ਸਾਵਧਾਨ : ਵਿਦੇਸ਼ ਜਾਣ ਵਾਲੇ ਨੌਜਵਾਨਾਂ ਨੂੰ ਤਾਲਿਬਾਨ ਲੜਾਕਿਆਂ ਕੋਲ ਵੇਚ ਰਹੇ ਏਜੰਟ!

ਫਿਲੌਰ (ਭਾਖੜੀ) - ਵਿਦੇਸ਼ ਭੇਜਣ ’ਤੇ ਨਾਂ ’ਤੇ ਏਜੰਟ ਭੋਲੇ-ਭਾਲੇ ਬੇਰੋਜ਼ਗਾਰ ਨੌਜਵਾਨਾਂ ਦਾ ਵੱਡੇ ਪੱਧਰ ’ਤੇ ਸੋਸ਼ਣ ਕਰ ਰਹੇ ਹਨ ਅਤੇ ਉਨ੍ਹਾਂ ਨੂੰ ਅੱਗੇ ਛੋਟੇ ਦੇਸ਼ਾਂ ਵਿੱਚ ਭੇਜ ਕੇ ਵੇਚ ਰਹੇ ਹਨ। ਅਜਿਹਾ ਹੀ ਤਾਜ਼ਾ ਕੇਸ ਸ਼ਹਿਰ ਦੇ ਪਿੰਡ ਰਾਮਗੜ੍ਹ ਦੇ ਰਹਿਣ ਵਾਲੇ ਕੁਲਦੀਪ ਸਿੰਘ ਦਾ ਹੈ, ਜੋ ਪਿਛਲੇ 3 ਹਫ਼ਤੇ ਤੋਂ ਏਜੰਟ ਦੇ ਕਰਿੰਦਿਆਂ (ਤਾਲਿਬਾਨ ਦੇ ਲੜਾਕਿਆਂ) ਦੀ ਹਿਰਾਸਤ ’ਚ ਭੁੱਖਾ-ਪਿਆਸਾ ਜ਼ਿੰਦਗੀ ਅਤੇ ਮੌਤ ਦੀ ਲੜਾਈ ਲੜ ਰਿਹਾ ਹੈ। ਇਸ ਏਜੰਟ ਦੇ ਸਾਥੀ ਕੁਲਦੀਪ ਦੇ ਸਰੀਰ ਨੂੰ ਚਾਕੂਆਂ ਨਾਲ ਕੱਟ ਕੇ ਉਸ ’ਤੇ ਲੂਣ ਲਗਾ ਕੇ ਉਸ ਦੇ ਤੜਫਦੇ ਹੋਏ ਦੀ ਰੋਜ਼ਾਨਾ ਨਵੀਂ ਵੀਡੀਓ ਬਣਾ ਕੇ ਉਸ ਦੇ ਪਰਿਵਾਰ ਵਾਲਿਆਂ ਨੂੰ ਭੇਜਦੇ ਹਨ ਅਤੇ 5 ਲੱਖ ਰੁਪਏ ਫਿਰੌਤੀ ਦੀ ਮੰਗ ਕਰ ਰਹੇ ਹਨ।

ਪੜ੍ਹੋ ਇਹ ਵੀ ਖ਼ਬਰ - ਢੋਗੀਂ ਬਾਬੇ ਦਾ ਸ਼ਰਮਨਾਕ ਕਾਰਾ : ਇੱਕੋ ਪਰਿਵਾਰ ਦੀਆਂ 3 ਜਨਾਨੀਆਂ ਲੈ ਕੇ ਹੋਇਆ ਫ਼ਰਾਰ

ਪੀੜਤ ਨੌਜਵਾਨ ਦੀ ਮਾਤਾ ਜੋਗਿੰਦਰ ਕੌਰ ਨੇ ਇਹ ਪੂਰਾ ਮਾਮਲਾ ਸਥਾਨਕ ਪੁਲਸ ਦੇ ਧਿਆਨ ’ਚ ਲਿਆਂਦਾ, ਜਿਸ ’ਤੇ ਥਾਣਾ ਮੁਖੀ ਇੰਸਪੈਕਟਰ ਸੰਜੀਵ ਕਪੂਰ ਨੇ ਉਕਤ ਏਜੰਟਾਂ ਨੂੰ ਫੜਨ ਲਈ ਪੁਲਸ ਪਾਰਟੀ ਭੇਜੀ। ਉਨ੍ਹਾਂ ਨੇ ਏਜੰਟ ਪ੍ਰੀਤਪਾਲ ਸਿੰਘ ਨੂੰ ਗ੍ਰਿਫ਼ਤਾਰ ਕਰ ਲਿਆ ਪਰ ਉਸ ਦਾ ਪੁੱਤ ਗਗਨ ਆਪਣੀ ਪਤਨੀ ਅਤੇ ਬੱਚਿਆਂ ਸਮੇਤ ਪਹਿਲਾਂ ਹੀ ਫਰਾਰ ਹੋ ਚੁੱਕਾ ਸੀ। ਪੁਲਸ ਕੁਲਦੀਪ ਨੂੰ ਸੁਰੱਖਿਅਤ ਘਰ ਵਾਪਸ ਪਹੁੰਚਾਉਣ ਲਈ ਏਜੰਟ ਗਗਨ ’ਤੇ ਦਬਾਅ ਬਣਾ ਰਹੀ ਹੈ।

ਪੜ੍ਹੋ ਇਹ ਵੀ ਖ਼ਬਰ - ਗੁਰਦਾਸਪੁਰ ’ਚ ਰੂਹ ਕੰਬਾਊ ਵਾਰਦਾਤ: ਕੁਲਯੁੱਗੀ ਪਤੀ ਨੇ ਪਤਨੀ ਦਾ ‘ਕਤਲ’ ਕਰ ‘ਗਟਰ’ ’ਚ ਸੁੱਟੀ ਲਾਸ਼ 

5 ਫੀਸਦੀ ਵਿਆਜ ’ਤੇ ਪੈਸੇ ਫੜ ਕੇ ਭੇਜਿਆ ਸੀ ਵਿਦੇਸ਼
ਪੀੜਤ ਮੁੰਡੇ ਦੀ ਮਾਤਾ ਸ਼ਿਕਾਇਤਕਰਤਾ ਜੋਗਿੰਦਰ ਕੌਰ ਨੇ ਦੱਸਿਆ ਕਿ ਉਹ ਲੋਕਾਂ ਦੇ ਘਰਾਂ ’ਚ ਸਾਫ਼-ਸਫ਼ਾਈ ਦਾ ਕੰਮ ਕਰਦੀ ਹੈ। ਉਸ ਦੇ 2 ਪੁੱਤਰ, 2 ਕੁੜੀਆਂ ਹਨ, ਚਾਰੇ ਵਿਆਹੇ ਹੋਏ ਹਨ। ਉਸ ਦੇ ਪੁੱਤ ਕੁਲਦੀਪ (30) ਨੂੰ ਉਸ ਦੇ ਨਾਲ ਕੰਮ ਕਰਦੇ ਵਿਅਕਤੀ ਨੇ ਦੱਸਿਆ ਕਿ ਉਸ ਦੇ ਮੁੰਡੇ ਨੂੰ ਏਜੰਟ ਪ੍ਰੀਤਪਾਲ ਸਿੰਘ ਅਤੇ ਉਸ ਦੇ ਬੇਟੇ ਗਗਨ ਨੇ ਵਿਦੇਸ਼ ਗ੍ਰੀਸ ਭੇਜਿਆ ਸੀ। ਉਹ ਵੀ ਜੇਕਰ ਵਿਦੇਸ਼ ਚਲਾ ਜਾਵੇ ਹੈ ਤਾਂ ਉਥੇ ਪੈਸੇ ਕਮਾ ਕੇ ਪਰਿਵਾਰ ਦੀ ਗਰੀਬੀ ਦੂਰ ਕਰ ਸਕਦਾ ਹੈ, ਜਿਸ ’ਤੇ ਕੁਲਦੀਪ ਉਸ ਨਾਲ ਏਜੰਟ ਪ੍ਰੀਤਪਾਲ ਅਤੇ ਉਸ ਦੇ ਬੇਟੇ ਗਗਨ ਨੂੰ ਖਹਿਰਾ ਬੇਟ ਉਸ ਦੇ ਘਰ ਵਿੱਚ ਮਿਲੇ, ਜਿਥੇ 6 ਲੱਖ ਰੁਪਏ ਵਿੱਚ ਗ੍ਰੀਸ ਪਹੁੰਚਣ ਦੀ ਗੱਲ ਤੈਅ ਹੋ ਗਈ । ਉਸ ਨੇ 5 ਫੀਸਦੀ ਵਿਆਜ ’ਤੇ ਪੈਸੇ ਚੁੱਕ ਕੇ ਏਜੰਟ ਨੂੰ ਦੇ ਦਿੱਤੇ।

ਪੜ੍ਹੋ ਇਹ ਵੀ ਖ਼ਬਰ - ਇਸ 13 ਸਾਲਾ ਬੱਚੀ ਦੇ ਹੱਥਾਂ ’ਚ ਹੈ ਜਾਦੂ, ਪੰਜਾਬ ਤੋਂ ਕੈਨੇਡਾ ਤੱਕ ਹਨ ਪੇਂਟਿੰਗਾਂ ਦੇ ਚਰਚੇ (ਵੀਡੀਓ)

ਏਜੰਟ ਗਗਨ ਨੇ ਕੁਲਦੀਪ ਨੂੰ ਅੱਗੇ ਏਜੰਟ ਵਿੱਕੀ ਕੋਲ ਵੇਚਿਆ
ਜੋਗਿੰਦਰ ਕੌਰ ਨੇ ਦੱਸਿਆ ਕਿ ਉਸ ਦੇ ਬੇਟੇ ਦਾ ਦਿੱਲੀ ਤੋਂ 16 ਜੁਲਾਈ ਨੂੰ ਫੋਨ ਆਇਆ ਕਿ ਉਹ ਵਿਦੇਸ਼ ਜਾ ਰਿਹਾ ਹੈ। ਉਥੇ ਸਖ਼ਤ ਮਿਹਨਤ ਕਰ ਕੇ ਪਹਿਲਾਂ ਕਰਜ਼ਾ ਉਤਾਰੇਗਾ। ਇਸ ਤੋਂ ਬਾਅਦ ਉਸ ਦੇ ਬੇਟੇ ਦਾ ਉਸ ਨੂੰ ਫੋਨ ਆਇਆ ਕਿ ਏਜੰਟ ਗਗਨ ਨੇ ਉਸ ਨੂੰ ਗ੍ਰੀਸ ਨਹੀਂ ਕਿਸੇ ਹੋਰ ਦੇਸ਼ ਭੇਜ ਦਿੱਤਾ ਹੈ, ਜਿਥੇ ਉਸ ਕੋਲ ਜੋ ਕੁਝ ਵੀ ਸੀ, ਕੱਪੜੇ ਅਤੇ ਜੁੱਤੀਆਂ ਵੀ ਉਕਤ ਲੋਕਾਂ ਨੇ ਉਤਰਵਾ ਲਈਆਂ ਹਨ। ਉਸ ਤੋਂ ਬਾਅਦ ਵਿੱਕੀ ਨਾਮੀ ਵਿਅਕਤੀ ਨੇ ਉਸ ਨਾਲ ਫੋਨ ’ਤੇ ਗੱਲ ਕੀਤੀ ਅਤੇ ਧਮਕਾਉਂਦੇ ਹੋਏ ਕਿਹਾ ਕਿ ਉਸ ਦਾ ਬੇਟਾ ਉਨ੍ਹਾਂ ਦੀ ਹਿਰਾਸਤ ਵਿੱਚ ਹੈ। ਉਹ ਜੇਕਰ ਉਸ ਨੂੰ ਗ੍ਰੀਸ ਭੇਜਣਾ ਚਾਹੁੰਦੀ ਹੈ ਤਾਂ ਪਹਿਲਾਂ ਉਨ੍ਹਾਂ ਨੂੰ ਸਵਾ ਲੱਖ ਰੁਪਏ ਹੋਰ ਦੇਵੇ। ਕਿਸੇ ਤਰ੍ਹਾਂ ਉਸ ਨੇ ਫਿਰ ਹੋਰ ਵਿਆਜ਼ ’ਤੇ ਪੈਸੇ ਫੜੇ ਅਤੇ ਏਜੰਟ ਵਿੱਕੀ ਨੂੰ ਦਿੱਤੇ ਗਏ, ਜੋ ਉਸ ਦੇ ਖਾਤੇ ਵਿੱਚ ਪਾਏ। ਉਸ ਨੂੰ ਲੱਗਾ ਕਿ ਹੁਣ ਉਸ ਦਾ ਬੇਟਾ ਸੁਰੱਖਿਅਤ ਦੇਸ਼ ਪੁੱਜ ਜਾਵੇਗਾ ਪਰ ਵਿੱਕੀ ਨੇ ਉਸ ਨੂੰ ਅੱਗੇ ਤਾਲਿਬਾਨ ਦੇ ਲੜਾਕੂਆਂ ਕੋਲ ਵੇਚ ਦਿੱਤਾ।

ਪੜ੍ਹੋ ਇਹ ਵੀ ਖ਼ਬਰ -ਪੰਜਾਬ ’ਚ ਕਾਂਗਰਸ ਲਈ ਅਗਲਾ ਹਫ਼ਤਾ ਬੇਹੱਦ ਅਹਿਮ, ਹੋ ਸਕਦੀਆਂ ਨੇ ਕਈ ਤਬਦੀਲੀਆਂ

ਮਾਂ ਨੇ ਸੂਬਾ ਤੇ ਕੇਂਦਰ ਸਰਕਾਰ ਨੂੰ ਲਾਈ ਗੁਹਾਰ
ਪੀੜਤ ਦੀ ਮਾਂ ਨੇ ਪੰਜਾਬ ਅਤੇ ਕੇਂਦਰ ਸਰਕਾਰ ਤੋਂ ਗੁਹਾਰ ਲਾਉਂਦਿਆਂ ਕਿਹਾ ਕਿ ਉਸ ਦੇ ਬੇਟੇ ਨੂੰ ਸੁਰੱਖਿਅਤ ਘਰ ਵਾਪਸ ਲਿਆਂਦਾ ਜਾਵੇ। ਉਹ ਪਹਿਲਾਂ ਹੀ ਬੇਟੇ ਨੂੰ ਵਿਦੇਸ਼ ਭੇਜਣ ਦੇ ਚੱਕਰ ’ਚ ਕਰਜ਼ੇ ਵਿੱਚ ਡੁੱਬ ਚੁੱਕੇ ਹਨ।