ਕੰਗਣਾ ਵੱਲੋਂ ਦਿੱਤੇ ਨਫਰਤੀ ਬਿਆਨ ''ਤੇ ਸਰਨਾ ਨੇ DSGMC ''ਚ ਭਾਜਪਾ ਦੇ ਸਿੱਖ ਨੁਮਾਇੰਦਿਆਂ ਤੋਂ ਮੰਗਿਆ ਸਪੱਸ਼ਟੀਕਰਨ

ਨੈਸ਼ਨਲ ਡੈਸਕ - ਦਿੱਲੀ ਦੇ ਅਕਾਲੀ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ ਨੇ ਸੰਸਦ ਮੈਂਬਰ ਕੰਗਨਾ ਰਣੌਤ ਦੇ ਚੰਡੀਗੜ੍ਹ ਵਿੱਚ ਇੱਕ ਸਿੱਖ ਸੀਆਈਐਸਐਫ ਮਹਿਲਾ ਵੱਲੋਂ ਥੱਪੜ ਮਾਰੇ ਜਾਣ ਅਤੇ ਇਸ ਨੂੰ ਪੰਜਾਬ ਵਿੱਚ ਦਹਿਸ਼ਤੀ ਕਾਰਵਾਈ ਕਰਾਰ ਦੇਣ ਦੇ ਹਾਲ ਹੀ ਵਿੱਚ ਕੀਤੇ ਗਏ ਦਾਅਵਿਆਂ ਦੀ ਨਿਖੇਧੀ ਕੀਤੀ ਹੈ। ਉਨ੍ਹਾਂ ਕਿਹਾ, ਭਾਜਪਾ ਦੀ ਐਮ.ਪੀ ਕੰਗਣਾ ਰਣੌਤ ਵਲੋਂ ਉਹ ਕਹਿਣਾ ਕਿ ਪੰਜਾਬ ਵਿੱਚ ਅੱਤਵਾਦ ਵੱਧ ਰਿਹਾ ਹੈ, ਇਹ ਉਕਤ ਬੀਬੀ ਵੱਲੋਂ ਪਹਿਲਾਂ ਤੋਂ ਪੰਜਾਬ ਅਤੇ ਸਿੱਖਾਂ ਬਾਰੇ ਵਰਤੀ ਜਾਂਦੀ ਅੱਤ ਦੀ ਨਫ਼ਰਤੀ ਭਾਸ਼ਾ ਦਾ ਦੁਹਰਾਅ ਹੈ। 

ਇਹ ਵੀ ਪੜ੍ਹੋ- ਕੰਗਨਾ ਰਣੌਤ ਨੂੰ ਥੱਪੜ ਮਾਰਨ ਵਾਲੀ CISF ਸੁਰੱਖਿਆ ਮੁਲਾਜ਼ਮ ਮੁਅੱਤਲ

ਪਰਮਜੀਤ ਸਿੰਘ ਸਰਨਾ ਨੇ ਪ੍ਰੈਸ ਨੂੰ ਜਾਰੀ ਬਿਆਨ ਵਿੱਚ ਕਿਹਾ, ਇਹ ਸਾਰਿਆਂ ਨੂੰ ਸਮਝਣ ਦੀ ਲੋੜ ਹੈ ਕਿ ਇਹ ਅੱਤਵਾਦ ਜਾਂ ਵੱਖਵਾਦ ਦਾ ਮਸਲਾ ਨਹੀਂ ਸਗੋਂ ਮਨੁੱਖੀ ਖਿੱਚੋਤਾਣ ਦੇ ਸਮਾਜਿਕ ਆਰਥਿਕ ਸੰਕਟ ‘ਚੋਂ ਆਇਆ ਵਿਹਾਰ ਹੈ। ਇਸ ਤੋਂ ਪਹਿਲਾਂ ਵੀ ਕੰਗਣਾ ਨੇ ਕਿਸਾਨ ਅੰਦੋਲਣ ਵਿੱਚ ਬੈਠੀਆਂ ਬੀਬੀਆਂ ਨੂੰ 100 ਰੁਪਏ ਦਿਹਾੜੀ ‘ਤੇ ਆਈਆਂ ਕਿਹਾ ਸੀ। ਕੰਗਣਾ ਨੂੰ ਥੱਪੜ ਮਾਰਨ ਵਾਲੀ ਕੁਲਵਿੰਦਰ ਕੌਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਮਾਂ ਧਰਨੇ ਵਿੱਚ ਬੈਠੀ ਸੀ ਅਤੇ ਕੰਗਨਾ ਉਨ੍ਹਾਂ ਬਾਰੇ ਨਫਰਤੀ ਬਿਆਨ ਦੇ ਰਹੀ ਸੀ। ਜਿਸ ਕਰਕੇ ਉਸਦੇ ਮਨ ‘ਚ ਗੁੱਸਾ ਸੀ। ਕੁਲਵਿੰਦਰ ਕੌਰ ਮੁਤਾਬਕ ਭਾਜਪਾ ਐਮ.ਪੀ ਕੰਗਣਾ ਰਣੌਤ ਪਤਾ ਤਾਂ ਕਰੇ ਕਿ ਧਰਨੇ ‘ਤੇ ਬੈਠੇ ਕਿਸਾਨ ਕੌਣ ਹਨ ਅਤੇ ਉਨ੍ਹਾਂ ਦਾ ਦਰਦ ਕੀ ਹੈ? 

ਇਹ ਵੀ ਪੜ੍ਹੋ- ਦੇਵੇਂਦਰ ਫੜਨਵੀਸ ਤੋਂ ਬਾਅਦ ਹੁਣ ਯੂਪੀ ਦੇ ਇਸ ਭਾਜਪਾ ਪ੍ਰਧਾਨ ਨੇ ਕੀਤੀ ਅਸਤੀਫੇ ਦੀ ਪੇਸ਼ਕਸ਼, ਜਾਣੋਂ ਕਾਰਨ

ਪਰ ਇਸਦੀ ਬਜਾਏ ਉਕਤ ਐਮ.ਪੀ ਨੇ ਜੋ ਬਿਆਨ ਪੰਜਾਬ ਬਾਰੇ ਦਿੱਤਾ ਹੈ ਉਹ ਅੱਤ ਦੀ ਨਫ਼ਰਤ ਹੈ। ਭਾਜਪਾ ਦੇ ਪੰਜਾਬ ਦੇ ਆਗੂ ਤੇ ਭਾਜਪਾ ਵਿੱਚ ਸ਼ਾਮਲ ਹੋਏ ਅਖੌਤੀ ਸਿੱਖ ਆਗੂ ਦੱਸਣ ਕਿ ਕੀ ਉਹ ਆਪਣੀ ਐਮ.ਪੀ ਦੇ ਇਸ ਬਿਆਨ ਨਾਲ ਸਹਿਮਤ ਹਨ ? ਤੇ ਉਹ ਵੀ ਮੰਨਦੇ ਹਨ ਕਿ ਕਿਸਾਨੀ ਸੰਘਰਸ਼ ਦਾ ਗੁੱਸਾ ਉਨ੍ਹਾਂ ਲਈ ਵੱਖਵਾਦ ਹੈ। ਜੇਕਰ ਅਜਿਹਾ ਨਹੀਂ ਤਾਂ ਕੀ ਉਹ ਆਪਣੀ ਪਾਰਟੀ ਦੀ ਐਮ.ਪੀ ਦੇ ਇਸ ਬਿਆਨ ਦੀ ਨਿਖੇਧੀ ਕਰਨਗੇ ਅਤੇ ਉਸ ਨੂੰ ਮਾਫੀ ਮੰਗਣ ਲਈ ਕਹਿਣਗੇ?

ਸਰਨਾ ਨੇ ਰਣੌਤ ਨੂੰ ਕਿਹਾ, "ਹੁਣ ਜਦੋਂ ਤੁਹਾਡੀ ਪਾਰਟੀ ਦਾ ਆਕਾਰ ਘੱਟ ਗਿਆ ਹੈ, ਤਾਂ ਗੋਦੀ ਮੀਡੀਆ ਤੋਂ ਮੂਰਖਤਾਪੂਰਵਕ ਧਿਆਨ ਦੇਣ ਲਈ ਸ਼ਹੀਦ ਦੀ ਭੂਮਿਕਾ ਨਿਭਾਉਣੀ ਬੰਦ ਕਰੋ।" ਉਨ੍ਹਾਂ ਦੱਸਿਆ ਕਿ ਕਿਸਾਨ ਪ੍ਰਦਰਸ਼ਨਾਂ ਦੌਰਾਨ, ਰਣੌਤ ਨੇ ਸੀਆਈਐਸਐਫ ਅਧਿਕਾਰੀ ਦੀ ਮਾਂ ਦਾ ਅਪਮਾਨ ਕੀਤਾ ਸੀ ਅਤੇ ਹੁਣ ਪੰਜਾਬ ਨੂੰ ਇੱਕ ਦਹਿਸ਼ਤਗਰਦ ਰਾਜ ਵਜੋਂ ਲੇਬਲ ਕੀਤਾ ਸੀ ਕਿਉਂਕਿ ਅਧਿਕਾਰੀ ਦਾ ਇੱਕ ਉਪਨਾਮ ਕੌਰ ਸੀ।

ਇਹ ਵੀ ਪੜ੍ਹੋ- ਕੰਗਨਾ ਨੂੰ ਥੱਪੜ ਮਾਰਨ ਦੀ ਘਟਨਾ ਦੀ ਕਾਂਗਰਸ ਨੇਤਾ ਵਿਕਰਮਾਦਿੱਤਿਆ ਨੇ ਕੀਤੀ ਨਿੰਦਾ

ਸਰਨਾ ਨੇ ਰਣੌਤ ਦੇ ਬਿਆਨਾਂ 'ਤੇ ਡੀਐਸਜੀਐਮਸੀ ਵਿੱਚ ਭਾਜਪਾ ਦੇ ਸਿੱਖ ਨੁਮਾਇੰਦਿਆਂ ਤੋਂ ਸਪੱਸ਼ਟੀਕਰਨ ਵੀ ਮੰਗਿਆ ਹੈ। ਉਨ੍ਹਾਂ ਨੇ ਚੁਣੌਤੀ ਦਿੰਦਿਆਂ ਕਿਹਾ, “ਡੀਐਸਜੀਐਮਸੀ ਦੇ ਡੀ-ਫੈਕਟੋ ਹੈੱਡ ਮਨਜਿੰਦਰ ਸਿੰਘ ਸਿਰਸਾ ਅਤੇ ਉਨ੍ਹਾਂ ਦੇ ਅਧੀਨ ਹਰਮੀਤ ਸਿੰਘ ਕਾਲਕਾ ਵਰਗੇ ਗੰਭੀਰ ਟਵੀਟ ਕਰਨ ਵਾਲੇ ਕਿੱਥੇ ਹਨ? ਕੀ ਉਹ ਕੰਗਨਾ ਰਣੌਤ ਦੇ ਬਿਆਨ ਦੀ ਨਿੰਦਾ ਕਰਨਗੇ ਜਾਂ ਮਨਜ਼ੂਰ ਕਰਨਗੇ? 

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇                             

https://whatsapp.com/channel/0029Va94hsaHAdNVur4L170e