ਇਟਲੀ ਤੋਂ ਆਏ ਨੌਜਵਾਨ ਦੀ ਜੰਗਲ ''ਚੋਂ ਮਿਲੀ ਲਾਸ਼

ਫਗਵਾੜਾ(ਹਰਜੋਤ)-ਪਿੰਡ ਬਲਾਲੋਂ ਦੇ ਵਸਨੀਕ ਮਹਿੰਦਰ ਪਾਲ ਉਰਫ ਲਾਲਾ (42) ਪੁੱਤਰ ਦੇਸਰਾਜ ਦੀ ਪਿੰਡ ਤੋਂ ਕਰੀਬ ਚਾਰ ਕਿਲੋਮੀਟਰ ਦੂਰ ਪਿੰਡ ਬੀੜ ਸਾਰੰਗਵਾਲ (ਨਵਾਂਸ਼ਹਿਰ) ਦੇ ਜੰਗਲ 'ਚ ਅੱਜ ਸਵੇਰੇ ਲਾਸ਼ ਮਿਲਣ ਨਾਲ ਇਲਾਕੇ ਭਰ ਵਿਚ ਦਹਿਸ਼ਤ ਦਾ ਮਾਹੌਲ ਬਣ ਗਿਆ।
ਪਰਿਵਾਰਕ ਸੂਤਰਾਂ ਅਨੁਸਾਰ ਮਹਿੰਦਰ ਪਾਲ ਉਰਫ ਲਾਲਾ ਜੋ ਕਿ ਦੋ ਦਿਨ ਪਹਿਲਾਂ 31 ਮਈ ਨੂੰ ਹੀ ਇਟਲੀ ਤੋਂ ਵਾਪਸ ਇੰਡੀਆ ਪਰਤਿਆ ਸੀ ਉਹ 1 ਜੂਨ ਨੂੰ ਸਵੇਰੇ ਘਰੋਂ ਐਕਟਿਵਾ ਦੀ ਸਰਵਿਸ ਕਰਵਾਉਣ ਲਈ ਫਗਵਾੜਾ ਆਇਆ ਸੀ ਪਰ ਜਦੋਂ ਸ਼ਾਮ ਤਕ ਉਹ ਵਾਪਸ ਘਰ ਨਾ ਪਰਤਿਆ ਤਾਂ ਘਰਦਿਆਂ ਨੇ ਉਸਦੀ ਭਾਲ ਸ਼ੁਰੂ ਕੀਤੀ। ਅੱਜ ਸਵੇਰੇ ਪਿੰਡ ਤੋਂ ਕੁਝ ਕਿਲੋਮੀਟਰ ਦੂਰ ਬੀੜ ਸਾਰੰਗਵਾਲ ਜ਼ਿਲਾ ਨਵਾਂਸ਼ਹਿਰ ਦੀ ਹੱਦ 'ਚ ਆਉਂਦੇ ਜੰਗਲਾਂ 'ਚ ਉਸਦੀ ਲਾਸ਼ ਬਰਾਮਦ ਹੋਈ ਹੈ। ਮ੍ਰਿਤਕ ਦੀ ਐਕਟਿਵਾ ਵੀ ਉਸਦੀ ਲਾਸ਼ ਤੋਂ ਕੁਝ ਹੀ ਦੂਰੀ ਤੇ ਸਟਾਰਟ ਹਾਲਤ 'ਚ ਬਰਾਮਦ ਹੋਈ ਹੈ, ਜਾਣਕਾਰੀ ਅਨੁਸਾਰ ਮ੍ਰਿਤਕ ਦਾ ਬਟੂਆ, ਮੋਬਾਇਲ ਪੁਲਸ ਨੇ ਬਰਾਮਦ ਕੀਤੇ ਹਨ।
ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਸ ਅਧਿਕਾਰੀ ਮੌਕੇ 'ਤੇ ਪੁੱਜੇ। ਇਸ ਸਬੰਧੀ ਸੰਪਰਕ ਕਰਨ 'ਤੇ ਐੱਸ. ਐੱਚ. ਓ. ਬਹਿਰਾਮ ਰਜੇਸ਼ ਕੁਮਾਰ ਨੇ ਦੱਸਿਆ ਕਿ ਪੁਲਸ ਨੇ ਇਸ ਸਬੰਧੀ ਧਾਰਾ 174 ਤਹਿਤ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।