ਸਮਾਂ ਬਦਲ ਰਿਹਾ ਹੈ! ਜਾਪਾਨ ''ਚ ਦੌੜੇਗੀ ਇਹ ਮੇਕ-ਇਨ-ਇੰਡੀਆ SUV, ਭੇਜੀਆਂ ਗਈਆਂ 1,600 ਕਾਰਾਂ

ਨਵੀਂ ਦਿੱਲੀ- ਮਾਰੂਤੀ ਸੁਜ਼ੂਕੀ ਇੰਡੀਆ ਨੇ ਮੰਗਲਵਾਰ ਨੂੰ ਕਿਹਾ ਕਿ ਉਸ ਨੇ ਜਾਪਾਨ ਨੂੰ ਆਪਣੀ ਸਪੋਰਟਸ ਯੂਟੀਲਿਟੀ ਵ੍ਹੀਕਲ ਫਰੰਟੈਕਸ ਦਾ ਨਿਰਯਾਤ ਸ਼ੁਰੂ ਕਰ ਦਿੱਤਾ ਹੈ। ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ ਕੰਪਨੀ ਨੇ ਇਕ ਬਿਆਨ ਵਿਚ ਕਿਹਾ ਕਿ 1,600 ਤੋਂ ਵੱਧ ਵਾਹਨਾਂ ਦੀ ਪਹਿਲੀ ਖੇਪ ਗੁਜਰਾਤ ਦੇ ਪੀਪਾਵਾਵ ਬੰਦਰਗਾਹ ਤੋਂ ਜਾਪਾਨ ਲਈ ਰਵਾਨਾ ਹੋਈ। ਕੰਪਨੀ ਇਸ ਮਾਡਲ ਨੂੰ ਆਪਣੇ ਗੁਜਰਾਤ ਪਲਾਂਟ ਤੋਂ ਹੀ ਤਿਆਰ ਕਰਦੀ ਹੈ। ਫ੍ਰੋਂਕਸ ਮਾਰੂਤੀ ਸੁਜ਼ੂਕੀ ਦਾ ਦੂਜਾ ਮਾਡਲ ਹੈ ਜੋ ਜਾਪਾਨ ਨੂੰ ਨਿਰਯਾਤ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਪਹਿਲਾਂ 2016 'ਚ ਬਲੇਨੋ ਨੂੰ ਜਾਪਾਨ ਨੂੰ ਐਕਸਪੋਰਟ ਕੀਤਾ ਗਿਆ ਸੀ।

ਮਾਰੂਤੀ ਸੁਜ਼ੂਕੀ ਇੰਡੀਆ ਦੇ ਮੈਨੇਜਿੰਗ ਡਾਇਰੈਕਟਰ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਹਿਸਾਸ਼ੀ ਟੇਕੁਚੀ ਨੇ ਕਿਹਾ, “ਜਾਪਾਨ ਦੁਨੀਆ ਦੇ ਸਭ ਤੋਂ ਵੱਧ ਗੁਣਵੱਤਾ ਪ੍ਰਤੀ ਸੁਚੇਤ ਅਤੇ ਨਵੀਨਤਾਕਾਰੀ ਆਟੋਮੋਟਿਵ ਬਾਜ਼ਾਰਾਂ ਵਿੱਚੋਂ ਇੱਕ ਹੈ। ਜਾਪਾਨ ਨੂੰ ਸਾਡੀਆਂ ਨਿਰਯਾਤ ਮਾਰੂਤੀ ਸੁਜ਼ੂਕੀ ਦੀ ਵਿਸ਼ਵ ਪੱਧਰੀ ਵਾਹਨਾਂ ਨੂੰ ਬਣਾਉਣ ਦੀ ਯੋਗਤਾ ਦਾ ਪ੍ਰਮਾਣ ਹੈ ਜੋ ਅਤਿ-ਆਧੁਨਿਕ ਤਕਨਾਲੋਜੀ, ਬੇਮਿਸਾਲ ਕਾਰਗੁਜ਼ਾਰੀ, ਅੰਤਰਰਾਸ਼ਟਰੀ ਪੱਧਰ 'ਤੇ ਮਾਨਤਾ ਪ੍ਰਾਪਤ ਸੁਰੱਖਿਆ ਅਤੇ ਗੁਣਵੱਤਾ ਦੇ ਮਿਆਰਾਂ ਨੂੰ ਦਰਸਾਉਂਦੀ ਹੈ।" ਬਾਅਦ ਵਿੱਚ 24 ਅਪ੍ਰੈਲ 2023 ਨੂੰ ਭਾਰਤ ਵਿੱਚ ਪੇਸ਼ ਕੀਤਾ ਗਿਆ ਸੀ।

समय बदल रहा है !

A truly proud moment as a consignment of over 1600 'Made In India' SUVs from @Maruti_Corp is exported for the first time to Japan.

Modi Government has implemented several policies to boost Indian manufacturing industry over the last decade.

With an emphasis… pic.twitter.com/mX7FNn8X8N

— Piyush Goyal (@PiyushGoyal) August 13, 2024

ਸਮਾਂ ਬਦਲ ਰਿਹਾ ਹੈ...

ਵਣਜ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਮੰਗਲਵਾਰ ਨੂੰ ਕਿਹਾ ਕਿ ਵਾਹਨ ਨਿਰਮਾਤਾ ਮਾਰੂਤੀ ਸੁਜ਼ੂਕੀ ਇੰਡੀਆ (ਐੱਮ.ਐੱਸ.ਆਈ.) ਦੇ ਐੱਸ.ਯੂ.ਵੀ. ਮਾਡਲ ਫ੍ਰੋਂਕਸ ਨੂੰ ਜਾਪਾਨ ਨੂੰ ਨਿਰਯਾਤ ਕਰਨ ਦੀ ਸ਼ੁਰੂਆਤ ਨੇ ਵਿਸ਼ਵ ਪੱਧਰ 'ਤੇ 'ਬ੍ਰਾਂਡ ਇੰਡੀਆ' ਦੀ ਤਸਵੀਰ ਨੂੰ ਹੋਰ ਮਜ਼ਬੂਤ ​​ਕੀਤਾ ਹੈ। ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਕੰਪਨੀ ਮਾਰੂਤੀ ਸੁਜ਼ੂਕੀ ਨੇ ਇਕ ਬਿਆਨ 'ਚ ਕਿਹਾ ਕਿ ਫ੍ਰੋਂਕਸ ਮਾਡਲ ਦੀਆਂ 1,600 ਤੋਂ ਜ਼ਿਆਦਾ ਇਕਾਈਆਂ ਦੀ ਪਹਿਲੀ ਖੇਪ ਗੁਜਰਾਤ ਦੇ ਪਿਪਾਵਾਵ ਬੰਦਰਗਾਹ ਤੋਂ ਜਾਪਾਨ ਲਈ ਰਵਾਨਾ ਹੋ ਗਈ ਹੈ। ਫ੍ਰੋਂਕਸ ਜਾਪਾਨ ਵਿੱਚ ਲਾਂਚ ਹੋਣ ਵਾਲੀ ਮਾਰੂਤੀ ਸੁਜ਼ੂਕੀ ਦੀ ਪਹਿਲੀ SUV ਹੋਵੇਗੀ। ਕੰਪਨੀ ਇਸ ਮਾਡਲ ਨੂੰ ਵਿਸ਼ੇਸ਼ ਤੌਰ 'ਤੇ ਆਪਣੇ ਗੁਜਰਾਤ ਪਲਾਂਟ ਵਿੱਚ ਤਿਆਰ ਕਰਦੀ ਹੈ।

ਗੋਇਲ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਇਕ ਪੋਸਟ 'ਚ ਇਸ ਬਾਰੇ ਕਿਹਾ, ''ਸਮਾਂ ਬਦਲ ਰਿਹਾ ਹੈ। ਇਹ ਸੱਚਮੁੱਚ ਇਕ ਮਾਣ ਵਾਲੀ ਗੱਲ ਹੈ ਕਿਉਂਕਿ ਮਾਰੂਤੀ ਸੁਜ਼ੂਕੀ ਤੋਂ 1,600 ਤੋਂ ਵੱਧ 'ਮੇਡ ਇਨ ਇੰਡੀਆ' SUV ਦੀ ਖੇਪ ਪਹਿਲੀ ਵਾਰ ਜਾਪਾਨ ਨੂੰ ਨਿਰਯਾਤ ਕੀਤੀ ਗਈ ਹੈ।'' ਉਨ੍ਹਾਂ ਕਿਹਾ ਕਿ ਨਰਿੰਦਰ ਮੋਦੀ ਸਰਕਾਰ ਨੇ ਪਿਛਲੇ ਦਹਾਕੇ ਵਿਚ ਘਰੇਲੂ ਨਿਰਮਾਣ ਨੂੰ ਉਤਸ਼ਾਹਿਤ ਕਰਨ ਲਈ ਕਦਮ ਚੁੱਕੇ ਹਨ। ਇਸ ਲਈ ਕਈ ਨੀਤੀਆਂ ਲਾਗੂ ਕੀਤੀਆਂ ਗਈਆਂ ਹਨ। ਉਨ੍ਹਾਂ ਕਿਹਾ ਕਿ “ਸਥਾਨਕ ਤੌਰ ‘ਤੇ ਵਿਸ਼ਵ ਪੱਧਰੀ ਗੁਣਵੱਤਾ ਵਾਲੇ ਉਤਪਾਦਾਂ ਦੇ ਉਤਪਾਦਨ ‘ਤੇ ਜ਼ੋਰ ਦੇਣ ਨਾਲ ‘ਬ੍ਰਾਂਡ ਇੰਡੀਆ’ ਨੂੰ ਵਿਸ਼ਵ ਪੱਧਰ ‘ਤੇ ਇਕ ਨਾਮ ਬਣਾਉਣ ਵਿਚ ਮਦਦ ਮਿਲੀ ਹੈ।”