ਨਵੇਂ ਸਾਲ ਦੇ ਜਸ਼ਨ ਤੋਂ ਪਹਿਲਾਂ ਹੋਈ ਪੁਲਸ ਸਖ਼ਤ, ਲੱਗੀ ਧਾਰਾ-144
Sunday, Dec 31, 2017 - 12:41 PM (IST)
ਲਖਨਊ— ਯੂ. ਪੀ. 'ਚ ਨਵੇਂ ਸਾਲ ਦੇ ਜਸ਼ਨ ਦੇ ਮੌਕੇ 'ਤੇ ਮਾਹੌਲ ਨਾ ਖਰਾਬ ਹੋਵੇ, ਇਸ ਲਈ ਪੁਲਸ ਨੇ ਪੁਖਤਾ ਇੰਤਜ਼ਾਮ ਸ਼ੁਰੂ ਕਰ ਦਿੱਤੇ ਹਨ। ਸ਼ਰਾਰਤੀ ਤੱਤਾਂ 'ਤੇ ਨਕੇਲ ਕੱਸਣ ਲਈ ਰਾਜਧਾਨੀ 'ਚ ਧਾਰਾ-144 ਲਗਾ ਦਿੱਤੀ ਹੈ। ਇੰਨਾ ਹੀ ਨਹੀਂ ਬਲਕਿ ਖੁੱਲੇਆਮ ਸ਼ਰਾਬ ਪੀਣ ਅਤੇ ਡੀ. ਜੇ. 'ਤੇ ਵੀ ਪਾਬੰਦੀ ਲਗਾ ਦਿੱਤੀ ਗਈ ਹੈ।
ਪੁਲਸ ਨੇ ਬਿਨਾਂ ਆਗਿਆ ਪਾਰਟੀ ਕਰਨ ਵਾਲੇ ਆਯੋਜਕਾਂ ਖਿਲਾਫ ਕਾਨੂੰਨੀ ਕਾਰਵਾਈ ਕਰਨ ਦਾ ਫੈਸਲਾ ਲਿਆ ਹੈ। ਇਸ ਤੋਂ ਇਲਾਵਾ ਡੀ. ਐੈੱਮ. ਲਖਨਊ ਨੇ ਜਿਲੇ ਭਰ ਦੇ ਥਾਣੇਦਾਰ 'ਤੇ ਨਜ਼ਰ ਰੱਖੀ ਹੈ ਤਾਂ ਕਿ ਨਵੇਂ ਸਾਲ 'ਤੇ ਗੁੰਡੀਆਂ 'ਤੇ ਨਕੇਲ ਕੱਸੀ ਜਾ ਸਕੇ। ਸ਼ਹਿਰ 'ਚ ਮਹਿਲਾਵਾਂ ਦੀ ਸੁਰੱਖਿਆ ਦੇ ਖਾਸ ਇੰਤਜਾਮ ਕੀਤੇ ਗਏ ਹਨ।
ਯੂ. ਪੀ. ਪੁਲਸ ਨੇ ਨਵੇਂ ਸਾਲ ਦੇ ਜਸ਼ਨ 'ਚ ਖਰਾਬੀ ਅਤੇ ਸ਼ਰਾਬ ਪੀ ਕੇ ਡਰਾਈਵਿੰਗ ਕਰਨ ਵਾਲੇ ਸਲਾਖਾਂ ਦੇ ਪਿੱਛੇ ਭੇਜਣ ਦਾ ਹੁਕਮ ਜਾਰੀ ਕੀਤਾ ਹੈ। ਏਡੀਜੀ. ਲਾਅ ਐਂਡ ਆਰਡਰ ਆਨੰਦ ਕੁਮਾਰ ਨੇ ਅਫਸਰਾਂ ਨੂੰ ਨਵੇਂ ਸਾਲ ਦੇ ਮੌਕੇ 'ਤੇ ਸਾਵਧਾਨੀ ਵਰਤਨ ਦੇ ਹੁਕਮ ਦਿੱਤੇ ਹਨ।
