ਬਿਨਾਂ ਢੱਕਣ ਵਾਲਾ ਮੈਨਹੋਲ ਬਣ ਰਿਹੈ ਹਾਦਸਿਆਂ ਦਾ ਕਾਰਨ

 ਨਵਾਂਸ਼ਹਿਰ,   (ਤ੍ਰਿਪਾਠੀ)-  ਐੱਸ.ਐੱਸ.ਪੀ. ਦਫ਼ਤਰ ਅਤੇ ਥਾਣਾ ਸਿਟੀ ਨਵਾਂਸ਼ਹਿਰ ਦੇ ਬਾਹਰ ਬਿਨਾਂ ਢੱਕਣ ਵਾਲਾ ਸੀਵਰੇਜ ਦਾ  ਮੈਨਹੋਲ ਸੰਭਾਵਿਤ ਹਾਦਸਿਆਂਂ ਦਾ ਕਾਰਨ ਬਣ  ਰਿਹਾ ਹੈ ਪਰ ਕਈ ਹਫ਼ਤੇ ਲੰਘ ਜਾਣ ਤੋਂ ਬਾਅਦ ਵੀ ਉਕਤ ਬਿਨਾਂ ਢੱਕਣ ਦੇ ਮੈਨਹੋਲ ਨੂੰ ਦਰੁੱਸਤ  ਕਰਨ ਦੀ ਕੋਸ਼ਿਸ਼ ਨਾ ਤਾਂ  ਪੁਲਸ ਵਿਭਾਗ ਵੱਲੋਂ ਕੀਤੀ ਗਈ  ਅਤੇ ਨਾ ਪੀ.ਡਬਲਯੂ. ਡੀ. ਵਿਭਾਗ ਵੱਲੋਂ ਇਸ ਪਾਸੇ  ਧਿਆਨ ਦਿੱਤਾ ਗਿਆ ਹੈ।
 ਲੋਕਾਂ ਦਾ ਕਹਿਣਾ ਹੈ ਕਿ ਜਿਸ ਸਥਾਨ ’ਤੇ ਪੁਲਸ ਦੇ ਆਲਾ ਅਧਿਕਾਰੀਆਂ ਤੋਂ ਇਲਾਵਾ ਸਿਆਸੀ  ਆਗੂਆਂ ਸਣੇ ਲੋਕਾਂ ਦਾ ਆਉਣਾ ਜਾਣਾ ਲੱਗਾ ਰਹਿੰਦਾ ਹੈ, ਜੇਕਰ ਉਕਤ ਸਥਾਨ ਦੀ ਸਮੱਸਿਆ ਨੂੰ ਹੱਲ ਕਰਨ ’ਚ ਕਈ ਹਫ਼ਤੇ ਲੰਘ ਸਕਦੇ ਹਨ ਤਾਂ ਆਮ ਲੋਕਾਂ ਦੀ ਸਮੱਸਿਆਵਾਂ ਵਾਲੇ  ਸਥਾਨਾਂ ’ਤੇ ਕਿਸ ਤਰ੍ਹਾਂ ਦੇ ਹਾਲਾਤ ਹੋ ਸਕਦੇ ਹਨ ਸਹਿਜ ਹੀ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ।
   ਬਿਨਾਂ ਢੱਕਣ ਦੇ ਮੈਨਹੋਲ ਕਾਰਨ ਵਾਪਰ ਚੁੱਕੇ ਹਨ ਕਈ  ਹਾਦਸੇ :  ਐੱਸ.ਐੱਸ.ਪੀ. ਗੇਟ ਦੇ ਠੀਕ ਬਾਹਰ  ਉਕਤ ਬਿਨਾਂ ਢੱਕਣ ਵਾਲੇ ਮੈਨਹੋਲ ਕਾਰਨ ਕਈ ਸਡ਼ਕ ਹਾਦਸੇ  ਵਾਪਰ ਚੁੱਕੇ ਹਨ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਇਕ ਪੁਲਸ ਕਰਮਚਾਰੀ ਨੇ ਦੱਸਿਆ ਕਿ ਉਕਤ ਮੈਨਹੋਲ ਨੂੰ ਢੱਕਣ ਲਈ ਅਸਥਾਈ ਤੌਰ ’ਤੇ ਜੋ ਪੱਥਰ ਰੱਖਿਆ ਗਿਆ ਹੈ ਉਸ ਨੂੰ ਕਈ ਵਾਰ ਵਾਹਨ ਆਪਣੇ ਨਾਲ ਅੱਗੇ ਤਕ ਘੜੀਸ ਕੇ ਲੈ ਜਾਂਦੇ ਹਨ।  ਇਸ ਹੋਲ ਕਾਰਨ ਕਈ ਚਾਲਕ ਇਸ ਵਿਚ ਡਿੱਗ ਚੁੱਕੇ ਹਨ। 
 ਕੀ ਕਹਿੰਦੇ ਹਨ ਪੀ. ਡਬਲਯੂ. ਡੀ. ਵਿਭਾਗ ਦੇ ਜੇ.ਈ. :   ਜਦੋਂ ਇਸ ਸਬੰਧ ਵਿਚ ਥਾਣਾ ਸਿਟੀ ਦੇ ਐੱਸ.ਐੱਚ.ਓ. ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾਂ ਨੇ ਕਿਹਾ ਕਿ ਸਮੱਸਿਆ ਨੂੰ ਸਬੰਧਤ ਵਿਭਾਗ ਦੇ ਧਿਆਨ ਵਿਚ ਲਿਆਉਣ  ਦੇ ਬਾਵਜੂਦ ਹੁਣ ਤੱਕ ਠੀਕ ਨਹੀਂ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਵਿਭਾਗ  ਵੱਲੋਂ  ਫਿਰ  ਤੋਂ  ਯਾਦ ਕਰਵਾਇਆ ਜਾਵੇਗਾ। ਜਦੋਂ ਕਿ ਸਬੰਧਤ ਵਿਭਾਗ ਪੀ. ਡਬਲਿਊ. ਡੀ.   ਦੇ ਜੇ.ਈ. ਨਾਲ ਸੰਪਰਕ ਕਰਨ ’ਤੇ  ਉਨ੍ਹਾਂ ਕਿਹਾ ਕਿ   ਇਹ ਮਾਮਲਾ ਹੁਣੇ ਧਿਆਨ ਵਿਚ ਆਇਆ ਹੈ, 1-2 ਦਿਨ ਵਿਚ ਇਸ ਨੂੰ ਠੀਕ ਕਰਵਾ ਦਿੱਤਾ ਜਾਵੇਗਾ।