ਵਿਧਾਇਕ ਦਾ ਕਮਾਊ ਪੁੱਤਰ SHO ਬਣਿਆ ਚਰਚਾ ਦਾ ਵਿਸ਼ਾ, ਅੰਦਰਖਾਤੇ ਕਰ ਰਿਹਾ ...

ਜਲੰਧਰ (ਵਿਸ਼ੇਸ਼)-ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਵਿਚ ਵਿਜੀਲੈਂਸ ਵਿਭਾਗ ਵੱਲੋਂ ਗ੍ਰਿਫ਼ਤਾਰ ਕੀਤੇ ਗਏ ਵਿਧਾਇਕ ਰਮਨ ਅਰੋੜਾ ਦੇ ਖਾਸਮਖਾਸ ਪੁਲਸ ਅਧਿਕਾਰੀ ਦਾ ਤਾਂ ਦੂਜੇ ਜ਼ਿਲ੍ਹੇ ’ਚ ਤਬਾਦਲਾ ਸੀਨੀਅਰ ਪੁਲਸ ਅਧਿਕਾਰੀਆਂ ਦੇ ਹੁਕਮਾਂ ’ਤੇ ਹੋ ਗਿਆ। ਇਸ ਤੋਂ ਇਲਾਵਾ ਪੁਲਸ ਕਮਿਸ਼ਨਰ ਨੇ ਵੀ ਵਿਧਾਇਕ ਦੇ ਕਾਰਜਕਾਲ ਦੌਰਾਨ ਲੰਬੇ ਸਮੇਂ ਤੋਂ ਕੇਂਦਰੀ ਹਲਕੇ ਵਿਚ ਤਾਇਨਾਤ ਇਕ ਐੱਸ. ਐੱਚ. ਓ. ਦਾ ਵੀ ਤਬਾਦਲਾ ਕਰ ਦਿੱਤਾ ਪਰ ਵਿਧਾਇਕ ਦੇ ਕਮਾਊ ਪੁੱਤਰ ਐੱਸ. ਐੱਚ. ਓ. ਵਿਰੁੱਧ ਕੋਈ ਕਾਰਵਾਈ ਨਹੀਂ ਕੀਤੀ ਗਈ।

ਇਸ ਐੱਸ. ਐੱਚ. ਓ. ਨੂੰ ਪੁਲਸ ਲਾਈਨ ’ਚ ਨਾ ਭੇਜਣਾ ਸ਼ਹਿਰ ਵਿਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ। ਇਥੋਂ ਤਕ ਕਿ ਕਿਆਸ ਲਗਾਏ ਜਾ ਰਹੇ ਹਨ ਕਿ ਵਿਧਾਇਕ ਰਮਨ ਅਰੋੜਾ ਵਿਜੀਲੈਂਸ ਦੀ ਪਕੜ ਵਿਚ ਹੋਣ ਦੇ ਬਾਵਜੂਦ ਉਨ੍ਹਾਂ ਦਾ ਚਹੇਤਾ ਐੱਸ. ਐੱਚ. ਓ. ਕਈ ਮਾਮਲਿਆਂ ਵਿਚ ਵਿਧਾਇਕ ਦੇ ਪਰਿਵਾਰ ਅਤੇ ਸਮਰਥਕਾਂ ਦਾ ਫੇਵਰ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ: ਹੌਲੀ-ਹੌਲੀ ਸਾਹਮਣੇ ਆ ਰਹੇ MLA ਰਮਨ ਅਰੋੜਾ ਦੇ ਕਾਲੇ ਧੰਦੇ, ਕਾਰੋਬਾਰੀ ਨੂੰ ਸ਼ਹਿਰ ਛੱਡਣ ਲਈ...

ਕੇਂਦਰੀ ਹਲਕੇ ਦੇ ਕੁਝ ਲੋਕਾਂ ਅਨੁਸਾਰ ਵਿਧਾਇਕ ਦਾ ਇਕ ਖਾਸਮਖਾਸ ਐੱਸ. ਐੱਚ. ਓ. ਵਰਦੀ ਤਾਂ ਪੁਲਸ ਦੀ ਪਹਿਨਦਾ ਹੈ ਪਰ ਵਿਧਾਇਕ ਦਾ ਹੀ ਕਹਿਣਾ ਮੰਨ ਕੇ ਲੋਕਾਂ ਵਿਰੁੱਧ ਝੂਠੇ ਕੇਸ ਦਰਜ ਕਰਦਾ ਸੀ। ਉਕਤ ਐੱਸ. ਐੱਚ. ਓ. ਇਸ ਸਮੇਂ ਕੇਂਦਰੀ ਹਲਕੇ ਵਿਚ ਤਾਇਨਾਤ ਨਹੀਂ ਹੈ ਪਰ ਮਹਾਨਗਰ ਦੇ ਇਕ ਸੰਵੇਦਨਸ਼ੀਲ ਥਾਣੇ ਵਿਚ ਤਾਇਨਾਤ ਰਹਿ ਕੇ ਵੀ ਵਿਧਾਇਕ ਦੇ ਨੇੜਲੇ ਲੋਕਾਂ ਦੇ ਗੈਰ-ਕਾਨੂੰਨੀ ਕੰਮ ਫੋਨ ’ਤੇ ਹੀ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ: ਪੰਜਾਬ 'ਚ ਰਮਨ ਅਰੋੜਾ ਦੇ ਚਹੇਤੇ ਕੌਂਸਲਰਾਂ 'ਤੇ ਡਿੱਗ ਸਕਦੀ ਹੈ ਗਾਜ, ਸਤਾਉਣ ਲੱਗਾ ਵਿਜੀਲੈਂਸ ਦਾ ਖ਼ੌਫ਼

ਜੇਕਰ ਕੁਝ ਈਮਾਨਦਾਰ ਪੁਲਸ ਮੁਲਾਜ਼ਮਾਂ ਦੀ ਗੱਲ ਮੰਨ ਲਈ ਜਾਵੇ, ਤਾਂ ਸ਼ਾਇਦ ਪੁਲਸ ਕਮਿਸ਼ਨਰ ਦੀ ਐੱਸ. ਐੱਚ. ਓ. ’ਤੇ ਨਜ਼ਰ ਨਹੀਂ ਪਈ। ਜੇਕਰ ਪੁਲਸ ਕਮਿਸ਼ਨਰ ਸਮੇਂ ਸਿਰ ਐੱਸ. ਐੱਚ. ਓ. ਨੂੰ ਪੁਲਸ ਲਾਈਨ ਨਹੀਂ ਭੇਜਦੇ, ਤਾਂ ਹੋਰ ਵੀ ਕਈ ਕਿੱਸੇ ਸਾਹਮਣੇ ਆ ਸਕਦੇ ਹਨ। ਲੱਗਦਾ ਹੈ ਕਿ ਵਿਧਾਇਕ ਦਾ ਸਿੰਡੀਕੇਟ ਅਜੇ ਪੂਰੀ ਤਰ੍ਹਾਂ ਨਹੀਂ ਟੁੱਟਿਆ?

ਇਹ ਵੀ ਪੜ੍ਹੋ: ਗੁੰਝਲਦਾਰ ਹੋ ਰਿਹੈ MLA ਰਮਨ ਅਰੋੜਾ ਦੇ ਭ੍ਰਿਸ਼ਟਾਚਾਰ ਦਾ ਮਾਮਲਾ, ਰਾਜ਼ਦਾਰ ਮਹੇਸ਼ ਮਖੀਜਾ ਨੇ ਕੀਤੇ ਵੱਡੇ ਖ਼ੁਲਾਸੇ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e