ਵਾਹਨ ਚਾਲਕਾਂ ਲਈ ਵੱਡੇ ਖ਼ਤਰੇ ਦੀ ਘੰਟੀ! ਦੇਖਿਓ ਕਿਤੇ ਤੁਹਾਡਾ ਵੀ...

ਚੰਡੀਗੜ੍ਹ (ਸੁਸ਼ੀਲ) : ਚੰਡੀਗੜ੍ਹ ਟ੍ਰੈਫਿਕ ਪੁਲਸ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਚਾਲਕਾਂ ਦੇ ਧੜਾਧੜ ਚਲਾਨ ਕੱਟਣ ’ਚ ਲੱਗੀ ਹੋਈ ਹੈ। ਕਾਂਸਟੇਬਲ ਤੋਂ ਲੈ ਕੇ ਇੰਸਪੈਕਟਰ ਤੱਕ ਸਾਰਿਆਂ ਨੂੰ ਚਲਾਨ ਕੱਟਣ ਦਾ ਟੀਚਾ ਮਿਲਿਆ ਹੋਇਆ ਹੈ। ਇਸ ਲਈ ਵਾਹਨ ਚਾਲਕਾਂ ਨੂੰ ਜ਼ਰਾ ਅਲਰਟ ਰਹਿਣ ਦੀ ਲੋੜ ਹੈ ਤਾਂ ਕਿ ਕਿਤੇ ਤੁਹਾਡਾ ਵੀ ਚਲਾਨ ਨਾ ਕੱਟਿਆ ਜਾਵੇ। ਪੁਲਸ ਮੁਲਾਜ਼ਮ ਦੂਜੇ ਸੂਬਿਆਂ ਤੋਂ ਆਉਣ ਵਾਲੇ ਵਾਹਨਾਂ ਅਤੇ ਈ-ਰਿਕਸ਼ਾ ਨੂੰ ਰੋਕਣ ਅਤੇ ਚਲਾਨ ਕਰਨ ’ਚ ਰੁੱਝੇ ਹੋਏ ਹਨ। ਇਕ ਮਹੀਨੇ ’ਚ ਇੰਸਪੈਕਟਰ ਕਰੀਬ 200 ਚਲਾਨ ਕੱਟਣ ’ਚ ਲੱਗੇ ਹੋਏ ਹਨ। ਉਸ ਸਮੇਂ ਦੇ ਚਲਾਨਾਂ ਨੂੰ ਦੇਖ ਕੇ ਹੋਰ ਇੰਸਪੈਕਟਰਾਂ ਨੇ ਵੀ ਚਲਾਨ ਕੱਟਣੇ ਸ਼ੁਰੂ ਕਰ ਦਿੱਤੇ ਹਨ।

ਇਹ ਵੀ ਪੜ੍ਹੋ : ਮੁਲਾਜ਼ਮਾਂ ਦੀ ਤਨਖ਼ਾਹ ਨੂੰ ਲੈ ਕੇ ਵੱਡੀ ਖ਼ਬਰ, ਹੋ ਗਿਆ ਵਾਧਾ, ਪੜ੍ਹੋ ਪੂਰੀ ਡਿਟੇਲ

ਕਈ ਇੰਸਪੈਕਟਰਾਂ ਨੇ ਆਪਣੀਆਂ ਮਸ਼ੀਨਾਂ ਆਪਣੇ ਡਰਾਈਵਰਾਂ ਅਤੇ ਗੰਨਮੈਨਾਂ ਨੂੰ ਦੇ ਦਿੱਤੀਆਂ ਤਾਂ ਜੋ ਉਹ ਚਲਾਨਾਂ ਦੀ ਗਿਣਤੀ ਪੂਰੀ ਕਰ ਸਕਣ। ਇਸ ਤੋਂ ਪਹਿਲਾਂ ਕਈ ਪੁਲਸ ਮੁਲਾਜ਼ਮਾਂ ਨੂੰ ਚਲਾਨ ਘੱਟ ਕਰਨ ਲਈ ਨੋਟਿਸ ਮਿਲ ਚੁੱਕੇ ਹਨ। ਨੋਟਿਸ ਤੋਂ ਬਚਣ ਲਈ ਪੁਲਸ ਮੁਲਾਜ਼ਮਾਂ ਨੇ ਚਲਾਨ ਕੱਟਣੇ ਸ਼ੁਰੂ ਕਰ ਦਿੱਤੇ ਸਨ। ਇਸ ਤੋਂ ਇਲਾਵਾ ਵੀਡੀਓ ਕੈਮਰੇ ’ਤੇ ਡਿਊਟੀ ’ਤੇ ਤਾਇਨਾਤ ਜਵਾਨਾਂ ਨੂੰ ਲਾਈਟ ਪੁਆਇੰਟਾਂ ’ਤੇ ਖੜ੍ਹੇ ਹੋ ਕੇ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਕਰੀਬ 200 ਡਰਾਈਵਰਾਂ ਨੂੰ ਕੈਦ ਕਰਨਾ ਹੈ।

ਇਹ ਵੀ ਪੜ੍ਹੋ : ਪੰਜਾਬ ਦਾ ਹਾਈਵੇਅ ਪੂਰੀ ਤਰ੍ਹਾਂ ਜਾਮ, ਇਧਰ ਆਉਣ ਤੋਂ ਪਹਿਲਾਂ ਪੜ੍ਹ ਲਓ ਪੂਰੀ ਖ਼ਬਰ
2024 'ਚ 9 ਲੱਖ, 68 ਹਜ਼ਾਰ ਚਲਾਨ ਕੀਤੇ
ਟ੍ਰੈਫਿਕ ਪੁਲਸ ਨੇ 2024 ’ਚ 9 ਲੱਖ 68 ਹਜ਼ਾਰ ਟ੍ਰੈਫਿਕ ਚਲਾਨ ਕੀਤੇ ਹਨ। ਪੁਲਸ ਨੇ ਟ੍ਰੈਫਿਕ ਚਲਾਨਾਂ ਤੋਂ 22 ਕਰੋੜ 69 ਲੱਖ ਰੁਪਏ ਦੇ ਜੁਰਮਾਨੇ ਇਕੱਠੇ ਕੀਤੇ ਸਨ, ਜਦੋਂ ਕਿ 2023 ’ਚ ਟ੍ਰੈਫਿਕ ਪੁਲਸ ਨੇ 10 ਕਰੋੜ 35 ਲੱਖ ਰੁਪਏ ਦਾ ਜੁਰਮਾਨਾ ਇਕੱਠਾ ਕੀਤਾ ਸੀ। ਚੰਡੀਗੜ੍ਹ ਟ੍ਰੈਫਿਕ ਪੁਲਸ ਨੇ ਮੌਕੇ ’ਤੇ ਹੀ ਇਨਫੋਰਸਮੈਂਟ ਡਿਵਾਈਸਾਂ ਰਾਹੀਂ 1,40,286 ਚਲਾਨ ਕੀਤੇ। ਜਦੋਂ ਕਿ ਸੀ. ਸੀ. ਟੀ. ਵੀ. ਕੈਮਰਿਆਂ ਰਾਹੀਂ 8 ਲੱਖ 28 ਹਜ਼ਾਰ 672 ਚਲਾਨ ਹੋਏ ਸਨ। ਲਾਲ ਬੱਤੀ ਤੋੜਨ ਦੇ ਸਭ ਤੋਂ ਵੱਧ 4 ਲੱਖ 89 ਹਜ਼ਾਰ 382 ਚਲਾਨ ਕੀਤੇ ਸਨ। ਇਸ ਤੋਂ ਇਲਾਵਾ ਤੇਜ਼ ਰਫ਼ਤਾਰ ਵਾਹਨਾਂ ਦੇ 1,45,307 ਚਲਾਨ ਅਤੇ ਬਿਨਾਂ ਹੈਲਮੈੱਟ ਵਾਲੇ ਸਵਾਰਾਂ ਦੇ 84,616 ਚਲਾਨ ਕੀਤੇ ਸਨ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8