ਗਰੀਬਾਂ ਨਾਲ ਮਜ਼ਾਕ,  ਡਿਪੂ ਤੋਂ ਮਿਲੇ ਰਾਸ਼ਨ ''ਚ ਚੌਲਾਂ ਚੋਂ ਮਿਲੇ ਪੱਥਰ

ਸੋਲਨ (ਬਿਊਰੋ): ਕਸੌਲੀ ਇਲਾਕੇ 'ਚ ਸਸਤੇ ਰਾਸ਼ਨ ਦੇ ਨਾਮ 'ਤੇ ਗਰੀਬਾਂ ਦਾ ਮਜ਼ਾਕ ਉਡਾਇਆ ਜਾ ਰਿਹਾ ਹੈ। ਇੱਥੇ ਸਸਤੇ ਰਾਸ਼ਨ ਡਿਪੂਆਂ 'ਤੇ ਮਿਲਣ ਵਾਲੇ ਰਾਸ਼ਨ ਵਿੱਚ ਚੌਲਾਂ ਨਾਲੋਂ ਪੱਥਰ ਤੇ ਕੰਕਰ ਜ਼ਿਆਦਾ ਹਨ ਅਤੇ ਗਰੀਬਾਂ ਨੂੰ ਖਰਾਬ ਕਣਕ ਵੀ ਮਿਲ ਰਹੀ ਹੈ। ਗਰੀਬ ਲੋਕ ਜੋ ਸਰਕਾਰੀ ਡਿਪੂਆਂ ਤੋਂ ਮਿਲਣ ਵਾਲੇ ਰਾਸ਼ਨ 'ਤੇ ਗੁਜ਼ਾਰਾ ਕਰਦੇ ਹਨ, ਉਨ੍ਹਾਂ ਨੂੰ ਮਿਲਣ ਵਾਲਾ ਰਾਸ਼ਨ ਖਾਣ ਯੋਗ ਵੀ ਨਹੀਂ ਹੁੰਦਾ। ਉਹ ਕਸੌਲੀ ਇਲਾਕੇ 'ਚ ਮਾੜਾ ਰਾਸ਼ਨ ਦਿੱਤੇ ਜਾਣ ਤੋਂ ਬਹੁਤ ਪਰੇਸ਼ਾਨ ਹਨ। ਸਰਕਾਰੀ ਸਸਤੇ ਰਾਸ਼ਨ ਦੁਕਾਨਾਂ ਤੋਂ ਗਰੀਬਾਂ ਨੂੰ ਦਿੱਤੇ ਜਾਣ ਵਾਲੇ ਰਾਸ਼ਨ ਦੀ ਗੁਣਵੱਤਾ ਬਹੁਤ ਮਾੜੀ ਹੈ।

ਚੌਲ ਪੱਥਰਾਂ ਤੇ ਕੰਕਰਾਂ ਨਾਲ ਭਰੇ ਹੋਏ ਹਨ, ਜਦੋਂ ਕਿ ਕਈ ਬੋਰੀਆਂ ਵਿੱਚ ਕਣਕ ਵੀ ਕਾਫ਼ੀ ਖਰਾਬ ਹੋ ਰਹੀ ਹੈ। ਖੁਰਾਕ ਸੁਰੱਖਿਆ ਯੋਜਨਾ (NFSA) ਤੇ BPL ਕਾਰਡਾਂ ਤਹਿਤ ਹਰੇਕ ਯੂਨਿਟ ਨੂੰ ਕਣਕ ਅਤੇ ਚੌਲ ਪ੍ਰਦਾਨ ਕੀਤੇ ਜਾ ਰਹੇ ਹਨ। ਚੌਲਾਂ ਦੀ ਗੁਣਵੱਤਾ ਬਹੁਤ ਮਾੜੀ ਹੈ ਅਤੇ ਕਈ ਬੋਰੀਆਂ ਵਿੱਚ ਕਣਕ ਵੀ ਭੂੰਡਿਆਂ ਨਾਲ ਭਰੀ ਹੋਈ ਹੈ। ਮਾੜਾ ਰਾਸ਼ਨ ਮਿਲਣ ਕਾਰਨ ਖਪਤਕਾਰਾਂ ਵਿੱਚ ਸਰਕਾਰ ਵਿਰੁੱਧ ਗੁੱਸਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਡਿਪੂ ਵਿੱਚ ਆਉਣ ਵਾਲੇ ਰਾਸ਼ਨ ਦੀ ਸਪਲਾਈ ਦੀ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8