ਇਸ ਦਿਨ ਛਾ ਜਾਵੇਗਾ ਘੁੱਪ ਹਨੇਰਾ ! ਇਨ੍ਹਾਂ ਗੱਲਾਂ ਦਾ ਰੱਖੋ ਖਾਸ ਧਿਆਨ

ਵੈੱਬ ਡੈਸਕ- ਇਸ ਸਾਲ 21 ਸਤੰਬਰ ਨੂੰ ਸਰਵ ਪਿੱਤਰ ਮੱਸਿਆ ਵਾਲੇ ਦਿਨ ਸੂਰਜ ਗ੍ਰਹਿਣ ਲੱਗ ਰਿਹਾ ਹੈ। ਗ੍ਰਹਿਣ ਦਾ ਜ਼ਿਕਰ ਹੀ ਨਕਾਰਾਤਮਕਤਾ ਦੀ ਭਾਵਨਾ ਪੈਦਾ ਕਰਦਾ ਹੈ। ਹਿੰਦੂ ਧਰਮ ਅਤੇ ਜੋਤਿਸ਼ ਵਿੱਚ ਇਸਨੂੰ ਅਸ਼ੁਭ ਮੰਨਿਆ ਜਾਂਦਾ ਹੈ, ਪਰ ਵਿਗਿਆਨ ਵਿੱਚ ਇਹ ਸਿਰਫ਼ ਇੱਕ ਖਗੋਲੀ ਘਟਨਾ ਹੈ।
ਸੂਰਜ ਗ੍ਰਹਿਣ ਉਦੋਂ ਹੁੰਦਾ ਹੈ ਜਦੋਂ ਚੰਦਰਮਾ, ਧਰਤੀ ਦੀ ਪਰਿਕਰਮਾ ਕਰਦੇ ਸਮੇਂ, ਸੂਰਜ ਅਤੇ ਧਰਤੀ ਦੇ ਵਿਚਕਾਰ ਆ ਜਾਂਦਾ ਹੈ। ਸਤੰਬਰ ਵਿੱਚ ਲੱਗ ਰਹੇ ਸੂਰਜ ਗ੍ਰਹਿਣ 'ਤੇ ਦਿਨ ਵਿੱਚ ਹਨੇਰਾ ਛਾ ਜਾਵੇਗਾ। ਆਖਿਰ ਕਿੱਥੇ-ਕਿੱਥੇ ਦਿਖੇਗਾ ਇਹ ਗ੍ਰਹਿਣ ਆਓ ਜਾਣਦੇ ਹਾਂ।
ਸੂਰਜ ਗ੍ਰਹਿਣ ਦਾ ਸਮਾਂ
21 ਸਤੰਬਰ 2025 ਨੂੰ ਅੰਸ਼ਕ ਸੂਰਜ ਗ੍ਰਹਿਣ 4 ਘੰਟੇ ਅਤੇ 24 ਮਿੰਟ ਚੱਲੇਗਾ। ਇਹ ਭਾਰਤੀ ਮਿਆਰੀ ਸਮੇਂ ਅਨੁਸਾਰ ਰਾਤ 10:59 ਵਜੇ ਸ਼ੁਰੂ ਹੋਵੇਗਾ 22 ਸਤੰਬਰ ਨੂੰ ਸਵੇਰੇ 1:11 ਵਜੇ ਸਿਖਰ 'ਤੇ ਹੋਵੇਗਾ ਅਤੇ ਸਵੇਰੇ 3:23 ਵਜੇ ਖਤਮ ਹੋਵੇਗਾ।
ਸੂਰਜ ਗ੍ਰਹਿਣ ਇਹਨਾਂ ਥਾਵਾਂ 'ਤੇ ਦਿਖਾਈ ਦੇਵੇਗਾ
ਗ੍ਰਹਿਣ ਨਿਊਜ਼ੀਲੈਂਡ, ਪੂਰਬੀ ਆਸਟ੍ਰੇਲੀਆ ਅਤੇ ਦੱਖਣੀ ਪ੍ਰਸ਼ਾਂਤ ਦੇ ਕੁਝ ਹਿੱਸਿਆਂ ਵਿੱਚ ਸੂਰਜ ਚੜ੍ਹਨ ਵੇਲੇ ਦਿਖਾਈ ਦੇਵੇਗਾ। ਡੁਨੇਡਿਨ ਵਰਗੀਆਂ ਥਾਵਾਂ 'ਤੇ ਸੂਰਜ ਦਾ ਲਗਭਗ 72 ਪ੍ਰਤੀਸ਼ਤ ਹਿੱਸਾ ਢੱਕਿਆ ਹੋਇਆ ਨਜ਼ਰ ਆਵੇਗਾ।
ਹਾਲਾਂਕਿ ਭਾਰਤ ਅਤੇ ਉੱਤਰੀ ਗੋਲਾਰਧ ਦੇ ਜ਼ਿਆਦਾਤਰ ਹਿੱਸਿਆਂ ਲਈ ਇਹ ਅੰਸ਼ਿਕ ਸੂਰਜ ਗ੍ਰਹਿਣ ਪੂਰੀ ਤਰ੍ਹਾਂ ਨਾਲ ਅਦਿੱਖ ਰਹੇਗਾ। ਉਨ੍ਹਾਂ ਖੇਤਰਾਂ ਵਿੱਚ ਰਹਿਣ ਵਾਲੇ ਭਾਰਤੀਆਂ ਨੂੰ ਕੁਝ ਗੱਲਾਂ ਨੂੰ ਧਿਆਨ ਵਿੱਚ ਰੱਖਣਾ ਚਾਹੀਦਾ ਹੈ ਅਤੇ ਸਿੱਖਣਾ ਚਾਹੀਦਾ ਹੈ ਕਿ ਇਸਦੇ ਪ੍ਰਭਾਵਾਂ ਨੂੰ ਕਿਵੇਂ ਘੱਟ ਕਰਨਾ ਹੈ।
ਸੂਰਜ ਗ੍ਰਹਿਣ ਦਾ ਅਧਿਆਤਮਿਕ ਮਹੱਤਵ
ਸੂਰਜ ਗ੍ਰਹਿਣ ਦੌਰਾਨ ਸੂਰਜ, ਚੰਦਰਮਾ ਅਤੇ ਧਰਤੀ ਇਕਸਾਰ ਹੁੰਦੇ ਹਨ ਅਤੇ ਇਸ ਤਰ੍ਹਾਂ ਮਨ ਅਤੇ ਸਰੀਰ ਇਕੱਠੇ, ਇਕ ਇਕਸਾਰ ਹੁੰਦੇ ਹਨ ਅਤੇ ਧਿਆਨ ਕਰਨ ਲਈ ਦੋਵਾਂ ਦਾ ਸੰਤੁਲਨ ਬਿਲਕੁੱਲ ਸਹੀ ਰੂਪ 'ਚ ਰਹਿੰਦਾ ਹੈ। ਇਸ ਸਮੇਂ ਦੌਰਾਨ ਧਿਆਨ, ਯੋਗਾ ਅਤੇ ਪ੍ਰਾਰਥਨਾ ਨਾਲ ਮਨ ਦੀ ਸ਼ਾਂਤੀ ਮਿਲਦੀ ਹੈ। ਇਸ ਤੋਂ ਇਲਾਵਾ ਸੂਰਜੀ ਊਰਜਾ ਨਹੀਂ ਮਿਲਣ ਕਾਰਨ ਤੁਹਾਡੇ ਸਰੀਰ ਦੀ ਊਰਜਾ ਵੀ ਘੱਟ ਹੁੰਦੀ ਹੈ ਜਿਸਨੂੰ ਤੁਸੀਂ ਧਿਆਨ ਦੁਆਰਾ ਵਧਾ ਸਕਦੇ ਹੋ।
ਸੂਰਜ ਗ੍ਰਹਿਣ ਕੀ ਸਿਖਾਉਂਦਾ ਹੈ
ਇਹ ਉਨ੍ਹਾਂ ਚੀਜ਼ਾਂ ਨੂੰ ਤਿਆਗਨ ਦਾ ਸਮਾਂ ਹੈ ਜੋ ਸਾਡੇ ਜੀਵਨ ਨੂੰ ਨਕਾਰਾਤਮਕ ਤੌਰ 'ਤੇ ਪ੍ਰਭਾਵਿਤ ਕਰ ਰਹੀਆਂ ਹਨ। ਸਾਨੂੰ ਇਸ ਸਮੇਂ ਬੁਰੀਆਂ ਆਦਤਾਂ ਅਤੇ ਨਕਾਰਾਤਮਕ ਸੋਚ ਨੂੰ ਛੱਡਣ ਦਾ ਸੰਕਲਪ ਲੈਣਾ ਚਾਹੀਦਾ ਹੈ।