ਮੋਦੀ ਦਾ ਇੰਨਾ ਵੱਡਾ ਪ੍ਰਸ਼ੰਸਕ ਕਿ ਘਰ ਦੇ ਫਰੰਟ ''ਤੇ ਬਣਵਾ ਦਿੱਤੀ ਉਨ੍ਹਾਂ ਦੀ ਤਸਵੀਰ

ਕਰੀਮਨਗਰ - ਤੇਲੰਗਾਨਾ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਵੱਡੇ ਪ੍ਰਸ਼ੰਸਕ ਅਤੇ ਬੀਜੇਪੀ ਸਮਰਥਕ ਨੇ ਆਪਣੀ ਵਫਾਦਾਰੀ ਵਿਖਾਉਣ ਲਈ ਅਨੋਖਾ ਰਸਤਾ ਅਪਣਾਇਆ। ਉਸਨੇ ਆਪਣੇ ਨਵੇਂ ਬਣੇ ਮਕਾਨ ਦੀ ਦੀਵਾਰ 'ਤੇ ਹੀ ਪੀ.ਐੱਮ. ਮੋਦੀ ਦੀ ਵੱਡੀ ਤਸਵੀਰ ਬਣਵਾ ਦਿੱਤੀ ਹੈ।

ਕਰੀਮਨਗਰ ਜ਼ਿਲ੍ਹੇ ਦੇ ਰਾਮਾਡੁਗੁ ਜ਼ੋਨ ਦੇ ਚਿੱਪਾਕੁਰਥੀ ਪਿੰਡ ਵਿੱਚ ਰਹਿਣ ਵਾਲੇ ਬੀ. ਮਹੇਸ਼ ਬੀਜੇਪੀ ਕਰਮਚਾਰੀ ਹਨ। ਉਨ੍ਹਾਂ ਨੇ ਨਵੇਂ ਮਕਾਨ ਦਾ ਨਿਰਮਾਣ ਕਰਵਾਇਆ ਤਾਂ ਇੱਕ ਪਾਸੇ ਪੀ.ਐੱਮ. ਮੋਦੀ ਅਤੇ ਦੂਜੇ ਪਾਸੇ ਛੱਤਰਪਤੀ ਸ਼ਿਵਾਜੀ ਮਹਾਰਾਜ ਦੀ ਤਸਵੀਰ ਬਣਵਾ ਦਿੱਤੀ। ਹੁਣ ਇਹ ਮਕਾਨ ਇਲਾਕੇ ਵਿੱਚ ਲੋਕਾਂ ਦੇ ਖਿੱਚ ਦਾ ਕੇਂਦਰ ਬਣਿਆ ਹੋਇਆ ਹੈ। ਆਸਪਾਸ ਦੇ ਲੋਕ ਇਸ ਮਕਾਨ ਨੂੰ ਦੇਖਣ ਲਈ ਆ ਰਹੇ ਹਨ।

ਇਹ ਵੀ ਪੜ੍ਹੋ- ਰਾਹੁਲ ਗਾਂਧੀ ਨੇ ਵਿਦਿਆਰਥਣਾਂ ਨੂੰ ਦਿੱਤੀ ਜਾਪਾਨੀ ਮਾਰਸ਼ਲ ਆਰਟ ਦੀ ਸਿਖਲਾਈ, ਵੀਡੀਓ ਵਾਇਰਲ

ਇਸ ਗੱਲ ਦੀ ਖ਼ਬਰ ਤੇਲੰਗਾਨਾ ਬੀਜੇਪੀ ਪ੍ਰਧਾਨ ਬਾਂਦੀ ਸੰਜੈ ਨੂੰ ਮਿਲੀ। ਉਹ ਪਿੰਡ ਵਿੱਚ ਇੱਕ ਕਰਮਚਾਰੀ ਦੇ ਘਰ ਆਏ ਤਾਂ ਉਨ੍ਹਾਂ ਨੂੰ ਮਹੇਸ਼ ਦੇ ਮਕਾਨ ਬਾਰੇ ਜਾਣਕਾਰੀ ਮਿਲੀ। ਉਹ ਖੁਦ ਇਸ ਮਕਾਨ ਨੂੰ ਦੇਖਣ ਲਈ ਪੁੱਜੇ। ਸੰਜੈ ਬਾਂਦੀ ਕਰੀਮਨਗਰ ਲੋਕਸਭਾ ਸੀਟ ਤੋਂ ਸੰਸਦ ਵੀ ਹਨ। ਉਨ੍ਹਾਂ ਨੇ ਮਹੇਸ਼ ਨੂੰ ਉਨ੍ਹਾਂ ਦੇ ਸਮਰਥਨ ਲਈ ਧੰਨਵਾਦ ਕਿਹਾ।

Visited Balasani Mahesh Goud home at Ramadugu Mandal in my Parliamentary Constituency, who is a beloved follower of Honourable PM @narendramodi ji. pic.twitter.com/o4gvdC5ydx

— Bandi Sanjay Kumar (@bandisanjay_bjp) March 28, 2021

ਸੰਜੈ ਨੇ ਬਾਅਦ ਵਿੱਚ ਪੀ.ਐੱਮ.ਓ. ਨੂੰ ਟੈਗ ਕਰਦੇ ਹੋਏ ਟਵੀਟ ਵੀ ਕੀਤਾ। ਇਸ ਵਿੱਚ ਉਨ੍ਹਾਂ ਨੇ ਲਿਖਿਆ- ਆਪਣੇ ਸੰਸਦੀ ਖੇਤਰ ਵਿੱਚ ਰਾਮਾਡੁਗੁ ਮੰਡਲ ਵਿੱਚ ਬਾਲਾਸਨੀ ਮਹੇਸ਼ ਗੌਡ ਦੇ ਘਰ ਦਾ ਦੌਰਾ ਕੀਤਾ, ਜੋ ਮਾਣਯੋਗ ਪੀ.ਐੱਮ. ਨਰਿੰਦਰ ਮੋਦੀ ਜੀ ਦੇ ਕਈ ਫਾਲੋਅਰ ਹਨ।

ਇੱਕ ਹੋਰ ਟਵੀਟ ਵਿੱਚ ਬਾਂਦੀ ਸੰਜੈ ਨੇ ਲਿਖਿਆ ਕਿ ਘਰ ਦੀ ਵਿਸ਼ੇਸ਼ ਪਛਾਣ ਇਸਦੇ ਫਰੰਟ 'ਤੇ ਛੱਤਰਪਤੀ ਸ਼ਿਵਾਜੀ ਮਹਾਰਾਜ ਅਤੇ ਪੀ.ਐੱਮ. ਮੋਦੀ ਦੀਆਂ ਤਸਵੀਰਾਂ ਨੂੰ ਬਣਾਉਣਾ ਹੈ। ਇਹ ਭਾਰਤ ਦੇ ਨੇਤਾਵਾਂ ਦੇ ਪ੍ਰਤੀ ਅਨੋਖਾ ਵਿੱਖਣ ਵਾਲਾ ਭਾਵ ਹੈ।

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਬਾਕਸ ਵਿੱਚ ਦਿਓ ਜਵਾਬ।