਨਦਾਰਾਂ ਨੂੰ ਭਾਜੜਾਂ ਪੈ ਗਈਆਂ। ਇਸ ਮੌਕੇ ਲਾਲੀ ਚੱਡਾ ਨੇ ਦੱਸਿਆ ਕਿ ਮਿੰਨੀ ਲਾਕਡਾਊਨ ਦੇ ਚੱਲਦਿਆਂ ਸਾਰੇ ਬਾਜ਼ਾਰ ਬੰਦ ਹਨ ਅਤੇ ਇੱਥੇ ਜ਼ਿਆਦਾਤਰ ਰੈਡੀਮੇਡ ਕੱਪੜਿਆਂ ਦੀਆਂ ਦੁਕਾਨਾਂ ਹਨ। ਇਨ੍ਹਾਂ ਦੁਕਾਨਾਂ ਨੂੰ ਸਰਕਾਰ ਦੇ ਹੁਕਮਾਂ 'ਤੇ ਬੰਦ ਰੱਖਿਆ ਗਿਆ ਹੈ ਪਰ ਫਿਰ ਵੀ ਪੁਲਸ ਦੀ ਦਬਿਸ਼ ਕਾਰਨ ਲੋਕ ਪਰੇਸ਼ਾਨ ਹਨ।
ਉਨ੍ਹਾਂ ਨੇ ਕਿਹਾ ਕਿ ਬਾਜ਼ਾਰਾਂ 'ਚ ਕਈ ਦੁਕਾਨਾਂ 'ਚੋਂ ਲੋਕਾਂ ਦੇ ਘਰਾਂ ਨੂੰ ਰਸਤੇ ਨਿਕਲਦੇ ਹਨ ਪਰ ਪੁਲਸ ਨੂੰ ਗਲਤ ਸੂਚਨਾ ਮਿਲਣ 'ਤੇ ਇੱਥੇ ਦਬਿਸ਼ ਕੀਤੀ ਗਈ। ਦੁਕਾਨਦਾਰਾਂ ਦਾ ਕਹਿਣਾ ਹੈ ਕਿ ਲੋਕਾਂ ਦੇ ਘਰਾਂ ਦਾ ਰਾਹ ਉਨ੍ਹਾਂ ਦੀਆਂ ਦੁਕਾਨਾਂ 'ਚੋਂ ਨਿਕਲਦਾ ਹੈ ਅਤੇ ਲੋਕ ਇਨ੍ਹਾਂ ਰਸਤਿਆਂ ਦਾ ਇਸਤੇਮਾਲ ਕਰਨਗੇ।
ਉਨ੍ਹਾਂ ਕਿਹਾ ਕਿ ਜੇਕਰ ਪੁਲਸ ਨੂੰ ਕੋਈ ਇਤਰਾਜ਼ ਹੈ ਤਾਂ ਸਰਕਾਰ ਤੁਰੰਤ ਲਾਕਡਾਊਨ ਲਗਾ ਦੇਵੇ ਤਾਂ ਜੋ ਸਾਰੀਆਂ ਦੁਕਾਨਾਂ ਅਤੇ ਬਾਜ਼ਾਰ ਬੰਦ ਰਹਿਣ ਅਤੇ ਲੋਕ ਸੜਕਾਂ 'ਤੇ ਨਾ ਨਿਕਲਣ।
