ਵੱਡਾ ਖ਼ੁਲਾਸਾ: 70 ਪੰਨਿਆਂ ਦੀ ਕਿਤਾਬ ਪੜ੍ਹ ਕੇ ਆਤਮਘਾਤੀ ਬੰਬ ਬਣਾ ਰਿਹਾ ਸੀ ਅੱਤਵਾਦੀ ਨਦੀਮ
08/14/2022 10:18:46 AM
ਲਖਨਊ- ਉੱਤਰ ਪ੍ਰਦੇਸ਼ ਦੇ ਸਹਾਰਨਪੁਰ ਤੋਂ ਗ੍ਰਿਫਤਾਰ ਜੈਸ਼-ਏ-ਮੁਹੰਮਦ ਦੇ ਅੱਤਵਾਦੀ ਨਦੀਮ ਨੂੰ ਲੈ ਕੇ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅੱਤਵਾਦੀ ਯੂ. ਪੀ. ’ਚ ਵੱਡੇ ਧਮਾਕੇ ਕਰਨ ਲਈ ਬੰਬ ਬਣਾਉਣ ਲਈ 70 ਪੰਨਿਆਂ ਦੀ ਕਿਤਾਬ ਪੜ੍ਹ ਰਿਹਾ ਸੀ।
ਇਹ ਵੀ ਪੜ੍ਹੋ- ATS ਨੇ ਜੈਸ਼-ਏ-ਮੁਹੰਮਦ ਨਾਲ ਜੁੜਿਆ ਅੱਤਵਾਦੀ ਸਹਾਰਨਪੁਰ ਤੋਂ ਗ੍ਰਿਫ਼ਤਾਰ
ਇਹ ਕਿਤਾਬ ਜੈਸ਼-ਏ-ਮੁਹੰਮਦ ਨੇ ਨਦੀਮ ਨੂੰ ਆਨਲਾਈਨ ਭੇਜੀ ਸੀ। ‘ਐਕਸਪਲੋਸਿਵ ਕੋਰਸ ਫਿਦਾਈਨ ਫੋਰਸ’ ਨਾਂ ਵਾਲੀ ਕਿਤਾਬ ’ਚ ਬੰਬ ਬਣਾਉਣ ਦੇ ਸਾਰੇ ਤਰੀਕਿਆਂ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ। ਨਦੀਮ ਇਸ ਕਿਤਾਬ ਨੂੰ ਹੀ ਪੜ੍ਹ ਰਿਹਾ ਸੀ।
ਇਹ ਵੀ ਪੜ੍ਹੋ- ਖਰਾਬ ਖਾਣੇ ਦੀ ਸ਼ਿਕਾਇਤ ਕਰਨ ਵਾਲੇ ਸਿਪਾਹੀ ਨੂੰ ਭੇਜਿਆ 7 ਦਿਨਾਂ ਦੀ ਛੁੱਟੀ ’ਤੇ, ਮਿਲ ਰਹੀਆਂ ਹਨ ਧਮਕੀਆਂ
ਜੈਸ਼ ਦੇ ਆਕਾਵਾਂ ਨੇ ਨਦੀਮ ਨੂੰ ‘ਐਕਸਪਲੋਸਿਵ ਕੋਰਸ ਫਿਦਾਈਨ ਫੋਰਸ’ ਕਿਤਾਬ ਪੜ੍ਹ ਕੇ ਹੀ ਬੰਬ ਬਣਾਉਣ ਦਾ ਹੁਕਮ ਦਿੱਤਾ ਸੀ, ਕਿਉਂਕਿ ਕਿਹੜੀ ਸਮੱਗਰੀ ਅਤੇ ਕਿੰਨੇ ਕੈਮੀਕਲ ਦੀ ਵਰਤੋਂ ਕਰਨੀ ਹੈ, ਇਸ ਕਿਤਾਬ ’ਚ ਲਿਖਿਆ ਹੋਇਆ ਹੈ। ਇੰਨਾ ਹੀ ਨਹੀਂ ਇੰਨੀ ਸੌਖੀ ਭਾਸ਼ਾ ’ਚ ਬੰਬ ਬਣਾਉਣ ਦਾ ਤਰੀਕਾ ਲਿਖਿਆ ਗਿਆ ਹੈ ਕਿ ਕੋਈ ਵੀ ਇਸ ਨੂੰ ਪੜ੍ਹ ਕੇ ਖਤਰਨਾਕ ਬੰਬ ਬਣਾ ਸਕਦਾ ਹੈ।