ਮਾਤਾ ਵੈਸ਼ਨੋ ਦੇਵੀ ਜਾਣ ਵਾਲੇ ਸ਼ਰਧਾਲੂਆਂ ਲਈ ਅਹਿਮ ਖਬਰ! ਪੰਜਾਬ ਤੋਂ ਜੰਮੂ ਆਉਣ-ਜਾਣ ਵਾਲੀਆਂ ਟਰੇਨਾਂ ਰੱਦ

ਨੈਸ਼ਨਲ ਡੈਸਕ- ਜੰਮੂ ਵਿੱਚ ਨਵੇਂ ਜੰਮੂ ਡਿਵੀਜ਼ਨ ਦੇ ਨਿਰਮਾਣ ਕਾਰਨ ਜੰਮੂਤਵੀ ਰੇਲਵੇ ਸਟੇਸ਼ਨ ਦੇ ਪੁਨਰ ਵਿਕਾਸ ਦਾ ਕੰਮ ਚੱਲ ਰਿਹਾ ਹੈ, ਜਿਸ ਕਾਰਨ ਫਿਰੋਜ਼ਪੁਰ ਡਿਵੀਜ਼ਨ ਨੇ ਜਲੰਧਰ ਤੋਂ ਜੰਮੂ ਜਾਣ ਵਾਲੀਆਂ 7 ਰੇਲਗੱਡੀਆਂ ਨੂੰ ਰੱਦ ਕਰ ਦਿੱਤਾ ਹੈ। 

ਦੱਸ ਦੇਈਏ ਕਿ ਇਸ ਨਿਰਮਾਣ ਕਾਰਜ ਕਾਰਨ ਯਾਤਰੀਆਂ ਨੂੰ ਬਹੁਤ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਕਿਉਂਕਿ ਰੇਲਗੱਡੀਆਂ ਦੇ ਰੱਦ ਹੋਣ ਦੀ ਮਿਆਦ ਬਹੁਤ ਲੰਬੀ ਹੈ, ਜੋ ਕਿ 30 ਅਪ੍ਰੈਲ 2024 ਤੱਕ ਹੈ। ਇਸ ਕਾਰਨ ਜੰਮੂ ਅਤੇ ਪੰਜਾਬ ਵਿਚਕਾਰ ਯਾਤਰਾ ਕਰਨ ਵਾਲੇ ਲੋਕਾਂ ਨੂੰ ਬਹੁਤ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਵੇਗਾ, ਖਾਸ ਕਰਕੇ ਮਾਤਾ ਵੈਸ਼ਨੋ ਦੇਵੀ ਜਾਣ ਵਾਲੇ ਸ਼ਰਧਾਲੂਆਂ ਨੂੰ ਸਭ ਤੋਂ ਵੱਧ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਵੇਗਾ।

ਰੱਦ ਹੋਈਆਂ ਰੇਲਾਂਦੀ ਸੂਚੀ ;

ਕਾਨਪੁਰ ਸੈਂਟਰਲ-ਜੰਮੂਤਵੀ (12469): 30 ਅਪ੍ਰੈਲ ਤੱਕ ਰੱਦ
ਜੰਮੂਤਵੀ-ਕਾਨਪੁਰ ਸੈਂਟਰਲ (12470): 29 ਅਪ੍ਰੈਲ ਤੱਕ ਰੱਦ
ਬਰੌਨੀ-ਜੰਮੂਤਵੀ (14691): 28 ਅਪ੍ਰੈਲ ਤੱਕ ਰੱਦ
ਯੋਗਾ ਸਿਟੀ ਰਿਸ਼ੀਕੇਸ਼-ਜੰਮੂਤਵੀ (14605): 28 ਅਪ੍ਰੈਲ ਤੱਕ ਰੱਦ
ਰਿਸ਼ੀਕੇਸ਼-ਜੰਮੂਤਵੀ ਯੋਗ ਨਗਰੀ (14606): 27 ਅਪ੍ਰੈਲ ਤੱਕ ਰੱਦ
ਦਿੱਲੀ ਸਰਾਏ ਰੋਹਿਲਾ-ਜੰਮੂਤਵੀ (12265): 29 ਅਪ੍ਰੈਲ ਤੱਕ ਰੱਦ
ਜੰਮੂਤਵੀ-ਸਰਾਏ ਰੋਹਿਲਾ (12260): 30 ਅਪ੍ਰੈਲ ਤੱਕ ਰੱਦ

ਯਾਤਰੀਆਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ ਆਪਣੀ ਯਾਤਰਾ ਦੀਆਂ ਯੋਜਨਾਵਾਂ 'ਚ ਬਦਲਾਅ ਕਰਨ ਅਤੇ ਜ਼ਰੂਰੀ ਜਾਣਕਾਰੀ ਲਈ ਰੇਲਵੇ ਦੀ ਅਧਿਕਾਰਤ ਵੈੱਬਸਾਈਟ ਜਾਂ ਹੈਲਪਲਾਈਨ ਨਾਲ ਸੰਪਰਕ ਕਰਨ।