ਇਸ ਦਿਨ ਲੱਗੇਗਾ ਸਾਲ ਦਾ ਦੂਜਾ ਸੂਰਜ ਗ੍ਰਹਿਣ! ਜਾਣੋ ਕਿੱਥੇ-ਕਿੱਥੇ ਛਾਏਗਾ ਹਨ੍ਹੇਰਾ

ਵੈੱਬ ਡੈਸਕ- ਖਗੋਲੀ ਘਟਨਾਵਾਂ ਵਿੱਚ ਦਿਲਚਸਪੀ ਰੱਖਣ ਵਾਲੇ ਲੋਕਾਂ ਲਈ ਸਾਲ 2026 ਬਹੁਤ ਖਾਸ ਰਹਿਣ ਵਾਲਾ ਹੈ। 17 ਫਰਵਰੀ ਨੂੰ ਲੱਗੇ ਸਾਲ ਦੇ ਪਹਿਲੇ ਸੂਰਜ ਗ੍ਰਹਿਣ ਤੋਂ ਬਾਅਦ ਹੁਣ ਸਭ ਦੀਆਂ ਨਜ਼ਰਾਂ 12 ਅਗਸਤ 2026 ਨੂੰ ਲੱਗਣ ਵਾਲੇ ਸਾਲ ਦੇ ਦੂਜੇ ਅਤੇ ਆਖਰੀ ਸੂਰਜ ਗ੍ਰਹਿਣ 'ਤੇ ਟਿਕੀਆਂ ਹੋਈਆਂ ਹਨ। ਇਹ ਇੱਕ ਬਹੁਤ ਹੀ ਦੁਰਲੱਭ 'ਖਗਰਾਸ' ਯਾਨੀ ਪੂਰਨ ਸੂਰਜ ਗ੍ਰਹਿਣ ਹੋਵੇਗਾ।

ਭਾਰਤ ਵਿੱਚ ਗ੍ਰਹਿਣ ਦਾ ਸਮਾਂ 

ਗ੍ਰਹਿਣ ਦਾ ਆਰੰਭ: ਰਾਤ 9:04 ਵਜੇ
ਗ੍ਰਹਿਣ ਦਾ ਮੱਧ (ਪਰਮ ਗ੍ਰਾਸ): ਰਾਤ 11:14 ਵਜੇ
ਗ੍ਰਹਿਣ ਦੀ ਸਮਾਪਤੀ: ਅੱਧੀ ਰਾਤ 1:27 ਵਜੇ (13 ਅਗਸਤ ਦੀ ਸਵੇਰ)

ਕੀ ਭਾਰਤ ਵਿੱਚ ਦਿਖਾਈ ਦੇਵੇਗਾ ਇਹ ਨਜ਼ਾਰਾ? 

ਭਾਰਤੀਆਂ ਲਈ ਇਹ ਜਾਣਨਾ ਬੇਹੱਦ ਜ਼ਰੂਰੀ ਹੈ ਕਿ 12 ਅਗਸਤ ਨੂੰ ਲੱਗਣ ਵਾਲਾ ਇਹ ਸੂਰਜ ਗ੍ਰਹਿਣ ਭਾਰਤ ਵਿੱਚ ਅਦ੍ਰਿਸ਼ ਰਹੇਗਾ। ਕਿਉਂਕਿ ਉਸ ਸਮੇਂ ਭਾਰਤ ਵਿੱਚ ਰਾਤ ਹੋਵੇਗੀ, ਇਸ ਲਈ ਇੱਥੋਂ ਦੇ ਲੋਕ ਇਸ ਨਜ਼ਾਰੇ ਨੂੰ ਨਹੀਂ ਦੇਖ ਸਕਣਗੇ।

ਇਹ ਵੀ ਪੜ੍ਹੋ- ਕਦੇ ਚਲਾਉਂਦਾ ਸੀ ਸਕੂਲ ਬੱਸ, ਹੁਣ ਬਣਿਆ ਭਾਰਤ ਨੂੰ 2 ਵਾਰ ਵਿਸ਼ਵ ਜੇਤੂ ਬਣਾਉਣ ਵਾਲਾ 'ਸੁਪਰਹੀਰੋ'

ਇਨ੍ਹਾਂ ਦੇਸ਼ਾਂ ਵਿੱਚ ਛਾ ਜਾਵੇਗਾ ਹਨ੍ਹੇਰਾ 

ਇਹ ਪੂਰਨ ਸੂਰਜ ਗ੍ਰਹਿਣ ਮੁੱਖ ਤੌਰ 'ਤੇ ਉੱਤਰੀ ਗੋਲਾਰਧ ਦੇ ਦੇਸ਼ਾਂ ਵਿੱਚ ਦਿਖਾਈ ਦੇਵੇਗਾ। ਇਸ ਦਾ ਪ੍ਰਭਾਵ ਆਰਕਟਿਕ ਖੇਤਰ, ਗ੍ਰੀਨਲੈਂਡ ਅਤੇ ਆਈਸਲੈਂਡ ਵਿੱਚ ਸਭ ਤੋਂ ਸਪੱਸ਼ਟ ਹੋਵੇਗਾ। ਇਸ ਤੋਂ ਇਲਾਵਾ ਉੱਤਰੀ ਸਪੇਨ, ਪੁਰਤਗਾਲ ਦੇ ਕੁਝ ਹਿੱਸੇ, ਯੂਰਪ ਦੇ ਜ਼ਿਆਦਾਤਰ ਦੇਸ਼, ਕੈਨੇਡਾ, ਉੱਤਰ-ਪੱਛਮੀ ਅਫਰੀਕਾ ਅਤੇ ਰੂਸ ਦੇ ਉੱਤਰ-ਪੂਰਬੀ ਖੇਤਰਾਂ ਵਿੱਚ ਵੀ ਗ੍ਰਹਿਣ ਦਾ ਨਜ਼ਾਰਾ ਦੇਖਣ ਨੂੰ ਮਿਲੇਗਾ।

ਜੋਤਿਸ਼ ਗਣਨਾ ਅਨੁਸਾਰ, ਗ੍ਰਹਿਣ ਵਾਲੇ ਦਿਨ ਕੁੰਭ ਰਾਸ਼ੀ ਵਿੱਚ ਪੰਜ ਗ੍ਰਹਿ ਇੱਕਠੇ ਮੌਜੂਦ ਰਹਿਣਗੇ। ਹਿੰਦੂ ਧਰਮ ਗ੍ਰੰਥਾਂ ਵਿੱਚ ਸੂਰਜ ਗ੍ਰਹਿਣ ਪਿੱਛੇ ਇੱਕ ਰੋਚਕ ਪੌਰਾਣਿਕ ਕਥਾ ਵੀ ਜੁੜੀ ਹੋਈ ਹੈ। ਮੰਨਿਆ ਜਾਂਦਾ ਹੈ ਕਿ ਸਮੁੰਦਰ ਮੰਥਨ ਦੌਰਾਨ ਜਦੋਂ 'ਸਵਰਭਾਨੂ' ਨਾਮ ਦੇ ਰਾਖਸ਼ ਨੇ ਧੋਖੇ ਨਾਲ ਅੰਮ੍ਰਿਤ ਦੀਆਂ ਕੁਝ ਬੂੰਦਾਂ ਪੀ ਲਈਆਂ ਸਨ, ਤਾਂ ਉਸ ਵੇਲੇ ਤੋਂ ਹੀ ਰਾਹੂ ਅਤੇ ਕੇਤੂ ਸੂਰਜ ਤੇ ਚੰਦਰਮਾ ਨੂੰ ਨਿਸ਼ਾਨਾ ਬਣਾਉਂਦੇ ਹਨ।

ਇਹ ਵੀ ਪੜ੍ਹੋ- IPL ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ 3 ਵਾਰ ਦੀ ਚੈਂਪੀਅਨ ਟੀਮ ਨੂੰ ਵੱਡਾ ਝਟਕਾ!