ਪੰਜਾਬ ਦੇ CM ਭਗਵੰਤ ਮਾਨ ਹੀ ਨਹੀਂ ਇਹ ਵੱਡੇ ਨੇਤਾ ਵੀ ਮੰਤਰੀ ਅਹੁਦੇ ’ਤੇ ਰਹਿੰਦਿਆਂ ਕਰਵਾ ਚੁੱਕੇ ‘ਦੂਜਾ ਵਿਆਹ’

ਨੈਸ਼ਨਲ ਡੈਸਕ- ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅੱਜ ਯਾਨੀ ਕਿ ਵੀਰਵਾਰ ਨੂੰ ਵਿਆਹ ਦੇ ਬੰਧਨ ’ਚ ਬੱਝ ਗਏ ਹਨ। 48 ਸਾਲਾ ਭਗਵੰਤ ਮਾਨ ਨੇ ਹਰਿਆਣਾ ਦੇ ਪਿਹੋਵਾ ਦੀ ਰਹਿਣ ਵਾਲੀ ਡਾਕਟਰ ਗੁਰਪ੍ਰੀਤ ਕੌਰ ਨਾਲ ਵਿਆਹ ਰਚਾਇਆ ਹੈ। ਦੱਸ ਦੇਈਏ ਕਿ ਮਾਨ ਦਾ ਇਹ ਦੂਜਾ ਵਿਆਹ ਹੈ। ਉਹ ਸਾਲ 2015 ’ਚ ਆਪਣੀ ਪਤਨੀ ਤੋਂ ਵੱਖ ਹੋ ਗਏ ਸਨ। ਪਹਿਲੇ ਵਿਆਹ ਤੋਂ ਮੁੱਖ ਮੰਤਰੀ ਮਾਨ ਦੇ ਦੋ ਬੱਚੇ- 21 ਸਾਲ ਦੀ ਸੀਰਤ ਕੌਰ ਅਤੇ 17 ਸਾਲ ਦਾ ਦਿਲਸ਼ਾਨ ਹੈ। ਭਗਵੰਤ ਮਾਨ ਅਜਿਹੇ ਨੇਤਾਵਾਂ ਦੀ ਸੂਚੀ ’ਚ ਸ਼ਾਮਲ ਹੋ ਗਏ ਹਨ, ਜਿਨ੍ਹਾਂ ਨੇ ਮੰਤਰੀ ਅਹੁਦੇ ’ਤੇ ਰਹਿੰਦੇ ਹੋਏ ਦੂਜਾ ਵਿਆਹ ਕਰਵਾਇਆ।

ਇਹ ਵੀ ਪੜ੍ਹੋ- CM ਭਗਵੰਤ ਮਾਨ ਦਾ ਡਾ. ਗੁਰਪ੍ਰੀਤ ਕੌਰ ਨਾਲ ਹੋਇਆ ਵਿਆਹ, ਦੇਖੋ ਖੁਸ਼ੀ ਦੇ ਪਲ ਬਿਆਨ ਕਰਦੀਆਂ ਤਸਵੀਰਾਂ

ਦਿਗਵਿਜੇ ਸਿੰਘ ਨੇ ਕਰਵਾਇਆ ਦੂਜਾ ਵਿਆਹ, ਬਣਿਆ ਸੀ ਚਰਚਾ

ਕਾਂਗਰਸ ਦੇ ਦਿੱਗਜ਼ ਨੇਤਾ ਦਿਗਵਿਜੇ ਸਿੰਘ ਵੀ ਦੋ ਵਿਆਹ ਕਰਵਾ ਚੁੱਕੇ ਹਨ। ਦਿਗਵਿਜੇ ਦੀ ਪਹਿਲੀ ਪਤਨੀ ਆਸ਼ਾ ਦਾ ਇਕ ਲੰਬੀ ਬੀਮਾਰੀ ਕਾਰਨ ਸਾਲ 2013 ’ਚ ਦਿਹਾਂਤ ਹੋ ਗਿਆ ਸੀ। ਦਿਗਵਿਜੇ ਨੇ ਸੀਨੀਅਰ ਪੱਤਰਕਾਰ ਅੰਮ੍ਰਿਤਾ ਸਿੰਘ ਨੂੰ ਦਿਲ ਦਿੱਤਾ। ਉਨ੍ਹਾਂ ਨੇ 64 ਸਾਲ ਦੀ ਉਮਰ ’ਚ ਆਪਣੇ ਤੋਂ 25 ਸਾਲ ਛੋਟੀ ਅੰਮ੍ਰਿਤਾ ਨਾਲ 2015 ’ਚ ਸੱਤ ਫੇਰੇ ਲਏ।

ਸ਼ਸ਼ੀ ਥਰੂਰ 54 ਸਾਲ ਦੀ ਉਮਰ ’ਚ ਬਣੇ ਲਾੜਾ

ਕਾਂਗਰਸ ਦੇ 65 ਸਾਲਾ ਸੀਨੀਅਰ ਨੇਤਾ ਸ਼ਸ਼ੀ ਥਰੂਰ 3 ਵਿਆਹ ਕਰਵਾ ਚੁੱਕੇ ਹਨ। ਥਰੂਰ ਦਾ ਪਹਿਲਾ ਵਿਆਹ ਤਿਲੋਤਮਾ ਮੁਖਰਜੀ ਅਤੇ ਦੂਜਾ ਵਿਆਹ ਕ੍ਰਿਸਟਾ ਗਿੱਲ ਨਾਲ ਕਰਵਾਇਆ ਸੀ। ਤੀਜਾ ਵਿਆਹ ਉਨ੍ਹਾਂ ਨੇ 54 ਸਾਲ ਦੀ ਉਮਰ ’ਚ ਸਾਲ 2010 ’ਚ ਸੁਨੰਦਾ ਪੁਸ਼ਕਰ ਨਾਲ ਕਰਵਾਇਆ। ਹਾਲਾਂਕਿ ਵਿਆਹ ਦੇ 4 ਸਾਲ ਬਾਅਦ ਹੀ ਸੁਨੰਦਾ ਦਾ ਰਹੱਸਮਈ ਹਲਾਤਾਂ ’ਚ ਦਿਹਾਂਤ ਹੋ ਗਿਆ ਸੀ।

ਇਹ ਵੀ ਪੜ੍ਹੋ- ਇਹ ਹੈ ਅੱਜ ਦੇ ਯੁੱਗ ਦਾ ‘ਸਰਵਣ’, ਮਾਂ ਨੂੰ ਸਕੂਟਰ ’ਤੇ 56 ਹਜ਼ਾਰ ਕਿ.ਮੀ. ਦੀ ਕਰਵਾ ਚੁੱਕੈ ਤੀਰਥ ਯਾਤਰਾ

ਮੁਲਾਇਮ ਸਿੰਘ ਯਾਦਵ ਨੇ ਕਰਵਾਇਆ ਦੂਜਾ ਵਿਆਹ

ਸਮਾਜਵਾਦੀ ਪਾਰਟੀ ਦੇ ਸੰਸਥਾਪਕ ਅਤੇ ਦਿੱਗਜ਼ ਨੇਤਾ ਮੁਲਾਇਮ ਸਿੰਘ ਯਾਦਵ ਵੀ ਦੋ ਵਾਰ ਕਰਵਾ ਚੁੱਕੇ ਹਨ। ਉਨ੍ਹਾਂ ਨੇ ਪਹਿਲਾ ਵਿਆਹ ਸਵ. ਮਾਲਤੀ ਦੇਵੀ ਨਾਲ ਕਰਵਾਇਆ ਸੀ। ਜਦਕਿ ਦੂਜਾ ਵਿਆਹ ਉਨ੍ਹਾਂ ਨੇ ਆਪਣੀ ਉਮਰ ਤੋਂ 20 ਸਾਲ ਛੋਟੀ ਸਾਧਨਾ ਗੁਪਤਾ ਨਾਲ ਕਰਵਾਇਆ ਸੀ। ਦੱਸ ਦੇਈਏ ਕਿ ਸਾਧਨਾ ਪਾਰਟੀ ਦੀ ਹੀ ਇਕ ਵਰਕਰ ਹੈ। ਮੁਲਾਇਮ ਸਿੰਘ ਨੇ 64 ਸਾਲ ਦੀ ਉਮਰ ’ਚ ਦੂਜਾ ਵਿਆਹ ਕਰਵਾਇਆ। 

ਇਹ ਵੀ ਪੜ੍ਹੋ- ‘ਮਾਂ ਕਾਲੀ’ ’ਤੇ ਇਤਰਾਜ਼ਯੋਗ ਟਿੱਪਣੀ ਨੂੰ ਲੈ ਕੇ ਮਹੂਆ ਮੋਇਤਰਾ ਖ਼ਿਲਾਫ਼ FIR, ਦਿੱਤਾ ਦੋ ਟੁੱਕ ਜਵਾਬ

ਕਪਿਲ ਸਿੱਬਲ

ਕਾਂਗਰਸ ਨੇਤਾ ਰਹੇ ਕਪਿਲ ਸਿੱਬਲ ਵੀ ਦੋ ਵਿਆਹ ਕਰ ਚੁੱਕੇ ਹਨ। ਪਹਿਲੀ ਪਤਨੀ ਨੀਨਾ ਸਿੱਬਲ ਦੇ ਕੈਂਸਰ ਨਾਲ ਦਿਹਾਂਤ ਮਗਰੋਂ ਉਨ੍ਹਾਂ ਨੇ ਸਮਾਜਿਕ ਵਰਕਰ ਪ੍ਰੋਮਿਲਾ ਨਾਲ ਦੂਜਾ ਵਿਆਹ ਕਰਵਾਇਆ। 

ਮਨੋਜ ਤਿਵਾੜੀ

ਇਸ ਲਿਸਟ ’ਚ ਭਾਜਪਾ ਨੇਤਾ ਮਨੋਜ ਤਿਵਾੜੀ ਦਾ ਵੀ ਨਾਂ ਸ਼ਾਮਲ ਹੈ। ਉਨ੍ਹਾਂ ਨੇ ਵੀ ਦੋ ਵਿਆਹ ਕਰਵਾਏ ਹਨ। ਪਹਿਲੀ ਪਤਨੀ ਤੋਂ ਤਲਾਕ ਮਗਰੋਂ ਮਨੋਜ ਤਿਵਾੜੀ ਨੇ 2020 ਨੂੰ ਸੁਰਭੀ ਤਿਵਾੜੀ ਨਾਲ ਦੂਜਾ ਵਿਆਹ ਕਰਵਾਇਆ।