ਸ਼ਹੀਦ ਗੁਰਪ੍ਰੀਤ ਦਾ ਹੋਇਆ ਅੰਤਿਮ ਸੰਸਕਾਰ, ਪੂਰੇ ਪਿੰਡ 'ਚ ਗਮ ਦਾ ਮਾਹੌਲ
07/12/2019 10:42:01 AM
ਲਾਲੜੂ (ਗੁਰਪ੍ਰੀਤ) : ਲੇਹ-ਲੱਦਾਖ 'ਚ ਤਾਇਨਾਤ 24 ਸਾਲਾ ਜਵਾਨ ਗੁਰਪ੍ਰੀਤ ਸਿੰਘ 9 ਜੁਲਾਈ ਨੂੰ ਫਾਇਰਿੰਗ ਪ੍ਰੈਕਟਿਸ ਦੌਰਾਨ ਹੋਏ ਧਮਾਕੇ 'ਚ ਸ਼ਹੀਦ ਹੋ ਗਏ ਸਨ। ਸ਼ਹੀਦ ਦੀ ਮ੍ਰਿਤਕ ਦੇਹ ਵੀਰਵਾਰ ਨੂੰ ਜੱਦੀ ਪਿੰਡ ਧਰਮਗੜ੍ਹ ਪੁੱਜੀ, ਜਿੱਥੇ ਸ਼ਹੀਦ ਦੀ ਸ਼ਹਾਦਤ ਨੂੰ ਲੈ ਕੇ ਕਾਫੀ ਗਮਗੀਨ ਮਾਹੌਲ ਹੋ ਗਿਆ।
ਸ਼ਹੀਦ ਗੁਰਪ੍ਰੀਤ ਦਾ ਸਰਕਾਰੀ ਸਨਮਾਨਾਂ ਨਾਲ ਅੰਤਿਮ ਸੰਸਕਾਰ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਫੌਜ ਦੀ ਟੁਕੜੀ ਵਲੋਂ ਸਲਾਮੀ ਦਿੱਤੀ ਗਈ ਅਤੇ ਛੋਟੇ ਭਰਾ ਵਲੋਂ ਸ਼ਹੀਦ ਨੂੰ ਮੁੱਖ ਅਗਨੀ ਦਿੱਤੀ ਗਈ।
ਸ਼ਹੀਦ ਦੀਆਂ 2 ਭੈਣਾਂ ਅਤੇ ਇਕ ਛੋਟਾ ਭਰਾ ਹੈ ਅਤੇ ਅਜੇ ਉਨ੍ਹਾਂ ਦਾ ਵਿਆਹ ਨਹੀਂ ਹੋਇਆ ਸੀ। ਸ਼ਹੀਦ ਗੁਰਪ੍ਰੀਤ ਦੀ ਮਾਂ ਦਾ ਦਿਹਾਂਤ ਹੋ ਚੁੱਕਾ ਹੈ ਅਤੇ ਪਿਤਾ ਮਜ਼ਦੂਰੀ ਅਤੇ ਹਲਵਾਈ ਦਾ ਕੰਮ ਕਰਦੇ ਹਨ।
ਭੈਣ ਰੇਨੂ ਬਾਲਾ ਦਾ ਵਿਆਹ ਨਵੰਬਰ, 2019 'ਚ ਹੋਣਾ ਸੀ। ਫਿਲਹਾਲ ਸ਼ਹੀਦ ਦੀ ਸ਼ਹਾਦਤ 'ਤੇ ਪੂਰੇ ਪਰਿਵਾਰ 'ਚ ਗਮ ਵਾਲਾ ਮਾਹੌਲ ਹੈ।
