ਵਿਦਿਆਰਥਣ ਨਾਲ 4 ਨਾਬਾਲਗਾਂ ਵੱਲੋਂ ਜਬਰ ਜ਼ਨਾਹ, ਇਕੱਲੀ ਦੇਖ ਘਰ ''ਚ ਹੋਏ ਦਾਖਲ ਤੇ ਫਿਰ...

ਗਾਜ਼ੀਆਬਾਦ (ਯੂ. ਪੀ.) (ਭਾਸ਼ਾ)- ਗਾਜ਼ੀਆਬਾਦ ਵਿਚ 9ਵੀਂ ਜਮਾਤ ਦੀ ਇਕ ਵਿਦਿਆਰਥਣ ਨਾਲ ਉਸਦੇ ਘਰ ਵਿਚ 4 ਨਾਬਾਲਗ ਮੁੰਡਿਆਂ ਨੇ ਕਥਿਤ ਤੌਰ ’ਤੇ ਜਬਰ-ਜ਼ਨਾਹ ਕੀਤਾ। ਮੁਲਜ਼ਮ ਮੁੰਡਿਆਂ ਵਿਚੋਂ ਤਿੰਨ ਪੀੜਤਾ ਦੇ ਨਾਲ ਹੀ ਸਕੂਲ ਵਿਚ ਪੜ੍ਹਦੇ ਹਨ। ਪੁਲਸ ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਘਟਨਾ ਦੀ ਪੁਸ਼ਟੀ ਕੀਤੀ ਅਤੇ ਕਿਹਾ ਕਿ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।

ਪੁਲਸ ਨੇ ਦੱਸਿਆ ਕਿ ਸ਼ਹਿਰ ਦੇ ਕਵੀ ਨਗਰ ਇਲਾਕੇ ਵਿਚ ਇਕ ਹਾਊਸਿੰਗ ਬੋਰਡ ਸੋਸਾਇਟੀ ਵਿਚ ਐਤਵਾਰ ਸਵੇਰੇ ਜਦੋਂ ਇਹ ਘਟਨਾ ਵਾਪਰੀ, ਉਸ ਸਮੇਂ ਵਿਦਿਆਰਥਣ ਘਰ ਵਿਚ ਇਕੱਲੀ ਸੀ ਅਤੇ ਉਸਦੀ ਮਾਂ ਬਾਜ਼ਾਰ ਗਈ ਹੋਈ ਸੀ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਨਾਬਾਲਗ ਕੁੜੀ ਇਕ ਮੁੰਡੇ ਨਾਲ ‘ਇੰਸਟਾਗ੍ਰਾਮ’ ’ਤੇ ਸੰਪਰਕ ਵਿਚ ਸੀ ਜੋ ਕੁੜੀ ਨਾਲ ਮਿਲਣ ਲਈ ਉਸਨੂੰ ਮੈਸੇਜ ਭੇਜ ਰਿਹਾ ਸੀ। ਐਤਵਾਰ ਨੂੰ ਉਹ ਲੱਗਭਗ 11:30 ਵਜੇ ਕੁੜੀ ਦੇ ਘਰ ਪਹੁੰਚਿਆ ਅਤੇ ਦਰਵਾਜ਼ਾ ਖੜਕਾਇਆ। ਜਿਵੇਂ ਹੀ ਕੁੜੀ ਨੇ ਦਰਵਾਜ਼ਾ ਖੋਲ੍ਹਿਆ, ਮੁੰਡਾ ਆਪਣੇ 3 ਦੋਸਤਾਂ ਨਾਲ ਜ਼ਬਰਦਸਤੀ ਘਰ ਵਿਚ ਦਾਖਲ ਹੋ ਗਿਆ ਅਤੇ ਚਾਰਾਂ ਨੇ ਕਥਿਤ ਤੌਰ ’ਤੇ ਉਸ ਨਾਲ ਜਬਰ-ਜ਼ਨਾਹ ਕੀਤਾ।

ਉਨ੍ਹਾਂ ਦੱਸਿਆ ਕਿ ਇਸੇ ਦੌਰਾਨ ਕੁੜੀ ਦੀ ਮਾਂ ਬਾਜ਼ਾਰ ਤੋਂ ਵਾਪਸ ਆ ਗਈ ਅਤੇ ਘਰ ਦਾ ਦਰਵਾਜ਼ਾ ਖੁੱਲ੍ਹਾ ਦੇਖਿਆ। ਉਸਨੇ ਅੰਦਰ ਜਾ ਕੇ ਆਪਣੀ ਧੀ ਨਾਲ 4 ਮੁੰਡਿਆਂ ਨੂੰ ਦੇਖਿਆ। ਉਸਨੇ ਧੀ ਨੂੰ ਕਮਰੇ ਵਿਚੋਂ ਬਾਹਰ ਕੱਢਿਆ ਅਤੇ ਪੁਲਸ ਨੂੰ ਬੁਲਾਉਣ ਤੋਂ ਪਹਿਲਾਂ ਇਨ੍ਹਾਂ ਮੁੰਡਿਆਂ ਨੂੰ ਕਮਰੇ ਵਿਚ ਬੰਦ ਕਰ ਦਿੱਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e