6 ਲੱਖ ''ਚ 27 ਦੇਸ਼ਾਂ ਦੀ ਯਾਤਰਾ, ਜਾਣੋ ਕਿਵੇਂ

ਵੈਬ ਡੈਸਕ : ਦੁਨੀਆ ਭਰ ਵਿੱਚ ਘੁੰਮਣਾ ਅਤੇ ਨਵੀਆਂ ਚੀਜ਼ਾਂ ਦੀ ਖੋਜ ਕਰਨਾ ਬਹੁਤ ਸਾਰੇ ਲੋਕਾਂ ਦਾ ਸ਼ੌਕ ਹੈ। ਅਜਿਹੇ ਹੀ ਸ਼ੌਕ ਨਾਲ 2 ਦੋਸਤਾਂ ਨੇ ਉਹ ਕਰ ਵਿਖਾਇਆ ਹੈ, ਜਿਸ ਨੂੰ ਸੁਣ ਕੇ ਤੁਸੀਂ ਵੀ ਹੈਰਾਨ ਰਹਿ ਜਾਵੋਗੇ। ਜੀ ਹਾਂ 2 ਦੋਸਤਾਂ ਨੇ ਰਲ ਕੇ 27 ਦੇਸ਼ਾਂ ਦੀ ਯਾਤਰਾ ਕੀਤੀ ਤੇ ਇਸ ਯਾਤਰਾ 'ਤੇ ਉਨ੍ਹਾਂ ਨੇ ਸਿਰਫ 6 ਲੱਖ ਰੁਪਏ ਖਰਚ ਕੀਤੇ।
ਦਰਅਸਲ ਫਰੀਨਾਮ ਅਤੇ ਲਾਫੁਏਂਤੇ ਨਾਂ ਦੇ ਯੂਰਪ ਦੇ ਦੋ ਦੋਸਤ ਅਜਿਹੇ ਹੀ ਯਾਤਰੀ ਹਨ, ਜਿਨ੍ਹਾਂ ਨੇ ਪਿਛਲੇ ਸਾਲ ਹੀ ਦੁਨੀਆ ਦੀ ਯਾਤਰਾ ਦੀ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਦੇ ਸਫਰ ਦੀ ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਹ ਦੋਵੇਂ ਹੁਣ ਤੱਕ 27 ਦੇਸ਼ਾਂ ਦਾ ਦੌਰਾ ਕਰ ਚੁੱਕੇ ਹਨ, ਉਹ ਵੀ ਬਿਨਾਂ ਜਹਾਜ਼ 'ਚ ਬੈਠੇ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਕਰਕੇ ਉਨ੍ਹਾਂ ਨੇ ਨਾ ਸਿਰਫ਼ ਵਾਤਾਵਰਨ ਨੂੰ ਸੰਭਾਲਿਆ ਹੈ, ਸਗੋਂ ਆਪਣੇ ਪੈਸੇ ਦੀ ਵੀ ਬੱਚਤ ਕੀਤੀ ਹੈ।

ਇਟਲੀ ਦੇ ਰਹਿਣ ਵਾਲੇ 25 ਸਾਲਾ ਟੋਮਾਸੋ ਫਰੀਨਮ ਅਤੇ ਸਪੇਨ ਦੇ 27 ਸਾਲਾ ਐਡਰੀਅਨ ਲਾਫੁਏਂਤੇ ਆਪਣੀ ਯਾਤਰਾ ਨੂੰ ਯਾਦਗਾਰ ਬਣਾਉਣਾ ਚਾਹੁੰਦੇ ਸਨ। ਇਸ ਲਈ ਉਨ੍ਹਾਂ ਨੇ ਈਕੋ-ਫਰੈਂਡਲੀ ਯਾਤਰਾ ਨੂੰ ਅਪਣਾਇਆ ਹੈ। ਉੱਡਣ ਦੀ ਬਜਾਏ ਦੋਵੇਂ ਕਿਸ਼ਤੀਆਂ ਰਾਹੀਂ ਦੁਨੀਆ ਦੀ ਯਾਤਰਾ ਕਰ ਰਹੇ ਹਨ। ਪਿਛਲੇ 15 ਮਹੀਨਿਆਂ ਵਿੱਚ, Farinum ਅਤੇ Lafuente ਨੇ 27 ਦੇਸ਼ਾਂ ਦਾ ਦੌਰਾ ਕੀਤਾ ਹੈ। ਦੋਵੇਂ ਦੋਸਤ ਆਪਣੇ ਆਪ ਨੂੰ 'ਟਿਕਾਊ' ਖੋਜੀ ਦੱਸਦੇ ਹਨ।

ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦੀ ਯਾਤਰਾ ਨੇ ਨਾ ਸਿਰਫ਼ ਵਾਤਾਵਰਣ ਦੀ ਮਦਦ ਕੀਤੀ ਹੈ, ਸਗੋਂ ਉਨ੍ਹਾਂ ਦੇ ਪੈਸੇ ਦੀ ਵੀ ਬਚਤ ਕੀਤੀ ਹੈ। ਦੋਵੇਂ ਦੋਸਤ ਸਿਰਫ਼ $7,700 (ਲਗਭਗ 6,46,000 ਰੁਪਏ) ਨਾਲ ਹੁਣ ਤੱਕ 27 ਦੇਸ਼ ਘੁੰਮ ਚੁੱਕੇ ਹਨ। ਇਕ ਮੀਡੀਆ ਆਉਟਲੇਟ ਨਾਲ ਗੱਲ ਕਰਦੇ ਹੋਏ ਦੋਹਾਂ ਨੇ ਦੱਸਿਆ ਕਿ ਪਹਿਲੀ ਵਾਰ ਜਦੋਂ ਉਨ੍ਹਾਂ ਦੇ ਦੋਸਤਾਂ ਅਤੇ ਪਰਿਵਾਰ ਵਾਲਿਆਂ ਨੇ ਉਨ੍ਹਾਂ ਦੇ ਕਿਸ਼ਤੀ 'ਤੇ ਯਾਤਰਾ ਕਰਨ ਬਾਰੇ ਸੁਣਿਆ ਤਾਂ ਉਹ ਘਬਰਾ ਗਏ। ਖਾਸ ਕਰਕੇ ਜਦੋਂ ਉਨ੍ਹਾਂ ਨੇ ਦੱਸਿਆ ਕਿ ਉਹ ਬਿਨਾਂ ਕਿਸੇ ਤਜ਼ਰਬੇ ਦੇ ਪ੍ਰਸ਼ਾਂਤ ਮਹਾਸਾਗਰ ਨੂੰ ਪਾਰ ਕਰਨ ਜਾ ਰਹੇ ਹਨ।

ਫਰੀਨਮ ਨੇ ਕਿਹਾ ਕਿ ਪਨਾਮਾ ਦੀ ਖਾੜੀ ਨੂੰ ਪਾਰ ਕਰਨਾ ਆਸਾਨ ਨਹੀਂ ਸੀ। ਪਹਿਲੇ 10 ਦਿਨ ਬਹੁਤ ਖਤਰਨਾਕ ਸਨ। ਇਸ ਸਮੇਂ ਦੌਰਾਨ ਸਾਨੂੰ ਤੂਫਾਨਾਂ, ਤੇਜ਼ ਹਵਾਵਾਂ ਅਤੇ ਵੱਡੀਆਂ ਲਹਿਰਾਂ ਦਾ ਸਾਹਮਣਾ ਕਰਨਾ ਪਿਆ। ਉਨ੍ਹਾਂ ਕਿਹਾ, ਅਜਿਹੇ ਸਮੇਂ ਡੁੱਬਣ ਦਾ ਖ਼ਤਰਾ ਜ਼ਿਆਦਾ ਹੁੰਦਾ ਹੈ। ਪਰ ਅਸੀਂ ਹਾਰ ਨਹੀਂ ਮੰਨੀ। ਦੋਵਾਂ ਦੋਸਤਾਂ ਨੇ ਪਿਛਲੇ ਸਾਲ ਗਰਮੀਆਂ ਵਿੱਚ ਆਪਣੀ ਯਾਤਰਾ ਸ਼ੁਰੂ ਕੀਤੀ ਸੀ। ਉਨ੍ਹਾਂ ਨੇ ਦੱਖਣੀ ਅਮਰੀਕਾ ਪਹੁੰਚਣ ਲਈ ਲਗਭਗ 39 ਦਿਨ ਸਮੁੰਦਰ ਵਿਚ ਬਿਤਾਏ।