ਦਰਬਾਰ ਸਾਹਿਬ ਦੀ ਤਸਵੀਰ ਸਾਂਝੀ ਕਰ ਮੀਕਾ ਸਿੰਘ ਨੇ ਕੀਤੀ ਕਿਸਾਨਾਂ ਲਈ ਅਰਦਾਸ

ਅੰਮ੍ਰਿਤਸਰ (ਬਿਊਰੋ)– ਬਾਲੀਵੁੱਡ ਗਾਇਕ ਮੀਕਾ ਸਿੰਘ ਕਿਸਾਨ ਅੰਦੋਲਨ ਨੂੰ ਲੈ ਕੇ ਸੋਸ਼ਲ ਮੀਡੀਆ ’ਤੇ ਕਾਫੀ ਸਰਗਰਮ ਹਨ। ਨਿੱਤ ਦਿਨ ਉਹ ਟਵਿਟਰ ਤੇ ਇੰਸਟਾਗ੍ਰਾਮ ’ਤੇ ਕਿਸਾਨ ਅੰਦੋਲਨ ਨੂੰ ਲੈ ਕੇ ਕੁਝ ਨਾ ਕੁਝ ਪੋਸਟ ਕਰਦੇ ਰਹਿੰਦੇ ਹਨ।

ਹਾਲ ਹੀ ’ਚ ਮੀਕਾ ਸਿੰਘ ਨੇ ਇਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ’ਚ ਉਹ ਦਰਬਾਰ ਸਾਹਿਬ ਵਿਖੇ ਨਜ਼ਰ ਆ ਰਹੇ ਹਨ। ਇਸ ਤਸਵੀਰ ਦੀ ਕੈਪਸ਼ਨ ’ਚ ਮੀਕਾ ਸਿੰਘ ਨੇ ਕਿਸਾਨਾਂ ਲਈ ਅਰਦਾਸ ਕੀਤੀ ਹੈ।

NANAK NAAM CHARDIKALA TERE BHANE SARBAT DA BHALA.....
MAY WAHEGURU JI BLESS YOU ALL THE #farmers .. MAY GOVERNMENT LISTEN TO THE #FARMERS AND HOPE THINGS GET SORT SOON... #goldentemple #mikasingh ... pic.twitter.com/LsYvueAwHe

— King Mika Singh (@MikaSingh) December 20, 2020

ਮੀਕਾ ਸਿੰਘ ਨੇ ਲਿਖਿਆ, ‘ਨਾਨਕ ਨਾਮ ਚੜ੍ਹਦੀ ਕਲਾ ਤੇਰੇ ਭਾਨੇ ਸਰਬੱਤ ਦਾ ਭਲਾ। ਵਾਹਿਗੁਰੂ ਸਾਰੇ ਕਿਸਾਨਾਂ ’ਤੇ ਮਿਹਰ ਕਰੇ। ਕਿਰਪਾ ਕਰਕੇ ਸਰਕਾਰ ਕਿਸਾਨਾਂ ਦੀ ਗੱਲ ਸੁਣੇ ਤੇ ਜਲਦ ਸਭ ਕੁਝ ਠੀਕ ਹੋਵੇ।’

ਦੱਸਣਯੋਗ ਹੈ ਕਿ ਮੀਕਾ ਸਿੰਘ ਨੇ ਬੀਤੇ ਦਿਨੀਂ ਕੰਗਨਾ ਰਣੌਤ ਦੀ ਵਾਇਰਲ ਵੀਡੀਓ ’ਤੇ ਵੀ ਪ੍ਰਤੀਕਿਰਿਆ ਦਿੱਤੀ ਸੀ, ਜਿਸ ’ਚ ਉਹ ਕਿਸਾਨ ਅੰਦੋਲਨ ਬਾਰੇ ਗੱਲ ਕਰ ਰਹੀ ਸੀ। ਮੀਕਾ ਸਿੰਘ ਨੇ ਕੰਗਨਾ ਦੀ ਵੀਡੀਓ ’ਤੇ ਪ੍ਰੀਤੀਕਿਰਿਆ ਦਿੰਦਿਆਂ ਲਿਖਿਆ, ‘ਰੱਬ ਨੇ ਹੁਸਨ ਦਿੱਤਾ ਮਾਨ ਨਹੀਂ ਕਰੀਦਾ ਆਕੜਾਂ ਦੀ ਅੱਗ ਵਿਚ ਐਵੇਂ ਨਹੀਂ ਸੜੀਦਾ। ਤੁਸੀਂ ਇਸ ਪੰਜਾਬੀ ਸੂਟ ’ਚ ਬੇਹੱਦ ਖੂਬਸੂਰਤ ਤੇ ਆਕਰਸ਼ਿਤ ਲੱਗ ਰਹੇ ਹੋ। ਮੈਨੂੰ ਤੁਹਾਡੀ ਨਿਮਰ ਤੇ ਖੂਬਸੂਰਤ ਆਵਾਜ਼ ਵੀ ਬੇਹੱਦ ਪਸੰਦ ਹੈ। ਚੰਗੀ ਲੜਕੀ ਵਾਂਗ ਇੰਝ ਹੀ ਪਿਆਰ ਨਾਲ ਗੱਲ ਕਰਿਆ ਕਰੋ ਤੇ ਨਿਮਰ ਰਹੋ।’

Dear Rab ne husn ditta maan nai kari da aakkdan di aag vich ainwey nai sadee da . Sweetheart you are looking so beautiful n gorgeous in this #punjabi suit and yes I like your beautiful tone which s very polite n soothing. Good girl aise pyar se baat kara karo n be humble 🤗🤗❤️ https://t.co/Uvt7DaQYEq

— King Mika Singh (@MikaSingh) December 19, 2020

ਨੋਟ– ਮੀਕਾ ਸਿੰਘ ਦੀ ਇਸ ਤਸਵੀਰ ’ਤੇ ਆਪਣੀ ਰਾਏ ਕੁਮੈਂਟ ਕਰਕੇ ਸਾਂਝੀ ਕਰੋ।