ਕੈਪਟਨ ਸਰਕਾਰ ਦੇ ਕਾਰਜਕਾਲ 'ਚ ਸ਼ਰਾਬ ਨੇ ਉਜਾੜੇ ਕਈ ਪਰਿਵਾਰ : ਧਵਨ

ਅੰਮ੍ਰਿਤਸਰ (ਅਨਜਾਣ) : ਕੈਪਟਨ ਅਮਰਿੰਦਰ ਸਿੰਘ ਦੀ ਕਾਂਗਰਸ ਸਰਕਾਰ ਦੇ ਕਾਰਜਕਾਲ 'ਚ ਸ਼ਰਾਬ ਨੇ ਕਈ ਘਰ ਉਜਾੜ ਦਿੱਤੇ। ਕਈ ਮਾਵਾਂ ਦੇ ਪੁੱਤਰ, ਕਈ ਭੈਣਾਂ ਦੇ ਸੁਹਾਗ ਤੇ ਕਈ ਧੀਆਂ ਪੁੱਤਰਾਂ ਦੇ ਪਿਤਾ ਉਨ੍ਹਾਂ ਤੋਂ ਵਿੱਛੜ ਗਏ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਤਰਨਤਾਰਨ, ਬਟਾਲਾ ਤੇ ਮੁੱਛਲ (ਜੰਡਿਆਲਾ) ਵਿਖੇ ਸ਼ਰਾਬ ਨਾਲ ਹੋਈਆਂ ਮੌਤਾਂ ਕਾਰਣ ਅੰਮ੍ਰਿਤਸਰ ਦੇ ਹਾਲ ਗੇਟ ਵਿਖੇ ਰੋਸ ਮੁਜ਼ਾਹਰ ਕਰਨ ਸਮੇਂ ਆਮ ਆਦਮੀ ਪਾਰਟੀ ਦੇ ਸ਼ਹਿਰੀ ਜਨਰਲ ਸਕੱਤਰ ਦੀਕਸ਼ਤ ਧਵਨ ਨੇ ਕੀਤਾ। 

ਇਹ ਵੀ ਪੜ੍ਹੋਂ : ਸ਼ਰਮਸਾਰ ਹੋਏ ਰਿਸ਼ਤੇ: ਮਾਸੜ ਨੇ ਨਾਬਾਲਗ ਭਾਣਜੀ ਨੂੰ ਕੀਤਾ ਗਰਭਵਤੀ

ਉਨ੍ਹਾਂ ਕਿਹਾ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਗੁਟਕਾ ਸਾਹਿਬ 'ਤੇ ਹੱਥ ਰੱਖ ਕੇ ਸਹੁੰ ਖਾਧੀ ਸੀ ਕਿ ਉਹ ਕੇਵਲ ਚਾਰ ਹਫ਼ਤਿਆਂ 'ਚ ਹੀ ਪੰਜਾਬ 'ਚੋਂ ਨਸ਼ਾ ਖਤਮ ਕਰ ਦੇਣਗੇ। ਪਰ ਹੁਣੇ ਹੋਈ ਸੱਜਰੀ ਘਟਨਾ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਕੈਪਟਨ ਸਾਹਿਬ ਨੇ ਕੇਵਲ ਖਿਆਲੀ ਵੜੇ ਪਕਾ ਕੇ ਜਨਤਾ ਨੂੰ ਮੰਤਰ ਮੁਗਧ ਕਰ ਲਿਆ ਸੀ ਤੇ ਅੱਜ ਉਹੀ ਜਨਤਾ ਜਿਸ ਨੇ ਕੈਪਟਨ ਸਾਹਿਬ ਦੇ ਨਾਮ ਤੇ ਵੋਟ ਦਿੱਤੀ ਸੀ ਉੱਜੜ ਗਈ ਹੈ। ਉਨ੍ਹਾਂ ਕਿਹਾ ਕਿ ਇਸ ਭਿਆਨਕ ਹਾਦਸੇ ਦੀ ਜਿੰਮੇਵਾਰੀ ਲੈਂਦਿਆਂ ਕੈਪਟਨ ਸਾਹਿਬ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇਣ। ਇਸ ਮੌਕੇ ਜੈ ਕੁਸ਼ ਬੁੱਟਰ ਜਾਇੰਟ ਸਕੱਤਰ ਅੰਮ੍ਰਿਤਸਰ ਸਿਟੀ, ਸਨਪ੍ਰੀਤ ਭਾਟੀਆ ਤੇ ਆਮ ਆਦਮੀ ਪਾਰਟੀ ਦੇ ਵਰਕਰ ਮੌਜੂਦ ਸਨ।

ਇਹ ਵੀ ਪੜ੍ਹੋਂ : ਨਸ਼ੇ ਨੇ ਖੋਹ ਲਿਆ ਪਿਓ ਤੇ ਭਰਾ, ਵੀਰ ਦੇ ਗੁੱਟ 'ਤੇ ਰੱਖੜੀ ਬੰਨ੍ਹਣ ਨੂੰ ਤਰਸ ਦੀਆਂ ਭੈਣਾਂ