ਆਕਸੀਜਨ ਸਪੋਰਟ ਵਾਲੇ ਮਰੀਜ਼ਾਂ ਦੀ ਸਹੂਲਤ ਲਈ ਵਿਦਿਆਰਥਣ ਨੇ ਬਣਾਇਆ ਮੂਵੇਬਲ ਟਾਇਲਟ

ਭੋਪਾਲ - ਮੱਧ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਵਿੱਚ ਇੱਕ ਵਿਦਿਆਰਥਣ ਨੇ ਆਕਸੀਜਨ ਸਪੋਰਟ ਵਾਲੇ ਮਰੀਜ਼ਾਂ ਦੀ ਸਮੱਸਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇੱਕ ਮੂਵੇਬਲ ਟਾਇਲਟ ਬਣਾਇਆ ਹੈ। ਇਹ ਉਨ੍ਹਾਂ ਮਰੀਜ਼ਾਂ ਲਈ ਕੰਮ ਵਿੱਚ ਲਿਆਇਆ ਜਾ ਸਕਦਾ ਹੈ ਜਿਨ੍ਹਾਂ ਨੂੰ ਆਕਸੀਜਨ ਸਪੋਰਟ 'ਤੇ ਰੱਖਿਆ ਗਿਆ ਹੈ ਅਤੇ ਆਮ ਟਾਇਲਟ ਵਿੱਚ ਜਾਣਾ ਜਿਨ੍ਹਾਂ ਲਈ ਮੁਸ਼ਕਲ ਹੁੰਦਾ ਹੈ।

ਭੋਪਾਲ ਦੀ ਵਿਦਿਆਰਥਣ ਪ੍ਰਤਿਅਕਸ਼ਾ ਮਾਝੇ ਨੂੰ ਇਸਦਾ ਆਈਡੀਆ ਉਸ ਸਮੇਂ ਮਿਲਿਆ ਜਦੋਂ ਉਨ੍ਹਾਂ ਦੇ ਘਰ ਵਿੱਚ ਸਾਰਿਆਂ ਨੂੰ ਕੋਰੋਨਾ ਹੋ ਗਿਆ ਸੀ ਅਤੇ ਤਾਊਜੀ ਨੂੰ ਹਸਪਤਾਲ ਵਿੱਚ ਦਾਖਲ ਕਰਾਉਣਾ ਪਿਆ। ਹਸਪਤਾਲ ਵਿੱਚ ਪ੍ਰਤਿਅਕਸ਼ਾ ਦੇ ਤਾਊਜੀ ਕਰੀਬ ਹਫਤੇ ਭਰ ਤੱਕ ਆਕਸੀਜਨ ਸਪੋਰਟ 'ਤੇ ਰਹੇ। ਇਸ ਦੌਰਾਨ ਉਨ੍ਹਾਂ ਨੂੰ ਟਾਇਲਟ ਜਾਣ ਦੀ ਵੱਡੀ ਸਮੱਸਿਆ ਸੀ ਕਿਉਂਕਿ ਬਿਨਾਂ ਆਕਸਿਜਨ ਉਹ ਬੈੱਡ ਨਹੀਂ ਛੱਡ ਸਕਦੇ ਸਨ। ਅਤੇ ਵਾਰਡ ਵਿੱਚ ਜੋ ਟਾਇਲਟ ਸੀ ਉਹ ਦੂਰ ਸੀ ਅਤੇ ਉਹ ਵੀ ਠੀਕ ਤਰੀਕੇ ਨਾਲ ਸਾਫ਼ ਨਹੀਂ ਸੀ।

ਇਸ 'ਤੇ ਪ੍ਰਤਿਅਕਸ਼ਾ ਨੂੰ ਮੂਵੇਬਲ ਟਾਇਲਟ ਬਣਾਉਣ ਦਾ ਆਈਡੀਆ ਆਇਆ ਅਤੇ ਉਨ੍ਹਾਂ ਨੇ ਆਪਣੇ ਪਿਤਾ ਬ੍ਰਜੇਸ਼ ਮਾਝੇ ਦੇ ਨਾਲ ਮਿਲ ਕੇ ਅਜਿਹਾ ਹੀ ਇੱਕ ਟਾਇਲਟ ਬਣਾਇਆ। ਪ੍ਰਤਿਅਕਸ਼ਾ ਦਾ ਬਣਾਇਆ ਮੂਵੇਬਲ ਟਾਇਲਟ ਇੱਕ ਵਹੀਲ ਚੇਅਰ ਦੇ ਬਰਾਬਰ ਜਗ੍ਹਾ ਲੈਂਦਾ ਹੈ। ਇਸ ਵਿੱਚ ਵੈਸਟਰਨ ਸੀਟ ਹੈ, ਕਰੀਬ 80 ਲਿਟਰ ਦਾ ਓਵਰਹੈੱਡ ਟੈਂਕ ਅਤੇ 100 ਲਿਟਰ ਦਾ ਬਾਟਮ ਟੈਂਕ ਹੈ। ਇਹ ਫਾਈਬਰ ਸ਼ੀਟ ਨਾਲ ਕਵਰ ਕਰ ਬਣਾਇਆ ਗਿਆ ਹੈ।

ਇਸਦੇ ਪਹੀਏ ਲੌਕ ਹੋ ਜਾਂਦੇ ਹਨ ਜਿਸ ਨਾਲ ਇਸ ਦੇ ਇਸਤੇਮਾਲ ਵਿੱਚ ਸੌਖ ਹੁੰਦੀ ਹੈ। ਇੱਕ ਵਾਰ ਟੈਂਕ ਵਿੱਚ ਪਾਣੀ ਭਰਨ ਤੋਂ ਬਾਅਦ ਇਸ ਨੂੰ 5 ਤੋਂ 6 ਮਰੀਜ਼ਾਂ ਦੇ ਬੈੱਡ ਦੇ ਕੋਲ ਰੱਖ ਕੇ ਵਰਤੋਂ ਵਿੱਚ ਲਿਆਇਆ ਜਾ ਸਕਦਾ ਹੈ। ਵਰਤੋਂ  ਤੋਂ ਬਾਅਦ ਉਪਰ ਦੇ ਟੇਂਕ ਵਿੱਚ ਪਾਣੀ ਭਰ ਕੇ ਅਤੇ ਹੇਠਾਂ ਦੇ ਟੇਂਕ ਨੂੰ ਸਾਫ਼ ਕਰ ਫਿਰ ਵਰਤੋਂ ਵਿੱਚ ਲਿਆਇਆ ਜਾ ਸਕਦਾ ਹੈ।
 
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰਕੇ ਦਿਓ ਆਪਣੀ ਰਾਏ।