ਲਗਾਤਾਰ 2 ਘੰਟੇ ਪਏ ਮੀਂਹ ਨਾਲ ਜਲੰਧਰ ਹੋਇਆ ਜਲਥਲ (ਤਸਵੀਰਾਂ)
Friday, Aug 09, 2019 - 02:01 PM (IST)
ਜਲੰਧਰ (ਸੋਨੂੰ) - 2 ਘੰਟੇ ਲਗਾਤਾਰ ਪਏ ਮੀਂਹ ਕਾਰਨ ਜਿੱਥੇ ਜਲੰਧਰ ਸ਼ਹਿਰ ਜਲਥਲ ਹੋ ਗਿਆ, ਉਥੇ ਹੀ ਹੁੰਮਸ ਭਰੀ ਗਰਮੀ ਤੋਂ ਲੋਕਾਂ ਨੂੰ ਰਾਹਤ ਵੀ ਮਿਲ ਗਈ ਹੈ। ਮੀਂਹ ਕਾਰਨ ਸ਼ਹਿਰ ਦਾ ਮੌਸਮ ਖੁਸ਼ਗਵਾਰ ਹੋ ਗਿਆ। ਸੜਕਾਂ ਅਤੇ ਗਲੀਆਂ ਮੀਂਹ ਦੇ ਪਾਣੀ ਕਾਰਨ ਨਹਿਰਾਂ 'ਚ ਤਬਦੀਲ ਹੋ ਗਈਆਂ ਹਨ। ਚਾਰੇ ਪਾਸੇ ਪਾਣੀ ਹੀ ਪਾਣੀ ਨਜ਼ਰ ਆ ਰਿਹਾ ਹੈ। ਲੋਕ ਮੀਂਹ 'ਚ ਬਾਹਰ ਨਿਕਲਣ ਲਈ ਛੱਤਰੀ ਦਾ ਸਹਾਰਾ ਲੈ ਰਹੇ ਹਨ।
ਇਸੇ ਤਰ੍ਹਾਂ ਸਵੇਰ ਦੇ ਸਮੇਂ ਪਏ ਇਸ ਮੀਂਹ ਕਾਰਨ ਕੰਮ 'ਤੇ ਜਾਣ ਲਈ ਵਾਹਨ ਚਾਲਕਾਂ ਨੂੰ ਕਈ ਤਰ੍ਹਾਂ ਦੀਆਂ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ।
