ਏ. ਸੀ. ਦੀ ਤਾਂਬੇ ਦੀ ਪਾਈਪ ਚੋਰੀ ਕਰਨ ਵਾਲੇ 2 ਨੌਜਵਾਨ ਕਾਬੂ

ਚੰਡੀਗੜ੍ਹ (ਸੁਸ਼ੀਲ) : ਸੈਕਟਰ 37 ਸਥਿਤ ਘਰਾਂ ਦੀ ਛੱਤ ਤੋਂ 12 ਏ. ਸੀ. ਦੀ ਤਾਂਬੇ ਦੀ ਪਾਈਪ ਅਤੇ ਕੰਪਰੈਸ਼ਰ ਚੋਰੀ ਕਰਨ ਵਾਲੇ ਨੌਜਵਾਨਾਂ ਨੂੰ ਪੁਲਸ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਮੋਹਾਲੀ ਨਿਵਾਸੀ ਵਿਨੈ ਚੌਹਾਨ ਅਤੇ ਸੈਕਟਰ-55 ਨਿਵਾਸੀ ਵਿਨੈ ਵਜੋਂ ਹੋਈ। ਪੁਲਸ ਨੇ ਮੁਲਜ਼ਮਾਂ ਕੋਲੋਂ 31 ਕਿਲੋ ਤਾਂਬਾ ਬਰਾਮਦ ਕੀਤਾ ਹੈ। ਸੈਕਟਰ 39 ਥਾਣਾ ਪੁਲਸ ਨੇ ਮਾਮਲਾ ਦਰਜ ਕਰ ਕੇ ਪੁੱਛਗਿਛ ਸ਼ੁਰੂ ਕਰ ਦਿੱਤੀ ਹੈ।

ਸੈਕਟਰ 26 ਨਿਵਾਸੀ ਅਜੈ ਕੁਮਾਰ ਦੁੱਗਲ ਨੇ ਦੱਸਿਆ ਕਿ ਉਸਦਾ ਸੈਕਟਰ 37 ਵਿਚ ਮਕਾਨ ਹੈ। ਉਹ ਏ.ਸੀ. ਚਲਾਉਣ ਲੱਗਾ ਤਾਂ ਏ. ਸੀ. ਨਹੀਂ ਚੱਲਿਆ। ਜਦੋਂ ਉਹ ਘਰ ਦੀ ਛੱਤ ’ਤੇ ਗਿਆ ਤਾਂ ਵੇਖਿਆ ਕਿ 12 ਏ. ਸੀ. ਦੀ ਤਾਂਬੇ ਦੀ ਪਾਈਪ ਅਤੇ ਛੇ ਕੰਪਰੈਸ਼ਰ ਚੋਰੀ ਹੋ ਚੁੱਕੇ ਸਨ। ਉਸ ਨੇ ਮਾਮਲੇ ਦੀ ਸੂਚਨਾ ਪੁਲਸ ਨੂੰ ਦਿੱਤੀ। ਸੈਕਟਰ 39 ਥਾਣਾ ਪੁਲਸ ਨੇ ਮਾਮਲਾ ਦਰਜ ਕਰ ਕੇ ਚੋਰ ਨੂੰ ਫੜ੍ਹਨ ਲਈ ਸਪੈਸ਼ਲ ਟੀਮ ਬਣਾਈ। ਪੁਲਸ ਟੀਮ ਨੇ ਛਾਪੇਮਾਰੀ ਕਰ ਕੇ ਚੋਰੀ ਕਰਨ ਵਾਲੇ ਮੁਲਜ਼ਮ ਵਿਜੈ ਚੌਹਾਨ ਅਤੇ ਵਿਨੈ ਨੂੰ ਗ੍ਰਿਫ਼ਤਾਰ ਕਰ ਕੇ ਚੋਰੀ ਦਾ ਸਾਮਾਨ ਬਰਾਮਦ ਕਰ ਲਿਆ।