ਵਿਜੇ ਦੀ ‘CM 2026’ ਨੰਬਰ ਪਲੇਟ ਨੇ ਇੰਟਰਨੈੱਟ ''ਤੇ ਮਚਾਇਆ ਤਹਿਲਕਾ !

ਚੇਨਈ- ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਥਾਲਾਪਤੀ ਵਿਜੇ ਅੱਜਕੱਲ੍ਹ ਆਪਣੇ ਸਟਾਈਲ ਅਤੇ ਪ੍ਰਸ਼ਾਸਨਿਕ ਫੈਸਲਿਆਂ ਕਾਰਨ ਸੁਰਖੀਆਂ 'ਚ ਹਨ। ਉਨ੍ਹਾਂ ਦੇ ਮੁੱਖ ਮੰਤਰੀ ਬਣਨ ਤੋਂ ਪਹਿਲਾਂ ਹੀ ਸੋਸ਼ਲ ਮੀਡੀਆ 'ਤੇ ਇਕ ਖਾਸ ਕਾਰ ਨੰਬਰ ਪਲੇਟ ਦੀ ਚਰਚਾ ਹੋ ਰਹੀ ਸੀ, ਜੋ ਉਨ੍ਹਾਂ ਦੀ ਇਕ ਫਿਲਮ ਦੀ ਸ਼ੂਟਿੰਗ ਦੌਰਾਨ ਵਰਤੀ ਗਈ ਸੀ। ਉਨ੍ਹਾਂ ਦੀ ਫਿਲਮ 'ਗ੍ਰੇਟੇਸਟ ਆਫ ਆਲ ਟਾਈਮ' (GOAT) ਦੀ ਇਕ ਵਾਇਰਲ ਵੀਡੀਓ 'ਚ ਵਿਜੇ ਦੀ ਕਾਰ ਦਾ ਨੰਬਰ TN07 CM 2026 ਦਿਖਾਇਆ ਗਿਆ ਸੀ। ਹੁਣ ਜਦੋਂ ਵਿਜੇ ਦੀ ਪਾਰਟੀ ਸੱਤਾ 'ਚ ਆਈ ਹੈ, ਤਾਂ ਪ੍ਰਸ਼ੰਸਕਾਂ ਦਾ ਕਹਿਣਾ ਹੈ ਕਿ ਇਸ ਨੰਬਰ ਪਲੇਟ ਨੇ 2 ਸਾਲ ਪਹਿਲਾਂ ਹੀ ਉਨ੍ਹਾਂ ਦੇ ਮੁੱਖ ਮੰਤਰੀ ਬਣਨ ਦੀ ਭਵਿੱਖਬਾਣੀ ਕਰ ਦਿੱਤੀ ਸੀ।

ਤੋਹਫ਼ੇ 'ਚ ਮਿਲੀ ਲੱਕੀ ਨੰਬਰ ਪਲੇਟ 

ਸੀਐੱਮ ਵਿਜੇ ਨੇ 10 ਮਈ ਨੂੰ ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕੀ ਸੀ। ਸਹੁੰ ਚੁੱਕਣ ਦੇ 9ਵੇਂ ਦਿਨ, ਫਿਲਮ ਦੇ ਡਾਇਰੈਕਟਰ ਵੇਂਕਟ ਪ੍ਰਭੂ ਨੇ ਉਨ੍ਹਾਂ ਨੂੰ ਉਹੀ ਖਾਸ ਨੰਬਰ ਪਲੇਟ ਇਕ ਪੇਂਟਿੰਗ ਦੇ ਰੂਪ 'ਚ ਤੋਹਫ਼ੇ ਵਜੋਂ ਭੇਂਟ ਕੀਤੀ। ਇਸ ਖਾਸ ਤੋਹਫ਼ੇ ਨੂੰ ਸਵੀਕਾਰ ਕਰਦੇ ਸਮੇਂ ਸੀ.ਐੱਮ. ਵਿਜੇ ਕਾਫੀ ਖੁਸ਼ ਨਜ਼ਰ ਆਏ ਅਤੇ ਉਹ ਪੁਰਾਣੀਆਂ ਯਾਦਾਂ 'ਚ ਗੁਆਚੇ ਹੋਏ ਦਿਖਾਈ ਦਿੱਤੇ।

ਪਹਿਰਾਵੇ ਅਤੇ ਲੋਕ-ਪੱਖੀ ਫੈਸਲਿਆਂ ਦੀ ਚਰਚਾ 

ਮੁੱਖ ਮੰਤਰੀ ਬਣਨ ਤੋਂ ਬਾਅਦ ਵਿਜੇ ਆਪਣੇ ਸਾਦੇ ਪਹਿਰਾਵੇ ਕਾਰਨ ਵੀ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਉਹ ਅਕਸਰ ਸਫੈਦ ਸ਼ਰਟ ਅਤੇ ਕਾਲੇ ਕੋਟ 'ਚ ਨਜ਼ਰ ਆਉਂਦੇ ਹਨ। ਉਹ ਮੰਤਰਾਲੇ 'ਚ ਲਗਾਤਾਰ ਆਪਣੇ ਪ੍ਰਸ਼ੰਸਕਾਂ ਅਤੇ ਆਮ ਜਨਤਾ ਨਾਲ ਮੁਲਾਕਾਤ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਵੱਲੋਂ ਜਨਹਿਤ 'ਚ ਲਏ ਜਾ ਰਹੇ ਵੱਡੇ ਫੈਸਲਿਆਂ ਦੀ ਲੋਕਾਂ ਵੱਲੋਂ ਕਾਫੀ ਸ਼ਲਾਘਾ ਕੀਤੀ ਜਾ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e