ਦੂਰਸੰਚਾਰ ਵਿਭਾਗ ਨੇ ਚੱਕਰਵਾਤ ''ਦਿਤਵਾ'' ਦੇ ਮੱਦੇਨਜ਼ਰ ਕੰਟਰੋਲ ਰੂਮ ਕੀਤਾ ਸਥਾਪਤ

ਨਵੀਂ ਦਿੱਲੀ- ਦੂਰਸੰਚਾਰ ਵਿਭਾਗ ਨੇ ਚੱਕਰਵਾਤ 'ਦਿਤਵਾ' ਦੇ ਮੱਦੇਨਜ਼ਰ ਸੰਚਾਰ ਨੈੱਟਵਰਕ ਦੀ ਸੁਰੱਖਿਆ ਯਕੀਨੀ ਕਰਨ ਲਈ 24 ਘੰਟੇ ਚਾਲੂ ਰਹਿਣ ਵਾਲਾ ਕੰਟਰੋਲ ਰੂਮ ਸਥਾਪਤ ਕੀਤਾ ਹੈ ਅਤੇ ਹੋਰ ਵਿਆਪਕ ਉਪਾਅ ਕੀਤੇ ਹਨ। ਵਿਭਾਗ ਨੇ ਐਤਵਾਰ ਨੂੰ ਜਾਰੀ ਇਕ ਅਧਿਕਾਰਤ ਬਿਆਨ 'ਚ ਇਹ ਜਾਣਕਾਰੀ ਦਿੱਤੀ। ਚੱਕਰਵਾਤ ਦਿਤਵਾ ਕਾਰਨ ਤਾਮਿਲਨਾਡੂ ਦੇ ਕਈ ਹਿੱਸਿਆਂ 'ਚ ਮੀਂਹ ਪਿਆ ਅਤੇ ਅਗਲੇ 24 ਘੰਟਿਆਂ 'ਚ ਇਹ ਸੂਬੇ ਦੇ ਉੱਤਰੀ ਹਿੱਸਿਆਂ ਅਤੇ ਗੁਆਂਢੀ ਪੁਡੂਚੇਰੀ ਵੱਲ ਵੱਧ ਸਕਦਾ ਹੈ। ਬਿਆਨ 'ਚ ਕਿਹਾ ਗਿਆ,''ਦੂਰਸੰਚਾਰ ਵਿਭਾਗ (ਡੀਓਟੀ) ਨੇ ਬੰਗਾਲ ਦੀ ਖਾੜੀ ਦੇ ਉੱਪਰ ਚੱਕਰਵਾਤ ਦਿਤਵਾ ਦੇ ਮੱਦੇਨਜ਼ਰ ਦੂਰਸੰਚਾਰ ਨੈੱਟਵਰਕ ਦੀ ਸੁਰੱਖਿਆ ਯਕੀਨੀ ਕਰਨ ਲਈ ਵਿਆਪਕ ਉਪਾਅ ਕੀਤੇ ਹਨ। ਚੱਕਰਵਾਤ ਤੱਟਵਰਤੀ ਆਂਧਰਾ ਪ੍ਰਦੇਸ਼ ਅਤੇ ਤਾਮਿਲਨਾਡੂ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ।''

ਡੀਓਟੀ ਨੇ ਕਿਹਾ ਕਿ ਮਿਆਰੀ ਸੰਚਾਲਨ ਪ੍ਰਕਿਰਿਆ ਅਨੁਸਾਰ ਉਸ ਨੇ ਸਾਰੇ ਨੈੱਟਵਰਕ 'ਚ ਇੰਟਰਾ ਸਰਕਿਲ ਰੋਮਿੰਗ (ਆਈਸੀਆਰ) ਅਤੇ ਸੈੱਲ ਬ੍ਰਾਡਕਾਸਟ (ਸੀਬੀ) ਪ੍ਰੀਖਣ ਪੂਰਾ ਕਰ ਲਿਆ ਹੈ ਤਾਂ ਕਿ ਐਮਰਜੈਂਸੀ ਸਥਿਤੀਆਂ 'ਚ ਸੰਚਾਰ ਲਗਾਤਾਰ ਬਣਿਆ ਰਿਹਾ। ਬਿਆਨ 'ਚ ਕਿਹਾ ਗਿਆ,''ਡੀਓਟੀ ਨੇ ਚੱਕਰਵਾਤ ਦਿਤਵਾ ਖਤਰੇ ਦਰਮਿਆਨ ਦੂਰਸੰਚਾਰ ਸੰਪਰਕ ਦੀ ਸੁਰੱਖਿਆ ਲਈ 24 ਘੰਟੇ ਚੱਲਣ ਵਾਲਾ ਕੰਟਰੋਲ ਰੂਮ ਸਥਾਪਤ ਕੀਤਾ ਹੈ। ਇਹ ਸੇਵਾ ਪ੍ਰਦਾਤਾਵਾਂ ਨਾਲ ਤਾਲਮੇਲ ਬਣਾਉਣ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਰਾਜ ਆਫ਼ਤ ਪ੍ਰਬੰਧਨ ਅਥਾਰਟੀ ਰਾਹੀਂ ਤੁਰੰਤ ਜਵਾਬ ਦੇਣ 'ਚ ਮਦਦ ਕਰੇਗਾ।''