ਅਜੇ ਦੇਵਗਨ ਨੂੰ ਜੈਜ਼ੀ ਬੀ ਨੇ ਕੀਤੇ ਤਿੱਖੇ ਸਵਾਲ, ਪੁੱਛਿਆ- ‘ਕਿਥੇ ਹੈ ਕਿਸਾਨਾਂ ਲਈ ਤੁਹਾਡਾ ਸਮਰਥਨ?’
Saturday, Dec 12, 2020 - 01:36 PM (IST)
ਜਲੰਧਰ (ਬਿਊਰੋ)– ਜੈਜ਼ੀ ਬੀ ਇਨ੍ਹੀਂ ਦਿਨੀਂ ਟਵਿਟਰ ’ਤੇ ਕਾਫੀ ਸਰਗਰਮ ਹਨ। ਕਿਸਾਨਾਂ ਦੇ ਸਮਰਥਨ ’ਚ ਉਹ ਵੱਧ ਤੋਂ ਵੱਧ ਟਵੀਟਸ ਕਰ ਰਹੇ ਹਨ ਤੇ ਕਿਸਾਨੀ ਸੰਘਰਸ਼ ’ਚ ਸਾਥ ਦੇ ਰਹੇ ਹਨ।
ਕੁਝ ਸਮਾਂ ਪਹਿਲਾਂ ਹੀ ਜੈਜ਼ੀ ਬੀ ਨੇ ਇਕ ਟਵੀਟ ਅਜੇ ਦੇਵਗਨ ਬਾਰੇ ਕੀਤਾ ਹੈ। ਅਸਲ ’ਚ ਅਜੇ ਦੇਵਗਨ ਨੇ ਆਪਣੀ ਫ਼ਿਲਮ ‘ਮੈਦਾਨ’ ਦਾ ਪੋਸਟਰ ਸਾਂਝਾ ਕੀਤਾ ਹੈ, ਜਿਸ ਨੂੰ ਰੀ-ਟਵੀਟ ਕਰਦਿਆਂ ਜੈਜ਼ੀ ਬੀ ਨੇ ਅਜੇ ਦੇਵਗਨ ਨੂੰ ਤਿੱਖੇ ਸਵਾਲ ਕੀਤੇ ਹਨ।
ਜੈਜ਼ੀ ਬੀ ਨੇ ਲਿਖਿਆ, ‘ਕਿਸਾਨਾਂ ਲਈ ਤੁਹਾਡਾ ਸਮਰਥਨ ਕਿਥੇ ਹੈ? ਕੀ ਤੁਸੀਂ ਖਾਣਾ ਨਹੀਂ ਖਾਂਦੇ? ਮੈਨੂੰ ਉਮੀਦ ਹੈ ਕਿ ਤੁਹਾਨੂੰ ਇਹ ਜ਼ਰੂਰ ਪਤਾ ਹੋਵੇਗਾ ਕਿ ਇਹ ਆਉਂਦਾ ਕਿਥੋਂ ਹੈ?’
Where is your support for the farmers? Don’t you eat food ? I hope you know where it comes from ! https://t.co/A5BPzbhpxX
— Jazzy B (@jazzyb) December 12, 2020
ਜੈਜ਼ੀ ਬੀ ਦੇ ਇਸ ਟਵੀਟ ’ਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਵੀ ਅਜੇ ਦੇਵਗਨ ਖਿਲਾਫ ਆਪਣੀ ਭੜਾਸ ਕੱਢ ਰਹੇ ਹਨ। ਇਨ੍ਹੀਂ ਦਿਨੀਂ ਬਾਲੀਵੁੱਡ ਸਿਤਾਰਿਆਂ ਦੀਆਂ ਅਕਸਰ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀਆਂ ਹਨ, ਜਿਨ੍ਹਾਂ ਨੇ ਕਦੇ ਆਪਣੀ ਫ਼ਿਲਮ ’ਚ ਸਰਦਾਰ ਦੀ ਭੂਮਿਕਾ ਨਿਭਾਈ ਹੋਵੇ।
ਅਜਿਹੇ ’ਚ ਅਜੇ ਦੇਵਗਨ ਆਪਣੀਆਂ ਕਈ ਫ਼ਿਲਮਾਂ ’ਚ ਸਰਦਾਰ ਦੀ ਭੂਮਿਕਾ ਨਿਭਾਅ ਚੁੱਕੇ ਹਨ ਤੇ ਉਨ੍ਹਾਂ ’ਤੇ ਲੋਕ ਭੜਕ ਵੀ ਇਸੇ ਕਰਕੇ ਰਹੇ ਹਨ ਕਿ ਕਿਸਾਨ ਅੰਦੋਲਨ ’ਤੇ ਅਜੇ ਦੇਵਗਨ ਵਲੋਂ ਇਕ ਵੀ ਟਵੀਟ ਨਹੀਂ ਕੀਤਾ ਗਿਆ ਹੈ।
ਨੋਟ– ਜੈਜ਼ੀ ਬੀ ਵਲੋਂ ਅਜੇ ਦੇਵਗਨ ਨੂੰ ਕੀਤੇ ਤਿੱਖੇ ਸਵਾਲਾਂ ’ਤੇ ਤੁਹਾਡੀ ਕੀ ਰਾਏ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
